അസുഖമുണ്ടെങ്കില്‍ വ്യായാമം വേണ്ട

അസുഖങ്ങളുള്ള സമയത്ത് വ്യായാമം ഒഴിവാക്കുന്നതാണ് നല്ലത് വെറുമൊരു കോള്‍ഡായാലും ഡോക്ടര്‍മാരും ഈ സമയത്ത് വിശ്രമം നിര്‍ദേശിക്കാറുണ്ട്. അസുഖമുള്ള സമയത്ത് വ്യായാമം ചെയ്താല്‍ പ്രതിരോധശേഷി കൈവരിക്കാന്‍ ശരീരം കൂടുതല്‍ സമയമെടുക്കും. അസുഖം മാറാനും സമയമെടുക്കും. അസുഖമുള്ള സമയത്ത് ശരീരം സ്വാഭാവികമായും ക്ഷീണിച്ചിരിക്കുകയായിരിക്കും. വ്യായാമം ചെയ്യുന്നത് ശരീരത്തെ കൂടുതല്‍ തളര്‍ത്തും.

ടെന്‍ഷനുള്ള സമയത്ത് കഠിനവ്യായാമങ്ങള്‍ ഒഴിവാക്കുന്നതാണ് നല്ലത്. മനസ് കേന്ദ്രീകരിക്കാന്‍ സാധിക്കാതെ വരുമ്പോള്‍ പലപ്പോഴും അപകടസാധ്യതയും മുറിവേല്‍ക്കാനുള്ള സാധ്യതയും കൂടുതലാണ്. മനസിന് വിശ്രമം നല്‍കാന്‍ ശരീരത്തിനും വിശ്രമം നല്‍കുക. ടെന്‍ഷന്‍ ഉള്ളില്‍ വച്ച് വ്യായാമം ചെയ്തിട്ടും വലിയ ഗുണമൊന്നുമില്ല.

മുറിവുകളുണ്ടെങ്കില്‍ വ്യായാമവും ജിംനേഷ്യവും ഒഴിവാക്കുന്നതാണ് നല്ലത്. വ്യായാമം ചില മുറിവുകളെങ്കിലും ഉണക്കാന്‍ കൂടുതല്‍ സമയമെടുപ്പിക്കും.

മദ്യപിച്ചതിന്റെ ഹാങോവര്‍ ഉള്ളപ്പോള്‍ വ്യായാമം ഒഴിവാക്കുന്നതാണ് ബുദ്ധി. പ്രത്യേകിച്ചും തലേന്നു രാത്രി മദ്യപിച്ചിരുന്നുവെങ്കില്‍ പിറ്റേന്ന് കാലത്ത് വ്യായാമം ഒഴിവാക്കുക. മദ്യം ശരീരത്തിലെ ജലാംശം വലിച്ചെടുക്കും. വ്യായാമത്തിലൂടെ ശരീരം വിയര്‍ക്കുമ്പോള്‍ കൂടുതല്‍ വെള്ളം ശരീരത്തില്‍ നിന്ന് നഷ്ടപ്പെടുകയാണ് ചെയ്യുന്നത്. ഇത് തളര്‍ച്ചക്കിട വരുത്തും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.