കരീനയ്ക്കു മെലിയണം, വിദ്യയ്‌ക്കോ?

Diet Fitness

oi-Saritha

By Veena

Updated: Thursday, July 19, 2012, 6:05 [IST]

സ്ത്രീളുടെ വണ്ണം ആഗോളപ്രശ്‌നമായി മാറുന്ന കാഴ്ചകള്‍ ഐശ്വര്യാറായിയുടെ തടി മാധ്യമങ്ങളില്‍ ചര്‍ച്ചയായപ്പോള്‍ കണ്ടുകഴിഞ്ഞു. തടിയെപ്പറ്റിയുള്ള ചര്‍ച്ചകള്‍ ഇപ്പോഴും ബോളിവുഡില്‍ അവസാനിച്ചിട്ടില്ല. ഈയിടെ ഇതിനു വീണ്ടും ചൂടുപിടിപ്പിച്ചത് സീറോ സൈസ് സൂന്ദരി കരീന കപൂരും വിദ്യാബാലനുമാണ്. ശത്രുഘ്‌നന്‍ സിന്‍ഹയുടെ പുത്രി സോനാക്ഷിയും ഇതിനിടയില്‍ പെട്ടിട്ടുണ്ട്.

തടി എന്നു പറഞ്ഞാല്‍ സെക്‌സിയല്ലാ എന്നായിരുന്നു കരീനയുടെ പുതിയ കമന്റ്. അല്‍പം തടിച്ച സുന്ദരികളായ വിദ്യാബാലനും സോണാക്ഷിക്കുമിട്ടൊരു കുത്തായിരിന്നു ഇതെന്ന കാര്യത്തില്‍ സംശയം വേണ്ട. കാരണം ദബാംഗിലൂടെ സോണാക്ഷിയും ഡേര്‍ട്ടി പിക്ചറിലൂടെ വിദ്യാബാലനും അല്‍പം തടിച്ച ശരീരം വച്ചു തന്നെയാണ് പ്രസിദ്ധി നേടിയത്. നായിക മെലിഞ്ഞിരിക്കുന്നത് ബോളിവുഡ് ചിത്രങ്ങളുടെ വിജയത്തില്‍ വലിയ കാര്യമല്ലെന്ന് ഇതോടെ തെളിയുകയും ചെയ്തിട്ടുണ്ട്.

എന്നാല്‍ അല്‍പമാസങ്ങള്‍ക്ക് മുന്‍പ് സീറോ സൈസ് ചര്‍ച്ചാവിഷയമായപ്പോള്‍ ഇത് തന്റെ ചിത്രത്തിനു വേണ്ടിയായിരുന്നുവെന്നായിരുന്ന കരീനയുട അഭിപ്രായം. പ്രതിശ്രുത വരന്‍ സെയ്ഫിന് താന്‍ വല്ലാതെ മെലിഞ്ഞിരിക്കുന്നത് താല്‍പര്യമില്ലെന്നും കരീന പറഞ്ഞിരുന്നു. എന്നാല്‍ അല്‍പം തടിച്ച സുന്ദരിമാര്‍ അരങ്ങു വാഴുമ്പോള്‍ തന്റെ അഭിപ്രായം മാറ്റിപ്പിടിക്കാന്‍ കരീനയെ പ്രേരിപ്പിച്ച ഘടകമെന്തെന്നതു വ്യക്തമല്ല.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.