96ല്‍ നിന്ന് 45 കിലോയിലേക്ക്; പി.സി.ഒ.ഡി ബാധിച്ച സാറ അലി ഖാന്‍ ശരീരഭാരം കുറച്ചത് ഇങ്ങനെ

പിസിഒഡി ബാധിച്ച ജീവിതം

തന്റെ കുട്ടിക്കാലത്തെ അമിതവണ്ണത്തിന്റെ പ്രധാന കാരണം പിസിഒഡി ആണെന്ന് സാറ അലി ഖാന്‍ ഒരു ടിവി ഷോയില്‍ പറഞ്ഞിരുന്നു. കൂടാതെ, താന്‍ ഒരു ഭക്ഷണപ്രിയയായിരുന്നുവെന്നും ഇതുമൂലം ശരീരഭാരം വര്‍ദ്ധിച്ചുകൊണ്ടിരുന്നുവെന്നും സാറ കൂട്ടിച്ചേര്‍ത്തു. പിസിഒഡി എന്നത് പോളിസിസ്റ്റിക് ഓവേറിയന്‍ സിന്‍ഡ്രോം ആണ്. ഇത് ഹോര്‍മോണ്‍ തകരാറുമൂലമാണ് സംഭവിക്കുന്നത്. ഹോര്‍മോണ്‍ മാറ്റങ്ങള്‍ കാരണം, ഈ രോഗം കൗമാരക്കാരായ പെണ്‍കുട്ടികളില്‍ വളരെയധികം കാണപ്പെടുന്നു. ഇപ്പോഴും സാറ ഈ രോഗത്തോട് പോരാടുകയാണെങ്കിലും, സാറ തന്റെ വ്യായാമവും ഭക്ഷണക്രമവും കൊണ്ട് ഇത് നിയന്ത്രിച്ചുനിര്‍ത്തുന്നു.

പിസിഒഡി ബാധിച്ച ജീവിതം

തന്റെ പിസിഒഡി പ്രശ്നം വ്യായാമത്തിലൂടെയും ശരീരഭാരം കുറയ്ക്കാനുള്ള ഡയറ്റ് പ്ലാനുകളിലൂടെയും നിയന്ത്രിച്ച് സാറ വിജയം കണ്ടു. നിങ്ങള്‍ ഒരു കാര്യം ചെയ്യാന്‍ തീരുമാനിച്ചാല്‍, ആര്‍ക്കും നിങ്ങളെ തടയാന്‍ കഴിയില്ല എന്നതിന് ഉദാഹരണമാണ് സാറയുടെ ശരീരഭാരം കുറയ്ക്കാനുള്ള യാത്ര നിങ്ങള്‍ക്ക് നല്‍കുന്ന സന്ദേശം. ഒന്നര വര്‍ഷത്തിനിടെ 40 കിലോയോളം ഭാരമാണ് സാറ കുറച്ചത്. 96 കിലോയില്‍ നിന്ന് 45 കിലോയിലേക്ക് ശരീരഭാരം കുറയ്ക്കാനായി സാറ അലി ഖാന്‍ ചെയ്ത കാര്യങ്ങള്‍ എന്തൊക്കെയാണെന്ന് നമുക്ക് നോക്കാം.

നൃത്തവും ജിമ്മും പ്രധാനം

ഭക്ഷണക്രമം നിയന്ത്രിക്കുന്നതിനൊപ്പം ജിമ്മില്‍ സമയം ചെലവഴിച്ചും സാറ ഒരുപാട് അധ്വാനിച്ചു. കൂടാതെ, അവര്‍ ശരീരഭാരം കുറയ്ക്കാനുള്ള ഒരു മാര്‍ഗമായി നൃത്തത്തെയും കൂട്ടുപിടിച്ചു. നൃത്തം ഒരു ഹോബിയാക്കി മാറ്റി. കഥക് നൃത്തത്തിലൂടെ സാറ തന്റെ രൂപത്തിന് ഒരു സെക്സി ലുക്ക് നല്‍കി. ഇതുകൂടാതെ, സാറ തന്റെ ദിനചര്യയില്‍ യോഗയും ഉള്‍പ്പെടുത്തിയിരുന്നു. തടി കുറയ്ക്കാന്‍ യോഗയുടെ ഫലങ്ങള്‍ വളരെ വലുതാണെന്ന് നിങ്ങള്‍ക്ക് അറിയാമല്ലോ? അതിനാല്‍ അവന്റെ ശരീരഭാരം കുറയുന്നതിനൊപ്പം യോഗയിലൂടെ സാറ തന്റെ ശരീരത്തെത്തന്നെ ടോണ്‍ ചെയ്‌തെടുത്തു. സൂര്യ നമസ്‌കാരവും സാറയുടെ വ്യായാമത്തിന്റെ ഭാഗമാണ്.

