വിരിഞ്ഞ നെഞ്ചിന് ബെഞ്ച് പ്രസ് വ്യായാമം

ശരീരത്തിലെ എല്ലാ ഭാഗത്തേയും പോലെ തന്നെ നെഞ്ചിലെ മസിലുകള്‍ക്ക് ബലവും ഉറപ്പും ലഭിക്കുവാന്‍ ഭക്ഷണവും വ്യായാമവും പ്രധാനമാണ്. ശരീരത്തില്‍ കൊഴുപ്പുണ്ടെങ്കില്‍ അത് നെഞ്ചിലേക്കും വ്യാപിക്കും.

കുറഞ്ഞ കലോറിയുള്ള ഭക്ഷണം എപ്പോഴും തെരഞ്ഞെടുക്കുക. ബര്‍ഗര്‍, പിസ, വറുത്ത സാധനങ്ങള്‍ എന്നിവ ഒഴിവാക്കുക തന്നെ വേണമെന്നര്‍ത്ഥം. മധുരം, കോള തുടങ്ങിയവ കഴിവതും ഒഴിവാക്കുക. മദ്യം, പുകവലി തുടങ്ങിയ ശീലങ്ങളും വിരിഞ്ഞ മാറിനുള്ള ആഗ്രഹത്തിന് തടയിടുമെന്നോര്‍ക്കുക.

പച്ചക്കറികളും പഴവര്‍ഗങ്ങളും അടങ്ങിയ ഭക്ഷണം പ്രധാനം. വലിച്ചുവാരി കഴിയ്ക്കാതെ കുറേശെ ഭക്ഷണം പല നേരങ്ങളിലായി കഴിയ്ക്കുക. ഇടയ്ക്കിടെ വെള്ളം കുടിക്കുക. അമിതഭക്ഷണം തടയാന്‍ ഇതിന് സാധിക്കും. ഫൈറ്റോ ഈസ്ട്രജന്‍ അടങ്ങിയ ഭക്ഷണം ഒഴിവാക്കുന്നത് നല്ലതാണ്. അല്ലെങ്കില്‍ മാറിടത്തിലെ കൊഴുപ്പു കൂടാന്‍ സാധ്യതയുണ്ട്.

വ്യായാമത്തിനുള്ള സ്ഥാനം എടുത്തുപറയേണ്ടതില്ലല്ലോ. ബെഞ്ച് പ്രസ് എന്ന വ്യായാമം നെഞ്ചിലെ കൊഴുപ്പു കുറയ്ക്കും. ബെഞ്ചിലോ നിലത്തോ കിടന്ന് വെയ്റ്റ് കയ്യില്‍ എടുത്തു പൊക്കുന്നതും മുന്നോട്ടോ പിന്നോട്ടോ ആയുന്നതുമായ രീതിയാണിത്.

പുഷ് അപ്, ഡംപെല്‍സ് തുടങ്ങിയ വ്യായാമങ്ങളും നീന്തുക, സൈക്കിള്‍ ചവിട്ടുക, ഒാടുക തുടങ്ങിയ വ്യായാമമുറകളും നെഞ്ചിലെ കൊഴുപ്പ് കുറയ്ക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.