ഗ്രീന്‍ ടീ ഷാമ്പൂ, ഉപയോഗിക്കുന്തോറും മാറ്റമറിയാം

സ്റ്റെപ് 1

200 മില്ലി ലിറ്റര്‍ വെള്ളത്തില്‍ ഗ്രീന്‍ ടീ ബാഗ് 25 മിനിട്ട് തിളപ്പിക്കുക. 25 മിനിട്ടിനു ശേഷം ഇത് വാങ്ങി വെച്ച് തണുക്കാനായി മാറ്റി വെയ്ക്കാം.

സ്റ്റെപ് 2

തണുത്തതിനു ശേഷം 200 മില്ലി ലിറ്റര്‍ സോപ്പ് വെള്ളവും ഒരു ടേബിള്‍ സ്പൂണ്‍ ഒലീവ് ഓയിലും മിക്‌സ് ചെയ്യാം.

സ്‌റ്റെപ് 3

സുഗന്ധത്തിനായി അല്‍പം ലാവന്‍ഡര്‍ അല്ലെങ്കില്‍ റോസ് വാട്ടര്‍ കൂടി ചേര്‍ക്കാവുന്നതാണ്.

ഉപയോഗിക്കുന്ന വിധം

ഉപയോഗിക്കുന്ന വിധമാണ് ശ്രദ്ധിക്കേണ്ടത്. ഈ ഷാമ്പൂ ഉപയോഗിച്ച് മുടി കഴുകിയാല്‍ പിന്നെ കണ്ടീഷണര്‍ ഉപയോഗിക്കേണ്ട ആവശ്യമില്ല. തണുത്ത വെള്ളത്തിലായിരിക്കണം മുടി കഴുകേണ്ടത്.

മുടിയ്ക്ക് തിളക്കം

തിളക്കമുള്ള മുടിയാണ് ലക്ഷ്യമെങ്കില്‍ യാതൊരു വിധത്തിലുള്ള സംശയവും കൂടാതെ ഈ ഷാമ്പൂ ഉപയോഗിക്കാവുന്നതാണ്. ഇത് മുടിയ്ക്ക് തിളക്കം വര്‍ദ്ധിപ്പിക്കുന്നു.

താരന് പരിഹാരം

താരനെ പരിഹരിയ്ക്കാന്‍ മുന്നിലാണ് ഈ മിശ്രിതം. താരനെ മാത്രമല്ല പേനിനേയും ഇല്ലാതാക്കും ഗ്രീന്‍ ടീ ഷാമ്പൂ. ആഴ്ചയില്‍ മൂന്ന് തവണ ഉപയോഗിക്കാം.

മുടിയ്ക്ക് ആരോഗ്യം

മുടിയിഴകളെ ആരോഗ്യമുള്ളതാക്കി മാറ്റാന്‍ സഹായിക്കുന്ന ഒന്നാണ് ഗ്രീന്‍ ടീ ഷാമ്പൂ. ഗ്രീന്‍ ടീ ഷാമ്പൂ ഉപയോഗിച്ച് മുടിയുടെ വേരുകളിലേക്ക് ഇറങ്ങിച്ചെന്ന് ഫലം നല്‍കുന്നു

അകാല നരയെ ചെറുക്കുന്നു

അകാലനരയെ ഇല്ലാതാക്കാനും ഗ്രീന്‍ ടീ ഷാമ്പൂ സഹായിക്കുന്നു. അകാല നര പോലുള്ള പ്രശ്‌നങ്ങള്‍ ആത്മവിശ്വാസം കെടുത്തുമ്പോള്‍ ഈ ഷാമ്പൂ ഉപയോഗിക്കുന്നത് എന്തുകൊണ്ടും നല്ലതാണ്.