വര്‍ഷങ്ങളുടെ പ്രയത്‌നം

ഒറ്റരാത്രികൊണ്ടല്ല അവര്‍ ശരീരഭാരം കുറച്ചത്. ശരീരഭാരം കുറയ്ക്കാന്‍ സാറ വര്‍ഷങ്ങളോളം അധ്വാനിച്ചിട്ടുണ്ട്. ഇതിനായി ശരീരഭാരം കുറയ്ക്കാനുള്ള പ്ലാന്‍ തയ്യാറാക്കി അത് പതിയെ പിന്തുടര്‍ന്ന് വരികയായിരുന്നു. ജിമ്മിലെത്തി ഫിറ്റ്‌നസ് വിദഗ്ധന്റെ മാര്‍ഗനിര്‍ദേശപ്രകാരം അവര്‍ വര്‍ക്കൗട്ട് ചെയ്തും. തന്റെ ഫിറ്റ്നസ് പരിശീലകനായ നിമ്രത് കൗറിനൊപ്പം സാറ ധാരാളമായി ജിമ്മില്‍ അധ്വാനിച്ചു.

കായിക പ്രവര്‍ത്തനങ്ങള്‍

സാറയുടെ ഭാരം കുറയ്ക്കാനുള്ള പ്ലാനില്‍ കായിക പ്രവര്‍ത്തനങ്ങളും ഉള്‍പ്പെട്ടിട്ടുണ്ട്. ചിലപ്പോള്‍ സാറ അച്ഛന്റെ കൂടെയും ചിലപ്പോള്‍ സഹോദരന്റെയും കൂടെയും ടെന്നീസ് കളിക്കുമായിരുന്നു. ദിവസവും ഒന്നോ രണ്ടോ മണിക്കൂര്‍ ടെന്നീസ് കളിക്കാനായി സാറ സമയം ചെലവഴിച്ചു. സഹോദരനൊപ്പം റഗ്ബി കളിക്കുന്നതും സാറ വളരെയേറെ ആസ്വദിച്ചിരുന്നു. ഇത്തരം കായിക പ്രവര്‍ത്തനങ്ങള്‍ സാറയുടെ തടി കുറക്കുന്നതില്‍ ഒരു പ്രധാന പങ്ക് വഹിച്ചിട്ടുണ്ട്.

കുറഞ്ഞ കാര്‍ബോഹൈഡ്രേറ്റ്, ഉയര്‍ന്ന പ്രോട്ടീന്‍ ഡയറ്റ്

ഭക്ഷണകാര്യത്തില്‍ കഠിനമായ ചിട്ടകളായിരുന്ന സാറ തടികുറയ്ക്കാനായി ശീലിച്ചത്. സാറ തന്റെ ഭക്ഷണക്രമം വളരെയേറെ നിയന്ത്രിച്ചു. ദിവസത്തില്‍ ഒരുനേരം മാത്രമാണ് കാര്‍ബോഹൈഡ്രേറ്റ് ഭക്ഷണം കഴിച്ചിരുന്നത്. പ്രത്യേകിച്ച് ഉച്ചഭക്ഷണ സമയത്ത്. സാറയുടെ ഡയറ്റ് പ്ലാനില്‍ പ്രധാനമായും കുറഞ്ഞ കാര്‍ബോഹൈഡ്രേറ്റും ഉയര്‍ന്ന പ്രോട്ടീനും അടങ്ങിയ ഭക്ഷണമായിരുന്നു. ഫൈബറിനായി ധാരാളം പഴങ്ങളും കഴിച്ചു. ശരീരത്തിലെ വിഷാംശം ഇല്ലാതാക്കാന്‍ വീട്ടിലുണ്ടാക്കുന്ന പല തരത്തിലുള്ള പാനീയങ്ങള്‍ കഴിച്ചു. മല്ലിയിലയും ജീരക വെള്ളവും പച്ചക്കറികളും പഴങ്ങളും എല്ലാം കലര്‍ത്തി ഒരു ഗ്രീന്‍ സ്മൂത്തി തയാറാക്കി കഴിക്കാറുണ്ടായിരുന്നു. രാവിലെ ഉണര്‍ന്നതിന് ശേഷം ഗ്രീന്‍ ടീയില്‍ നാരങ്ങയും തേനും കലര്‍ത്തി വെറുംവയറ്റില്‍ കുടിച്ചിരുന്നു. ഇതും തടി കുറയ്ക്കുന്നതില്‍ സാറയെ വളരെയേറെ സഹായിച്ചു.