കുമ്പളങ്ങ കഴിച്ചാല്‍...

By Sruthi K M

Published: Wednesday, May 13, 2015, 17:33 [IST]

കുമ്പളങ്ങ ഭക്ഷണത്തില്‍ അധികമാരും ഉള്‍പ്പെടുത്താറില്ല. എന്തെങ്കിലും പ്രത്യേക വിഭവങ്ങള്‍ തയ്യാറാക്കുമ്പോള്‍ മാത്രമാണ് ചിലര്‍ കുമ്പളങ്ങ കടയില്‍ നിന്നും വാങ്ങിക്കുന്നത്. വൈറ്റമിന്‍സും മിനറല്‍സും അടങ്ങിയ കുമ്പളങ്ങ നിങ്ങള്‍ ദിവസവും ഭക്ഷണത്തില്‍ ഉള്‍പ്പെടുത്തുന്നത് എന്തുകൊണ്ടും നല്ലതാണ്.

നട്‌സ് കഴിക്കൂ, ഗുണങ്ങളറിയൂ

ഫോസ്ഫറസ്, കാത്സ്യം, റിബോഫഌവിന്‍, അയേണ്‍, തൈമിന്‍, നൈസിന്‍, വൈറ്റമിന്‍ സി തുടങ്ങി ഒട്ടേറെ സംയുക്തങ്ങള്‍ അടങ്ങിയ കുമ്പളങ്ങ ആരോഗ്യത്തിന് മികച്ച ഗുണങ്ങള്‍ തരും. കൊഴുപ്പ് കുറഞ്ഞ ഇവയില്‍ ഫൈബറും, കാര്‍ബണ്‍ഡൈ ഓക്‌സൈഡും പ്രോട്ടീനും അടങ്ങിയിട്ടുണ്ട്. കലോറിയും കുമ്പളങ്ങയില്‍ കുറവാണ്. അതുകൊണ്ടുതന്നെ ധൈര്യമായി കഴിക്കാം..

പൊണ്ണത്തടി

പൊണ്ണത്തടിയുള്ളവര്‍ക്ക് കുമ്പളങ്ങ കഴിക്കാം. ഇതില്‍ കൊഴുപ്പും കലോറിയും വളരെ കുറവ് മാത്രമേയുള്ളൂ.

പ്രമേഹം

കുമ്പളങ്ങ പ്രമേഹരോഗികള്‍ക്കും കഴിക്കാവുന്നതാണ്. രക്തത്തിലെ പഞ്ചസാര കുറയ്ക്കാന്‍ ഇവ സഹായിക്കും.

അസിഡിറ്റിയും അള്‍സറും

തണുപ്പിക്കാന്‍ ശേഷിയുള്ള ഇവ കഴിക്കുന്നതുമൂലം അസിഡിറ്റിയും അള്‍സറും ശമിപ്പിക്കാം.

നാഡീവ്യൂഹം

കുമ്പളങ്ങ നാഡീവ്യൂഹത്തിന് ഉറപ്പ് നല്‍കുന്നു.

കോശങ്ങള്‍

കുമ്പളങ്ങയുടെ വിത്ത് ശരീരത്തിനാവശ്യമില്ലാത്ത കോശങ്ങളുടെ വളര്‍ച്ച തടയും.

മലബന്ധം

വയറിനുണ്ടാകുന്ന എല്ലാ പ്രശ്‌നങ്ങളും മാറ്റും. മലക്കെട്ട് പോലുള്ള പ്രശ്‌നങ്ങള്‍ ഉണ്ടാക്കില്ല.

രക്തസ്രാവം

മൂക്കില്‍ നിന്നും ശ്വാസകോശത്തില്‍ നിന്നും വരുന്ന രക്തസ്രാവം നിര്‍ത്തലാക്കാന്‍ ഇവയ്ക്ക് കഴിയും. കുമ്പളങ്ങ ജ്യൂസില്‍ ചെറുനാരങ്ങാനീര് ഒഴിച്ച് കുടിച്ചാല്‍ മതി.

ശരീരികക്ഷീണം

കുമ്പളങ്ങ വേവിച്ച വെള്ളത്തില്‍ അല്‍പം പഞ്ചസാര ചേര്‍ത്ത് സിറപ്പായി കുടിക്കാം. ഇത് നിങ്ങളുടെ ശരീരക്ഷീണം മാറ്റുകയും അനീമിയ പോലുള്ള വിളര്‍ച്ചകള്‍ ഇല്ലാതാക്കുകയും ചെയ്യുന്നു.