മുടി നരക്കാതിരിക്കുന്നതിനും യോഗ ഇങ്ങനെ സ്ഥിരമായി

ഉസ്ത്രാസന (ക്യാമൽ പോസ്)

ഉസ്ത്രാസന (ക്യാമൽ പോസ്) ചെയ്യുന്നതിലൂടെ അകാല നരയെന്ന പ്രശ്നത്തിന് പരിഹാരം കാണുന്നതിന് കഴിയുന്നുണ്ട്. മുട്ടുകുത്തി നിൽക്കുക. കുറഞ്ഞത് 6 ഇഞ്ച് അകലെ നിലത്ത് മുട്ടുകുത്തുക. സീലിംഗിലേക്ക് നോക്കുമ്പോൾ നിങ്ങളുടെ രണ്ട് കൈകളും പിന്നിലേക്ക് എത്തിക്കുകയും വലതു കൈകൊണ്ട് വലത് കണങ്കാൽ ഇടത് കൈകൊണ്ട് പിടിക്കുകയും ചെയ്യുക. തുടകൾ നേരെയാക്കി, അടിവയറ്റിനെ മുന്നോട്ടുകൊണ്ടുപോകുക. ചെറിയ രീതിയിൽ ശ്വാസം വിടുക, നിങ്ങളുടെ കൈകൾ സാവധാനം ലൂസാക്കി പഴയതു പോലെ തന്നെ വെക്കുക. എന്നാൽ മൈഗ്രേയ്ൻ, കുറഞ്ഞ രക്തസമ്മർദ്ദം എന്നിവ ഉള്ളവർ ഈ ആസനം ചെയ്യാൻ ശ്രമിക്കരുത്.

ഹലാസന

നിങ്ങളുടെ പുറകിൽ തറയിൽ കിടന്ന് കൈകൾ നിങ്ങളുടെ അരികിൽ വയ്ക്കുക, കൈപ്പത്തികൾ തറയോട് ചേർത്ത് വെക്കുക. കാലുകൾ ചേർത്ത് വെച്ച ശേഷം കൈകൾ തലക്ക് ഇരുവശത്തേക്കും ചെവിയോട് ചേർത്ത് വെക്കുക. ശ്വാസം ഉള്ളിലേക്ക് എടുത്ത് കൊണ്ട് കാലുകൾ രണ്ടും വളയാതെ മുകളിലേക്ക് ഉയർത്തുന്നതിന് ശ്രമിക്കുക. ശ്വാസം പതുക്കെ വിട്ടു കൊണ്ട് കാലുകൾ രണ്ടും മുട്ടുകൾ വളയാതെ തലക്ക് പുറകിലായി തറയിൽ മുട്ടിക്കുവാൻ ശ്രമിക്കുക. ശ്വാസം എടുത്ത് കൊണ്ട് കാലുകൾ മുകളിലേക്ക് ഉയർത്തുക. പിന്നീട് ശ്വാസം പുറത്തേക്ക് വിട്ട് കൊണ്ട് തന്നെ കാലുകൾ തറയിൽ വെക്കുക.

ത്രികോണാസന

നിന്നു കൊണ്ടാണ് ത്രികോണാസനം ചെയ്യുന്നത്. കാലുകൾ രണ്ടും ഒരു മീറ്റർ അകലത്തിൽ പരത്തി വെക്കുക. കൈകൾ തറയോട് സമാന്തരമായി വെക്കുക. വലതു കാൽപ്പത്തി വലതു ഭാഗത്തേക്കും ഇടത് കാൽപ്പത്തി മുൻഭാഗത്തേക്കും കോണായി വെക്കുക. ശ്വാസം വിട്ടു കൊണ്ട് മുട്ടു വളക്കാതെ ശരീരം വലതു ഭാഗത്തേക്ക് പതുക്കെ ചരിക്കുക.വലതു കൈപ്പത്തി വലതു കാൽപ്പത്തിയുടെ വലതു ഭാഗത്ത് വെക്കണം. ഇതേ സമയം ഇടത് കൈപ്പത്തി മുകളിലേക്ക് ഉയര്‍ത്തിപ്പിടിക്കുക. ഇരുകൈകളും ഈ അവസരത്തില്‍ നേർരേഖയിൽ വരുന്നു.

അപാനാസന

കഴുത്തിലെയും, തുടകളിലെയും പേശികളെ റിലാക്സ് ചെയ്യാന്‍ സഹായിക്കുന്ന യോഗാസന മുറയാണിത്. ഇത് ചെയ്യാന്‍ മലര്‍ന്ന് കിടക്കുക. കൈകകള്‍ മുട്ടില്‍ വെച്ച് നിശ്വാസത്തോടൊപ്പം കാലുകള്‍ നെഞ്ചിലേക്ക് ഉയര്‍ത്തുക. കൈകള്‍ ഉപയോഗിക്കുന്നതിന് പകരം തുടകളുടെ ബലം ഉപയോഗിച്ച് കാലുകള്‍ ചലിപ്പിക്കുക. ശ്വാസമെടുക്കുമ്പോള്‍ ശരീരം അയക്കുകയും വയറില്‍ നിന്ന് കാലുകള്‍ പൂര്‍ണ്ണമായും അകറ്റുകയും ചെയ്യുക. ശ്വസനം നിങ്ങളുടെ ചലനങ്ങളെ നിയന്ത്രിക്കണം. അല്പനേരം ഈ നിലയില്‍ തുടരുക. കണ്ണുകളടച്ച് ശാന്തമാവുക. ശ്രദ്ധ കേന്ദ്രീകരിക്കാന്‍ കഴിയുന്നില്ലെങ്കില്‍ ശ്വാസോഛാസം എണ്ണുക. ഇതാണ് അപാനാസന

ഭുജംഗാസന

ഭുജംഗാസനം എങ്ങനെ ചെയ്യാം എന്ന് നമുക്ക് നോക്കാം. അതിനായി ആദ്യം കമിഴ്ന്നു കിടക്കുക. കാലുകൾ രണ്ടും ചേർത്തു വെയ്ക്കുക. കാൽവിരലുകൾ പുറത്തേക്ക് തള്ളി വയ്ക്കുക. കൈകൾ തോളിന്റെ ഇരുവശങ്ങളിലായി കമഴ്ത്തി പതിച്ചു വയ്ക്കുക. ശ്വാസം ഉള്ളിലേക്ക് എടുത്ത് കൊണ്ട് തന്നെ പൊക്കിൾ വരെ തല മുകളിലേക്ക് ഉയർത്തി നോക്കണം. കുറച്ച് സെക്കന്റുകൾ അങ്ങനെ തന്നെ നിൽപ്പ് തുടരണം. പിന്നീട് ശ്വാസം വിട്ടുകൊണ്ട് പഴയ സ്ഥിതിയിലേക്ക് വരിക. മുകളിൽ പറഞ്ഞ ഈ യോഗാസനങ്ങള്‍ ചെയ്താൽ നിങ്ങൾക്ക് ശരീരത്തിൽ രക്തയോട്ടം വർദ്ധിപ്പിക്കുകയും അകാല നരയും മുടി കൊഴിച്ചിലും എല്ലാം ഇല്ലാതാവുകയും ചെയ്യുന്നുണ്ട്.