തടി കുറയ്ക്കാന്‍ സാലഡ് ഡയറ്റ്

ബ്രേക് ഫാസ്റ്റിന് സാലഡ് കഴിയ്ക്കുക. പച്ചക്കറികള്‍ അരിയാന്‍ നേരമില്ലെങ്കില്‍ പകരം പഴങ്ങളും നട്‌സും കഴിയ്ക്കാം. അല്ലാത്തവര്‍ക്ക് പച്ചക്കറികള്‍ മാത്രമായി രാവിലെ കഴിയ്ക്കാന്‍ ബുദ്ധിമുട്ടുണ്ടാവുകയാണെങ്കില്‍ വെജിറ്റബിള്‍ സാന്റ്‌വിച്ചാകാം.

ഉച്ചക്ക് വേവിച്ച പച്ചക്കറികളോ അരിഞ്ഞ പച്ചക്കറികളും കഴിയ്ക്കാം. ഇതില്‍ കുരുമുളകു പൊടിയും ഉപ്പും ചേര്‍ത്ത് സ്വാദിഷ്ടമാക്കാം. തൈര്, പുഴുങ്ങിയ മുട്ട, പഴങ്ങള്‍ എന്നിവയും ഉച്ചഭക്ഷണത്തിലുള്‍പ്പെടുത്താം.

സാലഡ് ഡയറ്റില്‍ വൈകീട്ട് ചായ ഒഴിവാക്കി പകരം പഴവര്‍ഗങ്ങളും തൈരും ഉപയോഗിക്കാം. തൈര് വേണ്ടെങ്കില്‍ വീട്ടില്‍ തയ്യാറാക്കിയ ഫ്രൂട്ട് ജ്യൂസുമാകാം.

അത്താഴത്തിന് പച്ചക്കറി സൂപ്പ്, വേവിച്ചതോ ആവി കയററിയതോ ആയ പച്ചക്കറികള്‍, ചപ്പാത്തി എന്നിവയാകാം. സൂപ്പ് വേണ്ടാത്തവര്‍ക്ക് കൊഴുപ്പു കളഞ്ഞ പാല്‍ ഉപയോഗിക്കാം.

ദിവസവും എട്ടു പത്തു ഗ്ലാസ് വെള്ളമെങ്കിലും കുടിയ്ക്കണം. ഡയറ്റിനല്ലെങ്കിലും സാലഡ് ഭക്ഷണത്തില്‍ ഉള്‍പ്പെടുത്തുന്നത് ആരോഗ്യത്തിന് വളരെ നല്ലതാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.