ഒരേ സമയം വ്യായാമം ചെയ്താല്‍ ഗുണം ഇരട്ടി

Health

oi-Saritha

By Veena

Published: Wednesday, December 14, 2011, 11:41 [IST]

വ്യായാമത്തിന്റെ പ്രയോജനങ്ങളെക്കുറിച്ച് എതിരഭിപ്രാമുണ്ടാകില്ല. എന്നാല്‍ എപ്പോള്‍ വ്യായാമം ചെയ്യണമെന്നതിനെ സംബന്ധിച്ച് പലവിധ അഭിപ്രായങ്ങളും സംശയങ്ങളുമുണ്ട്. ചിലര്‍ രാവിലെയാണ് വ്യായാമം ചെയ്യാന്‍ നല്ലതെന്നും മറ്റു ചിലര്‍ വൈകീട്ടാണ് നല്ലതെന്നും അഭിപ്രായപ്പെടുന്നുണ്ട്.

എന്നാല്‍ വ്യായാമം ചെയ്യാന്‍ പ്രത്യേകിച്ചൊരു സമയമില്ലെന്നാണ് വിദഗ്ധാഭിപ്രായം. ഓരോരുത്തരുടേയും സൗകര്യവും സമയവുമനുസരിച്ച് എപ്പോള്‍ വേണമെങ്കിലും വ്യായാമം ചെയ്യാം. ദിവസവും ഒരേ സമയത്ത് തന്നെ വ്യായാമം ചെയ്താല്‍ ഗുണം കുടുതല്‍ ലഭിക്കും.

രാവിലെ വ്യായാമം ചെയ്യുന്ന ശീലമുള്ളവര്‍ വ്യായാമം മുടക്കുന്നതും കുറവായിരിക്കും. എന്നാല്‍ വൈകീട്ടോ മറ്റു സമയങ്ങളിലോ വ്യായാമം ചെയ്താല്‍ അത് ഇടയില്‍ മുടങ്ങാനുള്ള സാധ്യതയുമുണ്ട്. രാവിലെ വ്യായാമം ചെയ്താല്‍ ദിവസം മുഴുവനുമുള്ള ജോലികള്‍ക്ക് ഊര്‍ജവും ഉന്മേഷവും ലഭിക്കുമെന്ന ഗുണം കൂടിയുണ്ട്. വൈകീട്ട് വ്യായാമം ചെയ്യുവാന്‍ കൂടുതല്‍ ഊര്‍ജമുണ്ടാകുമെന്നും ചിലര്‍ അഭിപ്രായപ്പെടുന്നു.

മിക്കവാറും ആളുകള്‍ രാവിലെയോ വൈകീട്ടോ ആണ് വ്യായാമത്തിന് തെരഞ്ഞെടുക്കാറ്. ഇടനേരങ്ങളേക്കാള്‍ ഇതായിരിക്കും നല്ലതും സൗകര്യപ്രദവും. വ്യായാമം സ്ഥിരമായി ചെയ്യുന്നവരില്‍ അത് മുടങ്ങുന്നത് ശാരീരിക അസ്വസ്ഥതകളും മാനസിക ബുദ്ധിമുട്ടുകളും ചിലരില്‍ ഉണ്ടാക്കുന്നതായും കണ്ടുവരുന്നുണ്ട്.

തങ്ങള്‍ക്ക് സൗകര്യപ്രദമായ സ്ഥലവും സമയവുമനുസരിച്ച് വ്യായാമം ചെയ്യുകയെന്നത് ആരോഗ്യത്തിന് പ്രധാനമാണെന്ന് മറക്കരുത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.