ഭാവനയെ സുന്ദരിയാക്കും ഡയറ്റ്

Diet Fitness

oi-Saritha

By Veena

Published: Thursday, May 24, 2012, 10:23 [IST]

മലയാളക്കരയും കടന്ന് അന്യഭാഷകളിലും വെന്നിക്കൊടി പാറിച്ച നടിയാണ് ഭാവന. 'നമ്മള്‍' എന്ന സിനിമയിലൂടെ അരങ്ങേറ്റം കുറിച്ച ഭാവന ഇപ്പോള്‍ ഡയറ്റിന്റെ കാര്യത്തിലും അതീവശ്രദ്ധാലുവാണ്. തുടക്കത്തില്‍ അല്‍പം തടിയുണ്ടായിരുന്ന ശരീരം ഡയറ്റിലൂടെയും ഭക്ഷണനിയന്ത്രണത്തിലൂടെയും കാത്തു സൂക്ഷിക്കുന്നതിലാണ് ഭാവനയുടെ മിടുക്ക്.

ഇഷ്ടമുള്ള ഭക്ഷണം ഒഴിവാക്കുന്ന സ്വഭാവം തനിക്കില്ലെന്ന് ഭാവന സാക്ഷ്യപ്പെടുത്തുന്നു. ഇഷ്ടമുള്ളവ കഴിയ്ക്കും. എന്നാല്‍ നല്ലപോലെ വ്യായാമം ചെയ്യുകയും ചെയ്യും.

ദിവസവും ഒന്നര, രണ്ടു മണിക്കൂര്‍ സമയം ജിമ്മില്‍ ചെലവഴിക്കുന്ന ശീലമുണ്ട് ഭാവനയ്ക്ക്. ഷൂട്ടിംഗ് തിരക്കിലാണെങ്കിലും ജിമ്മുള്ള ഹോട്ടലുകള്‍ തെരഞ്ഞെടുക്കാനും ശ്രദ്ധിക്കാറുണ്ട്. തീരെ നിവൃത്തിയില്ലാത്ത സന്ദര്‍ഭങ്ങളില്‍ മാത്രമാണ് വ്യായാമം ഒഴിവാക്കാറ്.

ചക്ക വറുത്തതും പപ്പടവും ഏതൊരു മലയാളിയുടെ പോലെ ഭാവനയുടേയും ഇഷ്ടവിഭവങ്ങള്‍ തന്നെ. പല നാടുകളില്‍ നിന്നും പല തരം ഭക്ഷണങ്ങളും കഴിച്ചിട്ടുണ്ടെങ്കിലും ഉസ്ബക്കിസ്ഥാനില്‍ നിന്നും കഴിച്ച ഭക്ഷണമാണ് ഏറ്റവും നന്നായി തോന്നിയതെന്നും ഭാവന പറയുന്നു. ഇതിന്റെ പേരോര്‍മയില്ല. ചോറും കറിയും പോലുള്ള എന്തോ ഒന്ന്. അതും വെജിറ്റേറിയന്‍.

ഭക്ഷണപ്രിയയാണെങ്കിലും സിനിമയില്‍ വന്ന ശേഷം ചില ഭക്ഷണങ്ങളുടെ കാര്യത്തില്‍ ഈ തൃശൂര്‍കാരി നിയന്ത്രണം വച്ചിട്ടുണ്ട്. പ്രധാനമായും ചോറിന്റെ കാര്യത്തില്‍ തന്നെ. മാസത്തില്‍ മൂന്നോ നാലോ തവണ മാത്രമെ ചോറുണ്ണൂ. ചപ്പാത്തിയാണ് അധികവും കഴിയ്ക്കുന്നത്. മധുരവും വറുത്ത സാധനങ്ങളും കഴിവതും ഒഴിവാക്കുകയും ചെയ്യും.

ബോളിവുഡ് നടിമാരെ ആരാധനയോടെ കാണുന്ന ഭാവനക്ക് പ്രിയങ്ക ചോപ്രയുടെ ശരീരവടിവിനോടാണ് താല്‍പര്യം. പ്രിയങ്ക, കരീന എന്നവര്‍ സാരിയിലും പാശ്ചാത്യവസ്ത്രങ്ങളിലും ഒരുപോലെ സുന്ദരിമാരാണെന്നും ഭാവന പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.