അമ്പരപ്പിക്കുന്ന മാറ്റം, 105ല്‍ നിന്ന് 72 കിലോയിലേക്ക്; ടിവി താരം സുമീത് സച്ച്ദേവ് 33 കിലോ തടി കുറക്കാന്‍ ചെയ്

ബോളിവുഡ് താരങ്ങളായാലും ടിവി താരങ്ങളായാലും ഫിറ്റ്നസ് എല്ലാവര്‍ക്കും പ്രധാനമാണ്. പലപ്പോഴും താരങ്ങള്‍ അവരുടെ ശരീര പരിവര്‍ത്തനത്തിലൂടെ എല്ലാവരേയും അത്ഭുതപ്പെടുത്തുന്നു. ബോളിവുഡ് നടി സാറാ അലി ഖാനോ ഗായകന്‍ അദ്നാന്‍ സാമിയോ നടന്‍ അര്‍ജുന്‍ കപൂറോ ആകട്ടെ, പലരും തങ്ങളുടെ അമിതവണ്ണം കുറച്ച് ഫിറ്റായി ആരാധകരെ ഞെട്ടിച്ചിട്ടുണ്ട്.

അതിനിടെ, ശരീരഭാരം കുറച്ച് വരെയും അമ്പരപ്പിച്ച നിരയിലേക്ക് മറ്റൊരു പേര് കൂടി എത്തിയിരിക്കുകയാണ്. 'ക്യോം കി സാസ് ഭി കഭി ബഹു ധീ' എന്ന ഹിന്ദി സീരിയലിലെ പ്രമുഖതാരം സുമീത് സച്ച്‌ദേവിനെക്കുറിച്ചാണ്. ഈ സീരിയലില്‍ ഗൗതം വിരാനി എന്ന റോള്‍ ചെയ്തത് സുമീത് ആണ്.

എന്നിരുന്നാലും, ഇതിന് ശേഷം സുമീത് നിരവധി സീരിയലുകളിലും ടിവി ഷോകളിലും കണ്ടു. അതിഥി വേഷത്തിലും സപ്പോര്‍ട്ടിംഗ് റോളിലുമായി സ്‌ക്രീനില്‍ നിറഞ്ഞുനിന്നിരുന്നു. എന്നാല്‍ കഴിഞ്ഞ അഞ്ച് വര്‍ഷമായി സുമിത് സച്ച്‌ദേവ് അഭിനയ മേഖലയില്‍ നിന്ന് ഒരു ബ്രേക്ക് എടുത്തിരുന്നു. ഇപ്പോള്‍ വീണ്ടും ഒരു തിരിച്ചുവരവിന് ഒരുങ്ങുകയാണ് താരം.

5 വര്‍ഷത്തിന് ശേഷം തിരിച്ചുവരവ്
കഴിഞ്ഞ മാസം ആരംഭിച്ച 'ചഷ്നി' എന്ന ടിവി ഷോയിലൂടെയാണ് സുമിത് സച്ച്ദേവ് തിരിച്ചുവരവ് നടത്തിയത്. 5 വര്‍ഷത്തിന് ശേഷം ഒരിക്കല്‍ കൂടി സുമിത് അഭിനയിക്കുന്നത് കാണാം. എന്നാല്‍, തിരിച്ചുവരവോടെ സുമീതിന്റെ രൂപവും ആകെ മാറി. തന്റെ രൂപമാറ്റത്തിന് ശേഷമുള്ള ചില ചിത്രങ്ങള്‍ താരം ആരാധകര്‍ക്കായി പങ്കുവെച്ചിട്ടുണ്ട്.

നടന്റെ രൂപം കണ്ട് അമ്പരന്നിരിക്കുകയാണ് ആരാധകര്‍. 33 കിലോയോളം തടി കുറച്ച് ഇപ്പോള്‍ നല്ല ഫിറ്റ്‌നസ്സോടെ ഇരിക്കുകയാണ് താരം. തന്റെ ജീവിതത്തിലെ ശരീരഭാരം കുറയ്ക്കാനുള്ള ശ്രമത്തെക്കുറിച്ചും കര്‍ശനമായ ഭക്ഷണക്രമങ്ങളെക്കുറിച്ചും മറ്റും താരം അടുത്തിടെ ഒരു ഇന്റര്‍വ്യൂവില്‍ പറയുകയുണ്ടായി.

