സ്ട്രസ്സ് ഒഴിവാക്കാന്‍ വീട്ടു വഴികള്‍

ടെന്‍ഷനും മാനസിക പിരിമുറുക്കവും കോപവും ഇല്ലാത്തവരായി ആരും ഉണ്ടാകില്ല. നിത്യജീവിതത്തിലൂടെ ഓരോ ദിവസവും പല തവണ സ്‌ട്രെസ്സിലൂടെയും ടെന്‍ഷനിലൂടെയും കടന്നു പോകുന്നവരായിരിക്കും പലരും. തിരക്ക് പിടിച്ച ജീവിത്തില്‍ ആധിയും കോപവും ഇല്ലെങ്കിലേ അതിശയമുള്ളൂ. ഇതിനുള്ള പരിഹാരങ്ങള്‍ തേടി നടക്കുന്നവരും ഉണ്ട്. എന്നാല്‍ ഇത്തരം സ്ട്രസ്സ് കുറയ്ക്കാനുള്ള വഴികള്‍ തിരഞ്ഞു നടക്കാന്‍ പോലും ചിലര്‍ക്ക് സമയമില്ല.

ഈ തിരക്കു പിടിച്ച ജീവിത്തില്‍ ഒന്നിനു വേണ്ടിയും സമയം മാറ്റിവെക്കാന്‍ ആര്‍ക്കും കഴിയുന്നില്ല. കിട്ടുന്ന സമയം പോലും ആവശ്യത്തിന് തികയുന്നില്ല എന്ന മട്ടാണ് എല്ലാവര്‍ക്കും. എന്നാല്‍ മരുന്നു കഴിക്കാതെയും നിങ്ങളുടെ സ്‌ട്രെസ്സ് കുറയ്ക്കാം. അതിനുള്ള വഴികള്‍ നിങ്ങളുടെ വീട്ടില്‍ നിന്നു തന്നെ കണ്ടെത്താം.

വീട്ടില്‍ നിന്നു തന്നെ സ്‌ട്രെസ്സും കോപവും ഹൈപ്പര്‍ടെന്‍ഷനും കുറയ്ക്കാനുള്ള പ്രകൃതിദത്ത വഴികള്‍ എന്തൊക്കെയാണ്....

വെളുത്തുള്ളി

നിങ്ങള്‍ കഴിക്കുന്ന ആഹാരവിഭവങ്ങളില്‍ വെളുത്തുള്ളികള്‍ ചേര്‍ക്കുന്നത് നിങ്ങളിലുള്ള മാനസിക പിരിമുറുക്കത്തിന് നല്ലതാണ്.

ചെറുനാരങ്ങ ജ്യൂസ്

വൈറ്റമിന്‍ സി അടങ്ങിയ ചെറുനാരങ്ങയുടെ ജ്യൂസ് കുടിക്കുന്നതും സ്ട്രസ്സ് കുറയ്ക്കാന്‍ വളരെ നല്ലതാണ്.

നെല്ലിക്കയും തേനും

നെല്ലിക്കയും തേനും ചേര്‍ത്ത മിശ്രിതം ഒരു ടീസ്പൂണ്‍ എന്നും രാവിലെ കഴിക്കുന്നതും നിങ്ങളുടെ മാനസിക പിരിമുറുക്കത്തിന് നല്ലതാണ്.

ഓട്‌സ്

ശരീരത്തിലെ സെറോട്ടോണിന്റെ അളവ് ക്രമീകരിക്കാന്‍ കഴിവുള്ള ഓട്‌സ് കൊളസ്‌ട്രോള്‍ കുറയ്ക്കാനും അതുവഴി മനസ് ശാന്തമാക്കി നിര്‍ത്താനും സഹായിക്കും

കാരറ്റ് ജ്യൂസും ചീര ജ്യൂസും

കുറച്ച് കാരറ്റ് ജ്യൂസും ചീരയുടെ ജ്യൂസും രാവിലെ കുടിക്കുന്നതും നല്ലതാണ്. വൈറ്റമിന്‍ എ,സി,ഇരുമ്പ് അടങ്ങിയ ചീര ആഹാരത്തില്‍ പതിവായി ഉള്‍പ്പെടുത്തുക.