മുടി വളര്‍ത്തുന്ന കറിവേപ്പില രഹസ്യം

കറിവേപ്പില എണ്ണ

കറിവേപ്പില എണ്ണ നല്ലൊരു ഹെയര്‍ടോണിക്കാണ്. കറിവേപ്പിലയും വെളിച്ചെണ്ണയും ഒരുമിച്ച് ചൂടാക്കുക. കറിവേപ്പില മുഴുവനായി എണ്ണയില്‍ ചേര്‍ന്ന് കഴിഞ്ഞാല്‍ ഒരു കറുത്ത വസ്തു രൂപപ്പെടുന്നു. അതിനു ശേഷം ഇത് വാങ്ങി വെച്ച് ചൂടാറിയ ശേഷം തലയില്‍ തേച്ച് തുടങ്ങാം. മുടി കൊഴിച്ചിലും അകാല നരയും അതോടെ ഇല്ലാതാകും എന്ന കാര്യത്തില്‍ സംശയം വേണ്ട.

ഉപയോഗിക്കേണ്ട വിധം

കുളിയ്ക്കുന്നതിന് അരമണിക്കൂര്‍ മുന്‍പെങ്കിലും ഈ എണ്ണ തലയില്‍ തേച്ച് പിടിപ്പിക്കണം. പതിനഞ്ച് ദിവസം തുടര്‍ച്ചയായി ചെയ്താലുണ്ടാകുന്ന മാറ്റം നിങ്ങളെ അത്ഭുതപ്പെടുത്തും.

ഹെയര്‍മാസ്‌ക്

നല്ലൊരു ഹെയര്‍മാസ്‌ക് ആയി കറിവേപ്പില ഉപയോഗിക്കാം. കറിവേപ്പില നല്ലതു പോലെ അരച്ചെടുത്ത് അതില്‍ അല്‍പം തൈര് ചേര്‍ത്ത് തലയില്‍ തേച്ച് പിടിപ്പിക്കാം. ഇത് മുടിയുടെ തിളക്കവും മാര്‍ദ്ദവും വര്‍ദ്ധിപ്പിക്കുന്നു.

കറിവേപ്പിലും നാരങ്ങ നീരും

താരനെ പ്രതിരോധിയ്ക്കാന്‍ ഏറ്റവും മികച്ച വഴിയാണ് കറിവേപ്പിലയും നാരങ്ങ നീരും. കറിവേപ്പില വെള്ളത്തിലിട്ട് ഒരു ദിവസം കഴിഞ്ഞതിനു ശേഷം ആ വെള്ളത്തില്‍ നാരങ്ങ നീര് മിക്‌സ് ചെയ്യാം. ഇത് ഉപയോഗിച്ച് തല കഴുകിയാല്‍ താരനെ എന്നന്നേക്കുമായി ഇല്ലാതാക്കാം.

കറിവേപ്പില ചായ

കറിവേപ്പില ചായ കഴിയ്ക്കുന്നതും മുടിയുടെ ആരോഗ്യത്തിനും സൗന്ദര്യത്തിനും നല്ലതാണ്. കറിവേപ്പില വെള്ളത്തിലിട്ട് തിളപ്പിച്ച് അതിലേക്ക് നാരങ്ങ നീരും പഞ്ചസാരയും ചേര്‍ക്കുക. ഒരാഴ്ച സ്ഥിരമായി ഇത് കുടിയ്ക്കാം. ഇത് മുടിയുടെ വളര്‍ച്ച ത്വരിത ഗതിയിലാക്കും.

ഭക്ഷണത്തില്‍ കറിവേപ്പില

ഭക്ഷണത്തില്‍ കറിവേപ്പില പലരും ഒഴിവാക്കുകയാണ് ചെയ്യുന്നത്. എന്നാല്‍ കറിവേപ്പില ഇട്ട് കറികള്‍ ഉണ്ടാക്കുമ്പോള്‍ കറിവേപ്പില കളയാതെ അത് കഴിയ്ക്കുന്നത് മുടി വളര്‍ച്ചയെ ത്വരിതഗതിയിലാക്കുന്നു.

കറിവേപ്പില അരച്ച് തേയ്ക്കാം

കറിവപേപ്പില അരച്ച് തലയില്‍ തേച്ച് അരമണിക്കൂര്‍ നേരം ഇരിയ്ക്കാം. ഇത് അരമണിക്കൂര്‍ നേരം തലയില്‍ തന്നെ വെയ്ക്കാം. അതിനു ശേഷം നല്ലതു പോലെ ഉണങ്ങിയാല്‍ തണുത്ത വെള്ളത്തില്‍ കഴുകിക്കളയാം.