മുടിയുടെ അറ്റം പിളരുന്നത് ഇനി പ്രശ്‌നമാക്കേണ്ട

എഗ്ഗ് മാസ്‌ക്

എഗ്ഗ് മാസ്‌ക് മുടിയ്ക്ക് നല്ലൊരു കരുത്ത് നല്‍കുന്ന ഒന്നാണ്. ഇത് മുടിയുടെ വേരുകളെ ബലമുള്ളതാക്കാനും മുടിയുടെ അറ്റം പിളരുന്നത് തടയാനും സഹായിക്കുന്നു. മുട്ടയില്‍ അല്‍പം തൈര് ചേര്‍ത്ത് മുടിയില്‍ തേച്ച് പിടിപ്പിക്കുകയ മുടിയുടെ അറ്റത്തും ഇത് തേച്ച് പിടിപ്പിക്കാം. ഇത് മുടിയ്ക്ക് തിളക്കവും നിറവും കരുത്തും വര്‍ദ്ധിപ്പിക്കുന്നു.

ചീപ്പ് ഉപയോഗിക്കുമ്പോള്‍

പല്ലകലമുള്ള ചീപ്പ് ഉപയോഗിക്കാന്‍ ശ്രദ്ധിക്കുക. മുടി കുളിച്ച ശേഷം കണ്ടീഷണര്‍ ഇടുമ്പോള്‍ ചീപ്പ് കൊണ്ട് ചെറുതായി ചീകുന്നത് നന്നായിരിക്കും. ഇത് മുടി പൊട്ടാതിരിയ്ക്കാനും മുടിയുടെ വളര്‍ച്ചയെ ത്വരിതപ്പെടുത്താനും സഹായിക്കുന്നു.

തേനും തൈരും

തേനും തൈരുമാണ് മറ്റൊന്ന്. തേനും തൈരും മിക്‌സ് ചെയ്ത് മുടിയില്‍ തേച്ച് പിടിപ്പിച്ച് അരമണിക്കൂറിന് ശേഷം കഴുകിക്കളയാം. ഇത് മുടിയിലെ എല്ലാ തരത്തിലുള്ള പ്രശ്‌നങ്ങളേയും ഇല്ലാതാക്കുന്നു.

ഹെയര്‍സ്റ്റൈലിംഗ് ഉപകരണങ്ങള്‍

ഹെയര്‍സ്റ്റൈലിംഗ് ഉപകരണങ്ങളാണ് മറ്റൊന്ന്. മുടിയുടെ നിറം വര്‍ദ്ധിപ്പിക്കാന്‍, മുടി സ്‌ട്രെയ്‌ന്റ്റന്‍ ചെയ്യാന്‍ എന്ന് വേണ്ട നമ്മള്‍ മുടിയില്‍ ആര്‍ട്ടിഫിഷ്യല്‍ ആയിട്ട് ചെയ്യുന്ന എല്ലാ കാര്യങ്ങളും മുടിയുടെ അറ്റം പിളരുന്നതിന് കാരണമാകുന്നു.

മുടി മുറിയ്ക്കുന്നത്

മുടി മുറിയ്ക്കുന്നതാണ് മറ്റൊന്ന്. എന്നാല്‍ എല്ലാ സമയത്തും ഒരേ പോലുള്ള മുടി മുറിയ്ക്കല്‍ പ്രശ്‌നങ്ങളാണ് ഉണ്ടാക്കുന്നത്. ഇത് മുടിയുടെ അറ്റം പിളരാന്‍ കാരണമാകുന്നു. യാത്ര ചെയ്യുമ്പോഴും മറ്റുമാണ് ഏറ്റവും കൂടുതല്‍ പ്രശ്‌നം തോന്നുന്നതും.