കിടക്കുന്നതിനുമുന്‍പ് ശ്രദ്ധിക്കേണ്ട കാര്യങ്ങള്‍..

നിങ്ങളുടെ ഒരു ദിവസം

നിങ്ങളുടെ ഒരു ദിവസം എങ്ങനെയെന്ന് അടിസ്ഥാനപ്പെടുത്തിയാകും ഉറക്കത്തിന്റെ രീതിയും. മനസ്സ്, ഡയറ്റ്, വെള്ളം, വ്യായാമം എന്നിവയൊക്കെ ശരിയായ രീതിയില്‍ കൊണ്ടു പോകുക. സ്‌ട്രെസ്സും, ടെന്‍ഷനും, മാനസിക പ്രശ്‌നങ്ങളും, വിഷമങ്ങളും ഉണ്ടെങ്കില്‍ ഇന്‍സേംനിയ പോലുള്ള ആരോഗ്യപ്രശ്‌നങ്ങള്‍ നിങ്ങള്‍ക്കുണ്ടാകും. ഉറക്കമില്ലയ്മയും, ഉറക്കം ഇടക്ക് മുറിയുന്നതുമായ അവസ്ഥയാണിത്.

കിടന്നാല്‍ ഫോണ്‍ ഉപയോഗിക്കുന്നത്

മിക്കവരും ഉറങ്ങാന്‍ കിടന്നാല്‍ ഫോണ്‍ ഉപയോഗിക്കുക പതിവാണ്. കിടക്കയില്‍ നിന്ന് ടിവി കാണുക, കമ്പ്യൂട്ടര്‍ എന്നിവയൊക്കെ നിങ്ങളുടെ ഉറക്കത്തെയും ശരീരത്തെയും ബാധിക്കും. കിടക്കാന്‍ പോകുന്നതിന് ഒരു മണിക്കൂര്‍ മുമ്പെങ്കിലും നിങ്ങള്‍ ഇത് ഒഴിവാക്കിയിരിക്കണം. ഇത്തരം ഇലക്ട്രോണിക് സാധനങ്ങളുടെ വെളിച്ചം മാത്രം കണ്ണില്‍ പതിക്കുന്നത് കണ്ണിന് വളരെ മോശമാണ്.

ഗുളിക കഴിക്കുന്നത്

ഉറങ്ങാന്‍ പറ്റാത്ത അവസ്ഥ വരുമ്പോള്‍ നിങ്ങള്‍ ഉറക്ക ഗുളികയാണോ ആശ്രയിക്കുന്നത്. എന്നാല്‍ ഇത്തരം അവസ്ഥ വരുമ്പോള്‍ ഡോക്ടറുടെ സഹായമാണ് തേടേണ്ടത്. അതിനുള്ള മരുന്ന് അവര്‍ പറഞ്ഞുതരും. ഉറക്കഗുളികകള്‍ നിങ്ങളുടെ ശരീരത്തിന് അപകടകാരിയാണ്.

വിഷാദം

ഇന്ന് നിങ്ങളെ വിഷാദം അലട്ടുന്നുണ്ടോ? ഇത് നിങ്ങളുടെ രാത്രിയിലെ ഉറക്കത്തെയും കെടുത്തും. മനസ്സിനെ ശാന്തമാക്കുക, സന്തോഷത്തോടെ ഇരിക്കാന്‍ ശ്രമിക്കുക. കിടക്കുന്നതിനുമുന്‍പ് കുറച്ച് സമയം സന്തോഷം തരുന്ന കാര്യങ്ങള്‍ ചെയ്യുക.

ഭക്ഷണം കൂടുന്നുണ്ടോ? കുറയുന്നുണ്ടോ

രാത്രി നിങ്ങള്‍ക്ക് ഇഷ്ടപ്പെട്ട ഭക്ഷണം കുറച്ച് കഴിക്കുക. എന്നാല്‍ കൂടുതല്‍ കഴിക്കരുത്. ഒന്നും കഴിക്കാതെയും ഉറങ്ങരുത്.

എട്ട് മണിക്കൂര്‍ മാത്രം

എന്നും ഉറക്കം തൂങ്ങിയിരിക്കുന്നവരെയും കാണാം. ഇത്തരം ആള്‍ക്കാര്‍ക്ക് രാത്രി ഉറക്കം ഉണ്ടാകില്ല. കൂടുതല്‍ ഉറങ്ങിയാലും പ്രശ്‌നമാണ്. അടുത്ത ദിവസം ഇത് ഇവരെ മടിയന്‍മാരാക്കും. എട്ട് മണിക്കൂര്‍ ഉറങ്ങണം ഇതാണ് അടിസ്ഥാന കണക്ക്.

ദേഷ്യം

ആവശ്യമില്ലാതെ ദേഷ്യപ്പെടുന്നയാളാണോ നിങ്ങള്‍? ഇതും നിങ്ങളുടെ ഉറക്കം കെടുത്തും. നിങ്ങളുടെ മനസ്സ് അന്ന് മുഴുവന്‍ അസ്വസ്ഥമാകും. നിങ്ങള്‍ക്കുണ്ടാകുന്ന ശക്തമായ വികാരം ശരീരത്തിന് മോശമായി ബാധിക്കും.

