രണ്ട് വര്‍ഷത്തെ പരിശ്രമം: അന്‍ഷുല കപൂറിന്റെ ഈ മാറ്റം അവിശ്വസനീയം

അന്‍ഷുലയുടെ പോസ്റ്റ്

ഏകദേഷം ഒരു വര്‍ഷങ്ങള്‍ക്ക് മുന്‍പാണ് അന്‍ഷുല തന്റെ ഇന്‍സ്റ്റാഗ്രാം പേജിലൂടെ ഇത്തരം ഒരു വികാര നിര്‍ഭരമായ പോസ്റ്റ് പങ്ക് വെച്ചത്. ശരീരഭാരം കുറക്കാന്‍ ആഗ്രഹിക്കുന്നവര്‍ക്കുള്ള ഒരു മാതൃക തന്നെയാണ് അതെന്ന കാര്യത്തില്‍ സംശയം വേണ്ട. ഇന് നിങ്ങള്‍ക്കും ശരീരഭാരം കുറക്കണം എന്ന് ആഗ്രഹിക്കുന്നുവെങ്കില്‍ അതിന് അന്‍ഷുലയുടെ ഫിറ്റ്‌നസ് മാറ്റങ്ങള്‍ പിന്തുടരു. അമിതവണ്ണത്തെ പൂര്‍ണമായും ഇല്ലാതാക്കി ആരോഗ്യത്തോടെ ഇരിക്കാം. തന്റെ പല വിശേഷങ്ങളും സോഷ്യല്‍ മീഡിയ വഴി അന്‍ഷുല പങ്ക് വെക്കാറുണ്ട്. അന്‍ഷുല കപൂറിന്റെ ഭാരം കുറയ്ക്കുന്നതിന്റെ രഹസ്യം നമുക്ക് നോക്കാം.

മുത്തശ്ശിയുടെ ഭക്ഷണവും വ്യായാമവും

ഭക്ഷണം കഴിക്കുന്നതോടൊപ്പം തന്നെ കൃത്യമായ വ്യായാമവും എല്ലാവര്‍ക്കും അത്യാവശ്യമാണ്. അത് തന്നെയാണ് ഇവരുടെ ഏറ്റവും വലിയ പ്രത്യേകതയും. അന്‍ഷുല തന്റെ മുത്തശ്ശിയുടെ ഭക്ഷണമാണ് പിന്തുടരുന്നത്. അത് കൂടാതെ ആഴ്ചയില്‍ നാല് ദിവസം ഇവര്‍ സ്ഥിരമായി വര്‍ക്കൗട്ടും ചെയ്യുന്നു. ഇതില്‍ തന്നെ രണ്ട് ദിവസം സ്‌ട്രെങ്ത് ട്രെയിനിംഗും ബാക്കി രണ്ട് ദിവസം കാര്‍ഡിയോ വ്യായാമങ്ങളിലുമാണ് ഇവര്‍ ശ്രദ്ധ കേന്ദ്രീകരിച്ചിരിക്കുന്നത്. ഇത്തരത്തില്‍ ഒരു രീതി കഴിഞ്ഞ് ഒരു വര്‍ഷത്തോളമായി ഇവര്‍ പിന്തുടര്‍ന്ന് വരികയാണ്. അത് തന്നെയാണ് ഇവരുടെ അമിതവണ്ണത്തേയും പ്രശ്‌നങ്ങളേയും തടയുന്നതിന് അന്‍ഷുലയെ സഹായിച്ചതും.

ഭക്ഷണം ഇപ്രകാരം

വ്യായാമം ചെയ്ത് വണ്ണം കുറക്കാന്‍ ആഗ്രഹിക്കുന്നവര്‍ ഭക്ഷണത്തിന്റെ കാര്യത്തില്‍ നിര്‍ബന്ധമായും ശ്രദ്ധിക്കണം. അന്‍ഷുലയുടെ ഡയറ്റ് ഒരു ദിവസം ഇപ്രകാരമാണ്. ബ്രേക്ക്ഫാസ്റ്റ് മുട്ട, ആവക്കോഡോ ടോസ്റ്റ് എന്നിവയോടെയാണ് ആരംഭം. ഉച്ചക്ക് ബ്ലാക്ക് കോഫി പഞ്ചസാരയില്ലാതെ കുടിക്കുന്നു. അതോടൊപ്പം രണ്ട് റാഗി റൊട്ടി, 150 ഗ്രാം എല്ലില്ലാത്ത ചിക്കന്‍, ഒരു വലിയ പാത്രത്തില്‍ സാലഡ് ഗ്രില്‍ഡ് ചിക്കന്‍ എന്നിവയും ഉള്‍പ്പെടുത്തുന്നു. ശേഷം വൈകുന്നേരം ലഘുഭക്ഷണത്തിനായി വാള്‍നട്ട് അല്ലെങ്കില്‍ എഗ്ഗ് സാന്‍ഡ്വിച്ച് കഴിക്കുന്നു. ഇതിന് പുറമെ ചിക്കന്‍ അല്ലെങ്കില്‍ വെജിറ്റബിള്‍ കബാബ് കഴിക്കുന്നു. അല്ലെങ്കില്‍ പ്രോട്ടീന്‍ ഷേക്ക് / നട്‌സ് എന്നിവയാണ് ശീലം. അത്താഴത്തിന് റോസ്റ്റ് ചെയ്ത ചിക്കന്‍, ഗ്രില്‍ ചെയ്ത പച്ചക്കറികള്‍ റാഗി റോട്ടി എന്നിവ ശീലമാക്കുന്നു.

അന്‍ഷുല പിന്തുടരുന്നത്

ഇവര്‍ രാത്രി വളരെ വൈകിയാണ് ഉറങ്ങുന്നത്. ഈ അവസരത്തില്‍ വിശക്കുമ്പോള്‍ അവര്‍ പ്രോട്ടീന്‍ ഷേക്കും അല്‍പം നട്‌സും കൂടികഴിക്കുന്നു. എന്നാല്‍ ഉറക്കം വളരെ പ്രധാനപ്പെട്ടതും ആരോഗ്യത്തിന് അനിവാര്യവുമാണ്. നിങ്ങള്‍ അമിതവണ്ണത്തെ പ്രതിരോധിച്ച് തടി കുറക്കണം എന്ന് ആഗ്രഹിക്കുന്ന വ്യക്തിയാണെങ്കില്‍ നിങ്ങള്‍ക്കും അന്‍ഷുലയുടെ പ്ലാന്‍ പിന്തുടരാവുന്നതാണ്. വര്‍ക്കൗട്ട് ചെയ്യുന്നതിന്റെ ആവശ്യകത മനസ്സിലാക്കി അതിനനുസരിച്ചുള്ള ഭക്ഷണ നിയന്ത്രണം നടത്തുന്നതിലൂടെ നിങ്ങളുടെ അമിതവണ്ണത്തെ നിങ്ങള്‍ക്ക് തന്നെ വരുതിയില്‍ ആക്കാം.

അൻഷുലയുടെ ചിത്രങ്ങള്‍ ഇവിടെ കാണാം