സഹോദരനാണ് ഡയറ്റീഷ്യന്‍
ഇളയ സഹോദരന്‍ സന്ദീപ് സച്ച്‌ദേവ് ആണ് തന്റെ ഡയറ്റീഷ്യന്‍ എന്ന് സുമീത് പറയുന്നു. ''ജീവിതത്തില്‍ 3 തവണ ശരീരഭാരം കുറഞ്ഞു. അതില്‍ ഏറ്റവും ഗണ്യമായി ഭാരം കുറഞ്ഞതിനെക്കുറിച്ചാണ് ഞാന്‍ സംസാരിക്കുന്നത്. ആദ്യമായി ക്യോം കി സാസ് ഭി കഭി ധി ചെയ്തപ്പോള്‍ എന്റെ ഭാരം കുറഞ്ഞു. ആ സമയത്ത് എന്റെ സഹോദരന്‍ കുട്ടിയായിരുന്നു, അതിനാല്‍ അവന്‍ അന്ന് എന്റെ ഡയറ്റീഷ്യന്‍ ആയിരുന്നില്ല.

തടി കൂടിയിരുന്ന കാലം
ഞാന്‍ വാസ്തുവിദ്യയിലേക്ക് ചുവടുവെക്കുകയും അഭിനയത്തില്‍ നിന്ന് വിട്ടുനില്‍ക്കുകയും ചെയ്തിരുന്നു. അപ്പോള്‍ എനിക്ക് ഒരുപാട് തടി കൂടിയിരുന്നു. ആ സമയം ഭക്ഷണക്രമവും വ്യായാമവും കൊണ്ട് ഞാന്‍ ശരീരഭാരം കുറച്ചിരുന്നു. അതിനുശേഷം, യേ ഹേ മൊഹബത്തേന്‍ എന്ന ചിത്രത്തിലൂടെ ഞാന്‍ ഒരു തിരിച്ചുവരവ് നടത്തി. പിന്നെ 'ചഷ്നി'യിലെ സുമര്‍ ബബ്ബര്‍ എന്ന കഥാപാത്രത്തെ അവതരിപ്പിക്കാന്‍ ഞാന്‍ ഏകദേശം 15 കിലോ കുറഞ്ഞു' - സുമീത് പറയുന്നു.

'ചഷ്നി'ക്കായി 15 കിലോ കുറഞ്ഞു
യേ ഹേ മൊഹബത്തേന്‍ ചെയ്യുമ്പോള്‍ 33 കിലോ കുറഞ്ഞിരുന്നു. അതിന് ഏകദേശം 15 മാസമെടുത്തു. ഞാന്‍ 105 കിലോഗ്രാം ആയിരുന്നു, ഇപ്പോള്‍ 72 ആയി കുറഞ്ഞു. ഈ സമയം ഏകദേശം 6 മാസം മുമ്പ് എനിക്ക് 92 ആയിരുന്നു. ചഷ്‌നിക്കായി ഞാന്‍ സൈന്‍ ചെയ്യുമ്പോള്‍ എനിക്ക് 87 കിലോ ആയിരുന്നു. ഇപ്പോള്‍ വീണ്ടും 72 കിലോ ആയി. യേ ഹേ മൊഹബത്തേനിന്റെ സമയത്തെ അതേ ഭാരമാണ് ഇപ്പോള്‍ എനിക്കുള്ളത്.

വ്യായാമത്തില്‍ അലസന്‍
വാസ്തുവിദ്യാ രംഗത്തേക്ക് ചുവടുവെച്ചപ്പോള്‍ അഭിനയത്തില്‍ നിന്ന് ഞാന്‍ അകന്നു. എനിക്ക് പരിചയമില്ലാത്ത ജീവിതമായിരുന്നു അത്. വാസ്തുവിദ്യ മനസ്സിലാക്കാന്‍ എനിക്ക് കൂടുതല്‍ ശ്രമിക്കേണ്ടിവന്നു. വ്യായാമത്തിന്റെ കാര്യത്തില്‍ ഞാന്‍ അലസനായിരുന്നു. അപ്പോള്‍ ഒന്നും ഞാന്‍ ശ്രദ്ധിച്ചിരുന്നില്ല.