ഒന്നും ശ്രദ്ധിക്കാന്‍ പറ്റുന്നില്ലേ

നിങ്ങളുടെ ജോലിയിലോ, പഠിത്തത്തിലോ ശ്രദ്ധിക്കാന്‍ പറ്റുന്നില്ലേ? അത്തരം സന്ദര്‍ഭങ്ങളില്‍ ഒരു വസ്തുവില്‍ കുറച്ചുനേരം ശ്രദ്ധ കേന്ദ്രീകരിക്കുക. ഇത് നിങ്ങള്‍ക്ക് ഏകാഗ്രത തരികയും മനസ് ശാന്തമാക്കുകയും ചെയ്യുക. നല്ല ഉറക്കവും കിട്ടും.

സന്തോഷിക്കാറില്ലേ

നിങ്ങളുടെ സുഹൃത്തുക്കളോടൊപ്പമോ, ഓഫീസ് ജീവനക്കാരാടൊപ്പമോ ഉള്ള സന്തോഷ നിമിഷങ്ങളില്‍ പങ്കു ചോരുക. ഇത് നിങ്ങള്‍ക്കുണ്ടാകുന്ന സ്‌ട്രെസ്സൊക്കെ മാറ്റാന്‍ കാരണമാകും. നല്ല സ്വപ്‌നങ്ങള്‍ കണ്ടുറങ്ങാന്‍ ഇത് സഹായിക്കും.

നിങ്ങളുടെ പെരുമാറ്റം

നിങ്ങളുടെ പെരുമാറ്റങ്ങള്‍ മോശമാകുന്നതും നിങ്ങളെ ഒരു വിഷാദ രോഗിയാക്കാം. നല്ല രീതിയില്‍ പെരുമാറാന്‍ ശ്രമിക്കുക. ഇത് നിങ്ങളുടെ ഉറക്കത്തെയും കെടുത്തും.

ജീവിതത്തെ വെറുക്കുന്നുണ്ടോ

ജീവിതം നിങ്ങള്‍ക്ക് വെറുക്കപ്പെട്ടതാകുന്നുണ്ടോ? ഇത്തരം അവസരങ്ങളില്‍ മരണത്തെ പറ്റിയാണോ നിങ്ങള്‍ ചിന്തിക്കുന്നത്. ഇത്തരം ചിന്തകള്‍ മാറ്റുക. ഇനി എന്തു ചെയ്യാന്‍ കഴിയും എന്നതിനെക്കുറിച്ച് ചിന്തിക്കുക.

വെപ്രാളവും, ഉത്കണ്ഠയും

തിരക്കു പിടിച്ച ജീവിതത്തിനിടയില്‍ ഓരോന്നും വാങ്ങി കൂട്ടേണ്ട ആഗ്രഹം പിന്നീട് നിങ്ങള്‍ക്ക് ആദിയായി മാറും. ആവശ്യമില്ലാത്ത വെപ്രാളവും ഉത്കണ്ഠയും മാറ്റുക. ഇത് നിങ്ങളുടെ ഉറക്കത്തെ കെടുത്തും.

ഊര്‍ജ്ജം

നിങ്ങളുടെ ശരീത്തിന് ഊര്‍ജ്ജമില്ലേ. നല്ല പോഷകഗുണങ്ങളുള്ള ഭക്ഷണം ശരീരത്തില്‍ എത്താതിരിക്കുമ്പോള്‍ എന്നും നിങ്ങള്‍ക്ക് തളര്‍ച്ചയാകും. ഉറക്കം കൂടുതല്‍ ആയിരിക്കും നിങ്ങള്‍ക്ക്.

പറഞ്ഞറിയിക്കാന്‍ പറ്റാത്ത വേദനയുണ്ടോ

നിങ്ങള്‍ക്കുണ്ടാകുന്ന വികാരപരമായ വേദനകള്‍ തലവേദന, വയറ്റില്‍ എരിച്ചല്‍, പുറം വേദന, കഴുത്ത് വേദന, ഓക്കാനം എന്നിവയ്‌ക്കൊക്കെ കാരണമാക്കാം. നിങ്ങളുടെ പ്രശ്‌നങ്ങളും വേദനകളും ഡോരക്ടറോട് പറഞ്ഞ് അതിനുള്ള ചികിത്സകള്‍ സ്വീകരിക്കുക.

ധ്യാനിക്കുക

കിടക്കുന്നതിനുമുന്‍പ് കുറച്ച് നേരം ധ്യാനിച്ച് കിടക്കാം. അല്ലെങ്കില്‍ കിടക്കയില്‍ നിന്നു ചെയ്യാന്‍ കഴിയുന്ന ചില യോഗകള്‍ ചെയ്യുക.