Click it and Unblock the Notifications
Latest Updates
-
ആരോഗ്യത്തിന്റെ കലവറ ആയുസ്സിന് മുതല്ക്കൂട്ട്: പക്ഷേ മാതള നാരങ്ങ ഇവര് കഴിക്കരുത്, കാരണം ഇതാ -
മാര്ച്ച് 11-ന് ശനി അസ്തമയം: വിഷുവിന് ശേഷമുള്ള ഒരാഴ്ച വരെ മാറ്റങ്ങള് അതിഗംഭീരം ഈ രാശിക്കാര്ക്ക് -
ശനിയുടെ നക്ഷത്രത്തിലേക്ക് ചൊവ്വ: ഉത്രട്ടാതി നാളില് സംഭവിക്കുന്ന മാറ്റം നിസ്സാരമല്ല, ഭാഗ്യം കടാക്ഷിക്കും രാശി -
Rashiphalam: ഇന്ന് നിങ്ങള്ക്ക് എങ്ങനെ, അറിയണം 12 രാശിക്കാര്ക്കും ഗുണങ്ങളും ദോഷങ്ങളും ഇപ്രകാരമെന്ന് -
നെല്ലിക്ക ജ്യൂസില് ഒരു നുള്ള് മഞ്ഞള്പ്പൊടിയിട്ട് രാവിലെ കുടിക്കാം : ഗുണങ്ങള് ഇതെല്ലാം -
ശുക്രാദിത്യ രാജയോഗം: സൂര്യശുക്രന്മാര് സംയോജിക്കുമ്പോള് അതിഗംഭീര അവസരങ്ങള്, 3 രാശിക്ക് വിധി മാറിമറിയും -
സമ്പൂര്ണ വാരഫലം: മാര്ച്ച് 9- 15 വരെ അശ്വതി - രേവതി നക്ഷത്രഫലം: നേടുന്നവരും നഷ്ടപ്പെടുന്നവരും ഇവരാണ് -
മാര്ച്ചില് സൂര്യന് മാറുന്നത് 4 തവണ: ധനസമ്പത്തിന് ഇനി മുട്ടില്ല, മാര്ച്ച് 31 വരെ ഇവര്ക്ക് സുവര്ണകാലം -
വനിതാദിനം 2026: എത്രയൊക്കെ നിസ്സാരമെന്ന് കരുതുന്നോ അത്രയും കഠിനം ഈ വേദനകള്, 30-ന് ശേഷം ശ്രദ്ധിക്കണം -
വനിതാദിനം 2026: ഏത് പ്രായത്തിലും മാനസികാരോഗ്യം അതിപ്രധാനം, പ്രത്യേകിച്ച് ഗര്ഭകാലത്തും പ്രസവശേഷവും
ആകാരഭംഗിക്കും വടിവൊത്ത ശരീരത്തിനും വഴി; മലൈക അറോറയുടെ ഡയറ്റ് പ്ലാനും ഫിറ്റ്നസ് രഹസ്യവും
ബോളിവുഡിലെ ഏറ്റവും ഫിറ്റായ നടിമാരിലൊരാളായാണ് മലൈക അറോറ അറിയപ്പെടുന്നത്. അവരുടെ ശരീരഘടനയെ ആരാധകര് വളരെയേറെ ഇഷ്ടപ്പെടുകയും പ്രശംസിക്കുകയും ചെയ്യുന്നു. കൂടാതെ നിരവധി ഫിറ്റ്നസ് പ്രേമികള് അവരുടെ ഭക്ഷണക്രമവും വ്യായാമങ്ങളും പിന്തുടരുന്നു. മലൈക അറോറയുടെ സൗന്ദര്യവും ഭംഗിയും വിവരിക്കാന് വാക്കുകള് കുറവാണ്. 49കാരിയായ ബോളിവുഡ് നടിക്ക് എല്ലാവരേയും തന്നിലേക്ക് അടുപ്പിക്കാനും തന്റെ ശരീരസൗന്ദര്യത്തിലേക്ക് ആകര്ഷിക്കാനുമുള്ള ഒരു കാന്തിക പ്രഭാവലയമുണ്ട്. തന്റെ ശരീരഭംഗി ഒറ്റദിവസം കൊണ്ടല്ല മലൈക സ്വന്തമാക്കിയത്. ആരോഗ്യം, ഫിറ്റ്നസ് എന്നിവയിലും തന്റേതായ വ്യക്തിമുദ്ര നടി പതിപ്പിച്ചിട്ടുണ്ട്. മലൈകയുടെ ഇന്സ്റ്റാഗ്രാം പേജ് നോക്കിയാല് നിങ്ങള്ക്ക് മനസിലാകും, അവര് എത്രത്തോളം ഫിറ്റ്നസ്സ് പ്രേമിയാണെന്ന്.
