ഡയറ്റില്‍ ഭക്ഷണം കഴിക്കാതിരിക്കരുത്

Diet Fitness

oi-Saritha

By Veena

Published: Thursday, March 15, 2012, 10:21 [IST]

ഡയറ്റിനെ പറ്റി പലര്‍ക്കും പലവിധ തെറ്റിദ്ധാരണകളുമുണ്ട്. ഭക്ഷണം കുറയ്ക്കുന്നതാണ് ഡയറ്റെന്ന് ചിലര്‍ കരുതും. ചിലര്‍ക്കാവട്ടെ, ഡയറ്റെന്നാല്‍ കാര്യമായി ഒന്നും കഴിയ്്ക്കാതിരിക്കുകയാണ്. ശരിയായി ഡയറ്റ് പാലിക്കണമെങ്കില്‍ ആദ്യം ഡയറ്റിനെ കുറിച്ച് അറിയണം.

ഭക്ഷണം കുറയ്ക്കുകയല്ലാ, ഡയറ്റു കൊണ്ട് ഉദ്ദേശിക്കുന്നതെന്ന് ആദ്യം മനസിലാക്കുക. കൊഴുപ്പ്, കാര്‍ബോഹൈഡ്രേറ്റ് എന്നിവ കുറഞ്ഞതും അതേസമയം പ്രോട്ടീനുകള്‍ കൂടുതലുള്ളതുമായ ഭക്ഷണം കഴിയ്ക്കണം. അരി പോലുള്ള ധാന്യങ്ങള്‍ കുറച്ച് കൂടുതല്‍ പച്ചക്കറികളും പഴവര്‍ഗങ്ങളും കഴിയ്ക്കുക. ദഹനത്തിന് ബുദ്ധിമുട്ടുള്ളതും അനാരോഗ്യകരവുമായ ഭക്ഷണങ്ങള്‍ പൂര്‍ണമായും ഒഴിവാക്കുക. സ്‌നാക്‌സിന്റെ കാര്യത്തില്‍ പ്രത്യേകം ശ്രദ്ധ വേണം. ആരോഗ്യകരമായ, എണ്ണയൊഴിവാക്കിയ സ്‌നാക്‌സുകള്‍ മാത്രം മതി.

നല്ല ഡയറ്റില്‍ ഭക്ഷണം ഒഴിവാക്കുന്ന പ്രശ്‌നമേ വരുന്നില്ല. ഒരുമിച്ചു നാലുനേരം കഴിയ്ക്കുന്നതിന് പകരം കുറേശെയായി ഇടനേരങ്ങളില്‍ കഴിയ്ക്കണം. ദഹനത്തിന് എളുപ്പം. അമിതമായി കഴിയ്്ക്കാനും തോന്നില്ല. കാരണം ഇടയ്ക്കിടെ ഭക്ഷണം കഴിയ്ക്കുന്നതു കൊണ്ട് വിശപ്പു കുറയും. ശരിയായി കഴിയ്ക്കുന്നതിലാണ് നല്ല ഡയറ്റിന്റെ ഗുണം.

കഴിയ്ക്കുന്ന രീതിയും ഡയറ്റില്‍ പ്രധാനം. ഭക്ഷണം നല്ലപോലെ ചവച്ചരച്ചു വേണം കഴിയ്ക്കുവാന്‍. തിടുക്കമരുത്. കുറേശെയായി നല്ലപോലെ ചവച്ചരച്ചു കഴിയ്ക്കണം.

എത്ര നിയന്ത്രിച്ചാലും ഇഷ്ടമുള്ള ചില ജങ്ക് ഫുഡ് കഴിയ്ക്കുവാന്‍ താല്‍പര്യം തോന്നുന്നത് സ്വാഭാവികം. ഇത് പൂര്‍ണമായും ഒഴിവാക്കണമെന്ന് ഡയറ്റിന്റെ നിയമങ്ങളില്‍ പറയുന്നില്ല. ഇഷ്ടമുള്ള ഇത്തരം സാധനങ്ങള്‍ വളരെക്കുറച്ച് വല്ലപ്പോഴുമാകാം.

അടുത്ത പേജില്‍

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.