റോളിനു വേണ്ടി രൂപമാറ്റം
ചഷ്നിക്ക് വേണ്ടി, എന്നെ കാസ്റ്റ് ചെയ്തതിന് ശേഷം ശരീരഭാരം കുറയ്ക്കാന്‍ എന്നോട് ആവശ്യപ്പെട്ടു. ഈ സമയം, അത് റോളിനുള്ള തയ്യാറെടുപ്പ് പോലെയായിരുന്നു. ഞാന്‍ വളരെ കര്‍ശനമായ ഭക്ഷണക്രമത്തിലായിരുന്നു. ഡയറ്റ് ചെയ്യുമ്പോള്‍ ഞാന്‍ വളരെയേറെ ശ്രദ്ധിച്ചു.

തടി കൂട്ടുന്ന തരത്തിലുള്ള യാതൊന്നും ഞാന്‍ അപ്പോള്‍ കഴിച്ചിരുന്നില്ല. ഞാന്‍ ഒരുപാട് ഓട്ടം പരിശീലിച്ചു. എന്റെ ഫിറ്റ്‌നസ്സില്‍ ഞാന്‍ ഇന്ന് വളരെ സന്തുഷ്ടനാണ്. ഒരു മണിക്കൂറിനുള്ളില്‍ ഏകദേശം 11 കി.മീ വരെ ഓടിയിട്ടുണ്ട്. ഫിറ്റായിരിക്കുന്നത് നല്ലതായി തോന്നുന്നു.

കൃത്യമായ ഡയറ്റ്
ശരീരഭാരം കുറയ്ക്കാനുള്ള തിരക്കിലായിരുന്നു ഞാന്‍. ഒരു ടൈംലൈന്‍ ഉണ്ടായിരുന്നു, എന്റെ സഹോദരന്‍ എനിക്ക് സീറോ കാര്‍ബ് ഡയറ്റും ഉയര്‍ന്ന പ്രോട്ടീനും നിര്‍ദേശിച്ചു. 3 മാസത്തിലേറെയായി കാര്‍ബോഹൈഡ്രേറ്റ് ഭക്ഷണം ഇല്ല. ദിവസവും 6 തവണയായി ചെറിയ അളവില്‍ ഭക്ഷണം കഴിക്കുന്നു.

തടി നിയന്ത്രണത്തിലായപ്പോള്‍ പ്രഭാതഭക്ഷണത്തിനും ഉച്ചഭക്ഷണത്തിനും മാത്രം കാര്‍ബോഹൈഡ്രേറ്റ് കഴിച്ചു. ഊര്‍ജത്തിന് കാര്‍ബോഹൈഡ്രേറ്റ് ആവശ്യമാണ്. രാത്രിയില്‍ ഗ്രില്‍ ചെയ്ത ചിക്കന്‍, മത്സ്യം അല്ലെങ്കില്‍ പച്ചക്കറികള്‍ എന്നിവ കഴിക്കുന്നു.

പുതിയ ലുക്ക്
പണ്ട് ഞാന്‍ ഫിറ്റായിരുന്നു. നന്നായി ഷേവ് ചെയ്ത് നീളം കുറഞ്ഞ മുടിയുള്ള ലുക്കിലാണ് ആളുകള്‍ എപ്പോഴും എന്നെ കണ്ടിട്ടുള്ളത്. ഒരു സാള്‍ട്ട് ആന്‍ഡ് പെപ്പര്‍ ലുക്ക് ഞാന്‍ ആഗ്രഹിച്ചു. ഷോയില്‍ കാസ്റ്റ് ചെയ്ത ആദ്യ അഭിനേതാക്കളില്‍ ഒരാളാണ് ഞാന്‍. ഷോ തുടങ്ങുന്നതിന് മുമ്പ് എനിക്ക് ഒരുപാട് സമയം കിട്ടി. അങ്ങനെ തടി കുറക്കാനും മൊത്തത്തിലുള്ള ലുക്ക് മാറ്റാനും സമയം കിട്ടി- സുമീത് പറഞ്ഞവസാനിപ്പിച്ചു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.