നാല്പ്പതുകളുടെ അവസാനത്തിലും മലൈക ഇത്ര ചെറുപ്പമായി തോന്നുന്നത് എങ്ങനെയെന്ന് നിങ്ങള് എപ്പോഴെങ്കിലും ചിന്തിച്ചിട്ടുണ്ടോ? തന്റെ ശരീരം ശ്രദ്ധിക്കുന്നതിലും ആരോഗ്യം നിലനിര്ത്താന് ആവശ്യമായതെല്ലാം ചെയ്യുന്നതിലുമാണ് ആ രഹസ്യം ഒളിഞ്ഞുകിടക്കുന്നത്. തന്റെ ഭക്ഷണക്രമവും ഫിറ്റ്നസ് ദിനചര്യയും അര്പ്പണബോധത്തോടെ പിന്തുടരുന്നയാളാണ് മലൈക. എല്ലാവരും അസൂയപ്പെടുത്തുന്ന ഒരു ശരീരഘടന നിലനിര്ത്താന് ഇത് അവരെ സഹായിക്കുന്നു. അതിനാല്, മലൈകയുടേതു പോലെ സുന്ദരമായ ശരീരഘടന ആഗ്രഹിക്കുന്നവരാണ് നിങ്ങളെങ്കില്, അവരുടെ ഡയറ്റ് പ്ലാനെക്കുറിച്ചും വര്ക്ക്ഔട്ട് രീതിയെക്കുറിച്ചും ഇവിടെ നിങ്ങള്ക്ക് വായിച്ചറിയാം.
യോഗ
ശരീരം നല്ല വടിവോടെ കാത്തുസൂക്ഷിക്കാനായി മലൈക യോഗ ചെയ്യാന് വളരെയേറെ ഇഷ്ടപ്പെടുന്നു. ഇക്കാര്യം മലൈകയുടെ ഇന്സ്റ്റാഗ്രാം പേജില് നിന്ന് വളരെ വ്യക്തമാണ്. ഒരേസമയം വിവിധ യോഗാപോസുകള് കാണിക്കുന്നതില് വൈദഗ്ദ്ധ്യം നേടിയ ആളാണ് മലൈക. അവരുടെ ശരീരത്തിന്മേല് മികച്ച നിയന്ത്രണം നേടുകയും ഓരോ പോസുകളും തികഞ്ഞ സൂക്ഷ്മതയോടെ അവതരിപ്പിക്കുകയും ചെയ്യുന്നു. മലൈകയെ മിക്കപ്പോഴും യോഗാ സ്റ്റുഡിയോയില് ഇടയ്ക്കിടെ കാണാന് കഴിയും. അവരുടെ ശരീരം എല്ലായ്പ്പോഴും വടിവൊത്തതും ഫിറ്റായും കാണുന്നതില് അതിശയിക്കാനില്ല.
പൈലേറ്റ്സ്
യോഗ കൂടാതെ മലൈക സ്ഥിരമായി പൈലേറ്റ്സും പരിശീലിക്കുന്നു. ഫിറ്റ്നസ് രംഗത്ത് പുതിയതായി വരുന്നവര്ക്ക് ശരീര പേശികള്, ശാരീരിക ശക്തി, വഴക്കം, ഭാവം, മാനസിക അവബോധം എന്നിവ ശക്തിപ്പെടുത്താന് ലക്ഷ്യമിട്ടുള്ള ഒരു മികച്ച വ്യായാമ രൂപമാണ് പൈലേറ്റ്സ്. മലൈക ഒരു പൈലേറ്റ്സ് സ്റ്റുഡിയോയില് ഇടയ്ക്കിടെ സന്ദര്ശിക്കുന്നത് അവരുടെ ഇന്സ്റ്റാഗ്രാം പേജിലൂടെ നിങ്ങള്ക്ക് കാണാം. ശരീരഭാരം കുറയ്ക്കുന്നതിനും പരിക്കില് നിന്ന് സുഖംപ്രാപിക്കാനുമുള്ള മികച്ച വ്യായാമമാണ് പൈലേറ്റ്സ്. ഇത് ശരീരത്തിന്റെ ശക്തി വര്ദ്ധിപ്പിക്കാനും നടുവേദന കുറയ്ക്കാനും ശരീരനില മെച്ചപ്പെടുത്താനും കലോറി എരിച്ചുകളയാനും സഹായിക്കുന്നു.
