ഡയറ്റ് തകര്‍ക്കും ധാരണകള്‍

കാര്‍ബോഹൈഡ്രേറ്റ് കൊഴുപ്പ് വര്‍ദ്ധിപ്പിക്കുന്നു

കാര്‍ബോഹൈഡ്രേറ്റ് കൊഴുപ്പ് വര്‍ദ്ധിപ്പിക്കുന്നു എന്നതാണ് ആദ്യത്തെ തെറ്റിധാരണ. കാര്‍ബോഹൈഡ്രേറ്റ് ആകെ ചെയ്യുന്നത് നിങ്ങളുടെ ദഹനത്തിനു പ്രശ്‌നമുണ്ടാക്കുകയും ഊര്‍ജ്ജത്തിന്റെ അളവ് കുറയ്ക്കുകയുമാണ്. പക്ഷേ നല്ല കാര്‍ബോഹൈഡ്രേറ്റ് അടങ്ങിയ ഭക്ഷണങ്ങള്‍ കഴിക്കുന്നത് ഡയറ്റിന് യാതൊരു വിധത്തിലുള്ള പ്രശ്‌നങ്ങളും ഉണ്ടാക്കില്ല.

പ്രാതല്‍ രാജാവിനെപ്പോലെ

പ്രാതല്‍ കഴിക്കുന്നത് രാജാവിനെപ്പോലെയായിരിക്കണം എന്നും അത്താഴം ഭിക്ഷക്കാരനെപ്പോലെ മതി എന്നും ഒരു മിഥ്യാധാരണ ഉണ്ട്. എന്നാല്‍ പ്രാതല്‍ കൂടുതല്‍ കഴിക്കുന്നതിലൂടെ കൂടുതല്‍ കലോറിയാണ് നമ്മുടെ ശരീരത്തില്‍ ഉണ്ടാവുന്നത് എന്നതാണ് സത്യം.

ഉച്ചഭക്ഷണം വളരെ കുറച്ച്

ഉച്ചഭക്ഷണം എന്തുമാകട്ടെ അതു വളരെ കുറച്ചു മാത്രമേ കഴിക്കാവൂ എന്നതാണ് മറ്റൊരു ധാരണ. എന്നാല്‍ കുറച്ച് കഴിക്കുന്നത് നല്ലതാണ്. പക്ഷേ ഒറ്റയടിക്ക് ഭക്ഷണം കുറയ്‌ക്കേണ്ട കാര്യമില്ല അത് കൂടുതല്‍ ആരോഗ്യപ്രശ്‌നങ്ങള്‍ സൃഷ്ടിക്കും.

ഭക്ഷണം നാലോ അഞ്ചോ തവണയായി കഴിക്കുക

ഇപ്പോള്‍ എല്ലാവരിലും കണ്ടു വരുന്ന പ്രവണതയാണ് പലപ്പോഴായി കുറച്ചു കുറച്ചായി ഭക്ഷണം കഴിക്കുക എന്നത്. അതുകൊണ്ടു തന്നെ പല തവണയായി ഭക്ഷണം കഴിക്കുന്നത് കലോറി വര്‍ദ്ധിപ്പിക്കുന്നതില്‍ കൂടുതല്‍ പങ്കു വഹിക്കും. അതോടെ ഡയറ്റും താറുമാറാകും.

കൊഴുപ്പു ഭക്ഷണങ്ങളോട് വിട

എല്ലാ കൊഴുപ്പ് നിറഞ്ഞ ഭക്ഷണങ്ങളും ഉപേക്ഷിക്കണം എന്നതാണ് മറ്റൊരു തെറ്റിധാരണ. എന്നാല്‍ പലപ്പോഴും അതൊരു തെറ്റായ ധാരണയാണ്. കാരണം എല്ലാ തരത്തിലുള്ള കൊഴുപ്പും അപകടകാരിയല്ല എന്നതു തന്നെ കാരണം.

അത്താഴം വൈകുന്നത് തടി കൂട്ടും

അത്താഴം വൈകി കഴിക്കുന്നത് തടി വര്‍ദ്ധിപ്പിക്കും എന്നൊരു ധാരണയാണ് നിലനില്‍ക്കുന്നത്. അതുകൊണ്ടു തന്നെ അടുക്കളയ്ക്ക് 8 മണി കഴിഞ്ഞാല്‍ താഴു വീഴും എന്നതാണ്. എന്നാല്‍ അത്താഴം വൈകിക്കഴിക്കുന്നത് ഒരിക്കലും തടി കൂട്ടില്ല. പലപ്പോഴും ഇത് ദഹനപ്രശ്‌നങ്ങളുണ്ടാക്കും എന്നു മാത്രം.

കൃത്രിമ മധുരം പലപ്പോഴും ആരോഗ്യകരം

കൃത്രിമമധുരം പലപ്പോഴും ആരോഗ്യകരമാണെന്നാണ് ഡയറ്റ് സ്വീകരിക്കുന്നവരുടെ ധാരണ. എന്നാല്‍ ഇതിലൂടെ മധുരം കഴിക്കാനുള്ള നമ്മുടെ ആഗ്രഹം കൂടുകയാണ് ചെയ്യുന്നത്.

എന്ത് വേണമെങ്കിലും കഴിക്കാം ജിമ്മില്‍ പോയാല്‍ മതി

എന്തു വേണമെങ്കിലും കഴിക്കാം എന്നാല്‍ ഇതിനു പകരമായി നമ്മള്‍ ജിമ്മില്‍ പോയി കഷ്ടപ്പെട്ടാല്‍ മതിയെന്നാണ് ഒരു കൂട്ടരുടെ ധാരണ. എന്നാല്‍ ഇത് ഇന്നുമൊരു തെറ്റിധാരണയായി തുടരുന്നു.