ജിംനേഷ്യത്തില്‍ പോകുന്നവര്‍ക്ക് കാര്‍ബോഹൈഡ്രേറ്റ്

ജിമ്മില്‍ പോകുന്നതിന് മുന്‍പ് പോഷകഗുണമുള്ള എന്തെങ്കിലും സ്‌നാക്കുകള്‍ കഴിയ്ക്കുന്നത് നന്നായിരിക്കും. ഇവ ഊര്‍ജം നല്‍കും. വ്യായാമം ചെയ്യുന്നതിനുള്ള ശക്തി നല്‍കുകയും ചെയ്യും.

പപ്പായ, പൈനാപ്പിള്‍, ബനാന എന്നിവ കഴിയ്ക്കുന്നത് നല്ലതാണ്. ഇവയിലെ ഗ്ലൂക്കോസ് ശരീരത്തിന് ഊര്‍ജം നല്‍കും. നല്ല പോലെ വ്യായാമം ചെയ്യാന്‍ ഇത് നല്ലതാണ്.

ബദാം, ആപ്രിക്കോട്ട്, കശുവണ്ടിപ്പരിപ്പ് തുടങ്ങിയ നട്‌സ് കഴിയ്ക്കുന്നത് ജിമ്മില്‍ പോകുന്നവര്‍ക്ക് നല്ലതാണ്.

കാര്‍ബോഹൈഡ്രേറ്റ് അടങ്ങിയ ഭക്ഷണം വ്യായാമത്തിന് പ്രധാനമാണ്. രക്തത്തിലെ ഗ്ലൂക്കോസ് തോത് ഉയര്‍ത്തി ശരീരത്തിന് ആവശ്യമായ ഊര്‍ജം നല്‍കാന്‍ ഇത് സഹായിക്കും. തവിട് നീക്കാത്ത ധാന്യങ്ങള്‍, ബ്രൗണ്‍ ബ്രെഡ് എന്നിവ കാര്‍ബോഹൈഡ്രേറ്റ് അടങ്ങിയ ഭക്ഷണസാധനങ്ങളാണ്. കോണ്‍, മുസേലി, ഓട്‌സ്, പാസ്ത എന്നിവയിലും കാര്‍ബോഹൈഡ്രേറ്റ് അടങ്ങിയിട്ടുണ്ട്. ഈന്തപ്പഴം, ബ്ലൂബെറി, മുന്തിരി, ഓറഞ്ച്, പൈനാപ്പിള്‍ തുടങ്ങിയ ഫലവര്‍ഗങ്ങളും നല്ലതുതന്നെ.

ജിമ്മില്‍ പോകുന്നതിന് മുന്‍പ് തൈര്, കൊഴുപ്പു കുറഞ്ഞ പാല്‍ എന്നിവ കുടിയ്ക്കുന്നതും ആരോഗ്യത്തിന് ഗുണം ചെയ്യും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.