വ്യായാമങ്ങള്
യോഗ, പൈലേറ്റ്സ്, മറ്റ് വ്യായാമങ്ങള് എന്നിവ ഇടയ്ക്കിടെ ചെയ്യാന് മലൈക ഇഷ്ടപ്പെടുന്നു. ജിമ്മില് ഡംബെല്സും കെറ്റില്ബെല്ലും ഉപയോഗിച്ച് വര്ക്കൗട്ട് ചെയ്യുന്നതും ഒരു പ്രൊഫഷണലിനെപ്പോലെ മലൈക വ്യായാമ ദിനചര്യ നിര്വഹിക്കുന്നതും നിങ്ങള് കണ്ടിട്ടുണ്ടാകും. ശരീരത്തിന്റെ എല്ലാ ഭാഗങ്ങളും ഉള്പ്പെടുത്തുന്ന രീതിയിലാണ് മലൈക വ്യായാമം ചെയ്യാറ്. ഇത് അവര്ക്ക് കരുത്ത് പകരുകയും തടസ്സങ്ങളില്ലാതെ നന്നായി പ്രവര്ത്തിക്കാനുള്ള കഴിവ് നല്കുകയും ചെയ്യുന്നു.
മലൈക അറോറയുടെ ഡയറ്റ് പ്ലാന്
തന്റെ ശരീരത്തിനകത്ത് എന്താണ് പോകുന്നതെന്ന് മലൈകക്ക് നല്ല ബോധ്യമുണ്ട്. പ്രോട്ടീന്, കാര്ബോഹൈഡ്രേറ്റ്, മറ്റ് പോഷകങ്ങള് എന്നിവ അടങ്ങിയ സന്തുലിതമായ ഭക്ഷണം കഴിക്കാന് മലൈക ശ്രദ്ധിക്കുന്നു. ആയുര്വേദത്തില് വിശ്വസിക്കുന്നയാളാണ് മലൈക. അതിനാല്ത്തന്നെ, ആയുര്വേദ ചേരുവകള് ഉപയോഗിച്ച് തയാറാക്കുന്ന പാനീയങ്ങള് കുടിക്കാനും മലൈക ഇഷ്ടപ്പെടുന്നു.
പ്രഭാതഭക്ഷണം
ഇന്റര്മിറ്റന്റ് ഫാസ്റ്റിംഗ് രീതി പിന്തുടരുന്നയാളാണ് മലൈക. ഒരു ഗ്ലാസ് ജീരക വെള്ളമോ തേങ്ങാവെള്ളമോ അല്പം അണ്ടിപ്പരിപ്പോ കഴിച്ചാണ് മലൈകയുടെ ദിവസം ആരംഭിക്കുന്നത്. ഇന്റര്മിറ്റന്റ് ഫാസ്റ്റിംഗ് ശരീരത്തിലെ വിഷവസ്തുക്കളെ എളുപ്പത്തില് നീക്കി ആരോഗ്യം പ്രദാനം ചെയ്യുന്ന ഒരു രീതിയാണ്.
ഉച്ചഭക്ഷണം
ഉച്ചഭക്ഷണത്തിന്, പ്രോട്ടീന്, കാര്ബോഹൈഡ്രേറ്റ്, കൊഴുപ്പ് എന്നിവ അടങ്ങിയ ഭക്ഷണങ്ങള് കഴിക്കാനാണ് മലൈക ഇഷ്ടപ്പെടുന്നു. അതിനാല് അവരുടെ ഉച്ചഭക്ഷണത്തില് സാധാരണയായി നട്സ്, പച്ചക്കറികള്, ചോറ്, ചിക്കന് എന്നിവ ഉള്പ്പെടുത്തുന്നു.
അത്താഴം
വളരെ നേരത്തെ അത്താഴം കഴിക്കുന്നയാളാണ് മലൈക. വൈകുന്നേരം 6:30ന് തന്നെ തന്റെ അത്താഴം കഴിക്കുന്നത് മലൈക ഒരു പതിവാക്കി മാറ്റിയിട്ടുണ്ട്. മലൈകയുടെ അത്താഴ ഭക്ഷണത്തില് മാംസം, പച്ചക്കറികള്, പയര്വര്ഗ്ഗങ്ങള് എന്നിവ അടങ്ങിയിരിക്കുന്നു. നിങ്ങളുടെ ശരീരത്തിലും ആരോഗ്യകരമായ മാറ്റങ്ങള് കാണാന് ഇതുപോലെ മലൈകയുടെ ഭക്ഷണക്രമവും ഫിറ്റ്നസ് പ്ലാനും പിന്തുടരൂ.
Continue with Google