ക്യാരറ്റ് ജ്യൂസും തേനും കലര്‍ത്തി മുഖത്തു തേയ്ക്കൂ

ചര്‍മത്തിന്

ചര്‍മത്തിന് തിളക്കം നല്‍കാന്‍ തേനും ക്യാരറ്റും കലര്‍ന്ന മിശ്രിതത്തിന് സാധിയ്ക്കും. തേനിലെ ആന്റിഓക്‌സിഡന്റുകളും ബീറ്റാകരോട്ടിനുകളുമാണ് ഈ ഗുണം നല്‍കുന്നത്. ക്യാരറ്റ് അരച്ചതില്‍ തേന്‍ കലര്‍ത്തി മുഖത്തു പുരട്ടാം. അല്ലെങ്കില്‍ ക്യാരറ്റ് ജ്യൂസും തേനും കലര്‍ത്തി പുരട്ടാം.

ക്യാരറ്റ് ജ്യൂസും തേനും

മുഖത്തിന് വെളുപ്പു ലഭിയ്ക്കാനുള്ള മികച്ചൊരു വഴിയാണ് ക്യാരറ്റ് ജ്യൂസും തേനും കലര്‍ന്ന മിശ്രിതം. ക്യാരറ്റ് മുഖത്തു സ്വാഭാവിക ബ്ലീച്ചിംഗ് ഏജന്റായി പ്രവര്‍ത്തിയ്ക്കുന്നു. തേനും മുഖത്തിനു നിറം നല്‍കാന്‍ ഏറെ നല്ലതാണ്.

ക്യാരറ്റിലെ വൈറ്റമിന്‍ സി

ക്യാരറ്റിലെ വൈറ്റമിന്‍ സി ചര്‍മത്തില്‍ കൊളാജന്‍ ഉല്‍പാദനത്തിന് സഹായിക്കുന്നു. കൊളാജന്‍ ചര്‍മത്തില്‍ ഇലാസ്റ്റിസിറ്റി നില നിര്‍്തതാന്‍ ഏറെ നല്ലതാണ്. വൈറ്റമിന്‍ എ കോശങ്ങള്‍ക്കുണ്ടാകുന്ന നാശം തടയുന്നു. തേന്‍ ചുളിവുകള്‍ വരുന്നതു തടയും. തേനും ക്യാരറ്റും ചേര്‍ത്തു പുരട്ടുമ്പോള്‍ മുഖത്തെ ചുളിവുകള്‍ വരുന്നതു തടയാം. ഇത് ചര്‍മത്തിന് ചെറുപ്പം നില നിര്‍ത്തും.

ക്യാരറ്റിലെ ബീറ്റാ കരോട്ടിന്‍

ക്യാരറ്റിലെ ബീറ്റാ കരോട്ടിന്‍ ശരീരത്തിനുള്ളില്‍ വൈറ്റമിന്‍ എ ആയി മാറും. ഇത് ചര്‍മത്തിലെ കോശങ്ങള്‍ക്ക് ഏറെ നല്ലതാണ്. ചര്‍മത്തിന് സൂര്യവെളിച്ചത്തില്‍ നിന്നും സംരക്ഷണം നല്‍കുന്ന ഒന്ന്. തേനും ഇതിന് സഹായകമാണ്. സൂര്യപ്രകാശം കാരണമുണ്ടാകുന്ന ദോഷങ്ങളും ടാനുമെല്ലാം അകറ്റാന്‍ ക്യാരറ്റ്, തേന്‍ മിശ്രിതത്തിനു സാധിയ്ക്കും.

വരണ്ട ചര്‍മത്തിനുള്ള നല്ലൊരു പരിഹാരമാണ്

വരണ്ട ചര്‍മത്തിനുള്ള നല്ലൊരു പരിഹാരമാണ് ക്യാരറ്റു തേനും കലര്‍ന്ന മിശ്രിതം. ക്യാരറ്റിലെ പൊട്ടാസ്യമാണ് ഇൗ ഗുണം നല്‍കുന്നത്.

മുറിവുകളുടെ പാട്

ചര്‍മത്തിലുണ്ടാകുന്ന മുറിവുകളുടെ പാട് അകറ്റാന്‍ നല്ലൊരു പ്രതിവിധിയാണ് തേനും ക്യാരറ്റും. ഇത് സ്ഥിരം പുരട്ടിയാല്‍ ഗുണം ലഭിയ്ക്കും.

മുഖക്കുരു

മുഖക്കുരു അകറ്റുന്നതിനുള്ള നല്ലൊരു വഴിയാണ് ക്യാരറ്റും തേനും കലര്‍ന്ന മിശ്രിതം. മുഖക്കുരുവിന്റെ പാടുകള്‍ അകറ്റാനും ഈ മിശ്രിതം അടുപ്പിച്ചു പുരട്ടുന്നതു ഗുണം ചെയ്യും. മുഖത്തെ എണ്ണമയം സ്വഭാവികമായി അകറ്റാന്‍ ഇതു സഹായിക്കുന്നതാണ് കാരണം. വൈറ്റമിന്‍ എ ആണ് ഇതിനായി സഹായിക്കുന്നത്.

ക്യാരറ്റും തേനും കലര്‍ന്ന മിശ്രിതം

ക്യാരറ്റും തേനും കലര്‍ന്ന മിശ്രിതം കുടിയ്ക്കുന്നതും ക്യാരറ്റ് ജ്യൂസ് കുടിയ്ക്കുന്നതുമെല്ലാം ശരീരത്തിലെ രക്തപ്രവാഹം വര്‍ദ്ധിപ്പിയ്ക്കും. ഇത് ചര്‍മാരോഗ്യത്തിനും നിറത്തിലും ഏറെ നല്ലതാണ്.

ഡെര്‍മറ്റൈറ്റിസ്

ഡെര്‍മറ്റൈറ്റിസ് പോലുള്ള ചര്‍മരോഗങ്ങള്‍ക്കുള്ള നല്ലൊരു പ്രതിവിധി കൂടിയാണ് ക്യാരറ്റ് ജ്യൂസും തേനും കലര്‍ന്ന മിശ്രിതം. ദിവസവും പുരട്ടുന്നതും കുടിയ്ക്കുന്നതുമെല്ലാം ഗുണം ചെയ്യും.