സന്തോഷിക്കാന്‍ 'മാജിക്' ഫുഡ്‌

Health

oi-Saritha

By Veena

Published: Wednesday, December 14, 2011, 12:52 [IST]

മാജിക് ഫുഡ് എന്നു കേട്ടിട്ടുണ്ടോ. മാന്ത്രിക വടി കൊണ്ട് ഉണ്ടാക്കുന്നവയല്ല, ആരോഗ്യവും സന്തോഷവും നല്‍കുന്ന ഭക്ഷണമാണിത്. ഊര്‍ജവും ഉറക്കവും വികാരങ്ങളും നന്നായിരുന്നാല്‍ സന്തോഷവും ആരോഗ്യവും നന്നാവും. ഇത്തരം ഭക്ഷണങ്ങള്‍ ഏതെന്ന് നോക്കാം.

ശരീരത്തിന് ഊര്‍ജം നല്‍കുന്ന ഭക്ഷണസാധനങ്ങള്‍ പലതുണ്ടെങ്കിലും ചിലത് എടുത്തു പറയണം. ഓട്‌സ്, ബീറ്റ്‌റൂട്ട്, ചോക്കലേറ്റ് എന്നിവയാണിവ. ചിലപ്പോഴെല്ലാം ശരീരത്തിന് ക്ഷീണവും തളര്‍ച്ചയും തോന്നുന്നത് വൈറ്റമിന്‍ ബിയുടെ കുറവു കൊണ്ടായിരിക്കും. ശരീരത്തിലെ കാര്‍ബോഹൈഡ്രേറ്റുകളെ ഗ്ലൂക്കോസാക്കി മാറ്റി ഊര്‍ജം നല്‍കാനും ഇവ ആവശ്യമാണ്. ഓട്‌സില്‍ വൈറ്റമിന്‍ ബി അടങ്ങിയിട്ടുള്ളതു കൊണ്ട് പ്രഭാതഭക്ഷണത്തില്‍ ഇത് ഉള്‍പ്പെടുത്തുന്നത് നല്ലതാണ്.

മധുരം ഇഷ്ടമുള്ളവര്‍ക്ക് ഡാര്‍ക് ചോകലേറ്റ് കഴിച്ചാല്‍ ശരീരത്തിന് ആവശ്യമായ ഊര്‍ജം ലഭിക്കും.

അയേണ്‍, വൈറ്റമിന്‍ സി, മഗ്നീഷ്യം എന്നിവയടങ്ങിയ ബീറ്റ്‌റൂട്ടും ശരീരത്തിന് ആവശ്യമായ ഊര്‍ജം നല്‍കും.

മനസിന് ഉന്മേഷമില്ലെങ്കില്‍ ശരീരത്തിനും തളര്‍ച്ച തോന്നുന്നത് സ്വാഭാവികം. കഴിക്കുന്ന ഭക്ഷണവും നമ്മളറിയാതെ ശരീരത്തേയും മനസിനേയും സ്വാധീനിക്കുന്നുണ്ട്.

ഒമേഗ 3 ഫാറ്റി ആസിഡ് ഹൃദയാരോഗ്യത്തിന് നല്ലതാണ്. എന്നാല്‍ ഇത് തലച്ചോറിലെ കോശങ്ങളെ ഉദ്ദീപിപ്പിക്കുകയും ഉന്മേഷം നല്‍കുകയും ചെയ്യും. മത്സ്യം കഴിക്കുന്നത് ഫാറ്റി ആസിഡ് ലഭിക്കാന്‍ സഹായിക്കും.

സെറോട്ടിന്‍ എന്ന ഹോര്‍മോണ്‍ വൈകാരികക്ഷോഭങ്ങളെ നിയന്ത്രിക്കുന്നതില്‍ മുഖ്യപങ്ക് വഹിക്കുന്നുണ്ട്. പഴം കഴിക്കുന്നത് സെറോട്ടിന്‍ തോത് ഉയരാന്‍ സഹായിക്കുകയും ഉന്മേഷം നല്‍കുകയും ചെയ്യും.

നല്ല ഉറക്കം ശാരീരിക, മാനസിക ആരോഗ്യത്തെ സ്വാധീനിക്കുന്നുണ്ട്. ട്രിഫ്‌റ്റോഫാന്‍ സെറോട്ടനിന്‍, മെലാട്ടനിന്‍ തോതുകള്‍ ഉയരാന്‍ സഹായിക്കും. ഇത് ഉറക്കം വരാന്‍ സഹായിക്കുകയും ചെയ്യും. പാലും പാലുല്‍പ്പന്നങ്ങളും ട്രിപ്‌റ്റോഫാന്‍ ഉല്‍പാദനത്തെ സഹായിക്കും.

മുതിരയോട് സാമ്യമുള്ള ഫ്ഌക്‌സ് സീഡുകളും ഉറക്കത്തെ സഹായിക്കുന്ന ഭക്ഷണമാണ്.

ശാരീരിക, മാനസിക ആരോഗ്യം നന്നായാല്‍ തന്നെ ഒരാള്‍ സന്തോഷവാനാകുമെന്നതില്‍ സംശയം വേണ്ട.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.