ചര്‍മസംരക്ഷണത്തിന് ഒലീവ് ഓയില്‍

Skin Care

oi-Saritha

By Veena

Published: Monday, February 13, 2012, 12:35 [IST]

ചര്‍മ, മുടി സംരക്ഷണത്തില്‍ എണ്ണക്ക് പ്രധാന സ്ഥാനമാണുള്ളത്. എണ്ണതേച്ചു കുളിയുടെ പ്രധാന്യത്തെക്കുറിച്ച് ഏതു സൗന്ദര്യസംരക്ഷണ ശാഖയിലായാലും എടുത്തു പറയുന്നതിന്റ കാരണവും ഇതുതന്നെ. പണ്ടൊക്കെ വെളിച്ചെണ്ണയും എള്ളെണ്ണയുമാണ് ഇതിന് ഉപയോഗിക്കാറ്. ഇപ്പോളിത് ബദാം, ഒലീവ് എണ്ണകളില്‍ വന്നു നില്‍ക്കുന്നു.

ഒലീവ് ഓയില്‍ വിദേശിയാണെങ്കിലും ചര്‍മത്തിനും സൗന്ദര്യത്തിനും ഇത് വളരെ ഉപകാരപ്രദമാണ്. പ്രത്യേകിച്ചും വരണ്ട ചര്‍മമുള്ളവര്‍ക്ക്.

കുളിയ്ക്കുന്നതിന് അല്‍പം മുന്‍പ് ഒലീവ് ഓയില്‍ തേച്ചുപിടിപ്പിക്കുന്നത് ചര്‍മത്തിലെ കറുത്ത പാടുകളകറ്റാന്‍ നല്ലതാണ്. കുളിച്ച ശേഷം അല്‍പം ഒലീവ് ഓയില്‍ ദേഹത്ത് പുരട്ടുന്നത് ഈര്‍പ്പം നിലനിര്‍ത്തും. ചര്‍മത്തിന് തിളക്കവും മിനുക്കവും ഉണ്ടാവുകയും ചെയ്യും. സണ്‍ ടാന്‍ അകറ്റുന്നതിനും ഇത് നല്ലതാണ്.

ഒലീവ് ഓയില്‍ പുരട്ടിയ ശേഷം മുഖത്ത് ആവി പിടിക്കുന്നത് ചര്‍മസുഷിരങ്ങള്‍ തുറക്കുവാന്‍ സഹായിക്കും.

ചന്ദനപ്പൊടിയില്‍ ഒലീവ് ഓയില്‍ ചേര്‍ത്ത് മുഖത്തു പുരട്ടി 10 മിനിറ്റിന് ശേഷം തണുത്ത വെള്ളത്തില്‍ കഴുകിക്കളയാം. ഇത് എണ്ണമയമുള്ള ചര്‍മത്തിന് പറ്റിയ ഫേസ് പായ്ക്കാണ്.

ഒലീവ് ഓയിലില്‍ തരിയുള്ള പഞ്ചസാര ചേര്‍ത്താല്‍ നല്ലൊരു സ്‌ക്രബറിന്റെ ഗുണം ലഭിക്കും. ഇത് മൃതകോശങ്ങളെ അകറ്റാന്‍ നല്ലതാണ്. മുഖം മൃദുവാകുകയും ചര്‍മത്തിളക്കം കൂടുകയും ചെയ്യും.

ഒലീവ് ഓയിലും ലാവെന്‍ഡര്‍ ഓയിലും ചേര്‍ത്ത് രാത്രി കിടക്കുന്നതിനു മുന്‍പ് മുഖത്തു പുരട്ടാം. ഇത് രാത്രി മുഴുവന്‍ ചര്‍മത്തിന് ഈര്‍പ്പം നല്‍കും.