ഗ്രീക്ക് സൗന്ദര്യരഹസ്യം പരസ്യമാകുന്നു

സൗന്ദര്യത്തിനും ഗ്രീക്കുകാര്‍ക്കും തമ്മില്‍ വല്ലാത്തൊരു ബന്ധമുണ്ട്. സൗന്ദര്യദേവതയായ അഫ്രോഡൈറ്റ് ജനിച്ചതു തന്നെ ഗ്രീസിലാണെന്നു പറയപ്പെടുന്നു. വെറുമൊരു പറച്ചിലല്ലാ, ഗ്രീക്കുകാര്‍ സൗന്ദര്യത്തില്‍ മുന്‍പന്തിയിലാണെന്നതാണ് വാസ്തവം. ഇവരുടെ സൗന്ദര്യത്തിന് രഹസ്യമറിയണമെന്നുണ്ടോ,

നല്ല ഭക്ഷണം സൗന്ദര്യം വര്‍ദ്ധിപ്പിക്കുമെന്ന കാര്യത്തില്‍ സംശയം വേണ്ട. പച്ചക്കറികള്‍ക്കും പഴവര്‍ഗങ്ങള്‍ക്കുമൊപ്പം കടല്‍വിഭവങ്ങള്‍ ഗ്രീക്ക് സൗന്ദര്യത്തില്‍ പ്രധാന പങ്കു വഹിക്കുന്നുണ്ട്. കടല്‍വിഭവങ്ങളിലെ ഒമേഗ ത്രീ, ഒമേഗ സിക്‌സ് ഫാറ്റി ആസിഡുകള്‍ നല്ല ചര്‍മം നല്‍കുന്നതില്‍ പ്രധാന പങ്കു വഹിക്കുന്നു.

ഒലീവ് ഓയിലും സൗന്ദര്യസംരക്ഷണത്തിന് വളരെ നല്ലതാണ്. ചര്‍മത്തിന് മാത്രമല്ലാ, മുടിയ്ക്കും ഇത് വളരെയേറെ ഗുണം ചെയ്യും. ഇതു ഗ്രീക്ക് സൗന്ദര്യരഹസ്യത്തില്‍ പെട്ട ഒന്നുതന്നെ.

ഒലീവ് ഒായിലിനെ പോലെ തന്നെ തേനും സൗന്ദര്യസംരക്ഷണത്തിന് വളരെയേറെ ഗുണം ചെയ്യും. തേന്‍ തനിച്ചും പാല്‍, നാരങ്ങാനീര് തുടങ്ങിയവയ്‌ക്കൊപ്പവും ഉപയോഗിക്കാം. നല്ലൊന്നാന്തരം കണ്ടീഷണര്‍ കൂടിയാണിത്.

തൈരും ഗ്രീക്ക് സൗന്ദര്യസംരക്ഷണത്തില്‍ നല്ലൊരു പങ്കു വഹിക്കുന്നു. ഗ്രീക്ക് യോഗര്‍ട്ട് എന്നൊരു പ്രത്യേക ഇനം തന്നെയുണ്ട്. തൈര് നല്ലൊന്നാന്തരം മോയിസ്ചറൈസറിന്റെ ഗുണമാണ് ചെയ്യുന്നത്. ചര്‍മത്തിന് മാത്രമല്ലാ, മുടിയ്ക്കും തൈര് നല്ലതുതന്നെ.

കല്ലുപ്പ് എന്ന് നാടന്‍ ഭാഷയില്‍ അറിയപ്പെടുന്ന കടലുപ്പ് ഗ്രീക്കുകാരുടെ സ്വാഭാവിക സൗന്ദര്യ സംരക്ഷണമാര്‍ഗമായിരുന്നു. ഇത് സ്‌ക്രബറായി ഉപയോഗിക്കുവാന്‍ വളരെ നല്ലതാണ്.