സ്ത്രീകളിലെ താടി രോമം നീക്കം ചെയ്യാം എളുപ്പത്തില്‍

നാരങ്ങയും പഞ്ചസാരയും

നാരങ്ങയും പഞ്ചസാരയും ഉപയോഗിച്ച് ഇത്തരത്തില്‍ സ്ത്രീകള്‍ക്ക് മുഖത്തെ അനാവശ്യ രോമത്തെ ഇല്ലാതാക്കാം. ഇത് ചര്‍മ്മത്തിലെ എണ്ണമയത്തേയും ജലാംശത്തേയും നിലനിര്‍ത്തിക്കൊണ്ട് തന്നെ മുഖരോമത്തെ ഇല്ലാതാക്കും. മാത്രമല്ല നാരങ്ങ മുഖത്തിന് നിറം വര്‍ദ്ധിപ്പിക്കുകയും ചെയ്യുന്നു.

ആവശ്യമുള്ള സാധനങ്ങള്‍

രണ്ട് ടേബിള്‍ സ്പൂണ്‍ പഞ്ചസാര, രണ്ട് ടേബിള്‍ സ്പൂണ്‍ നാരങ്ങ നീര് എന്നിവയാണ് ആവശ്യമുള്ളത്. എങ്ങനെ ഈ മിശ്രിതം തയ്യാറാക്കാം എന്ന് നോക്കാം.

താടി രോമം നീക്കം ചെയ്യാം

പഞ്ചസാര നല്ലതു പോലെ വെള്ളത്തില്‍ ലയിപ്പിച്ചെടുത്ത് ഇതിലേക്ക് നാരങ്ങ നീരും മിക്‌സ് ചെയ്യുക. ഇത് മുഖത്ത് രോമവളര്‍ച്ച ഉള്ള സ്ഥലത്ത് നല്ലതു പോലെ തേച്ച് പിടിപ്പിക്കാം. 20 മിനിട്ട് ഈ മിശ്രിതം മുഖത്തുണ്ടാകണം. ആഴ്ചയില്‍ രണ്ട് തവണ ഇത് ശീലമാക്കാം. മുഖത്തെ രോമം എന്നന്നേക്കുമായി കൊഴിഞ്ഞ് പോവും എന്ന കാര്യത്തില്‍ സംശയം വേണ്ട.

തേനും പഞ്ചസാരയും നാരങ്ങയും

എന്നാല്‍ ഈ രണ്ട് മിശ്രിതത്തോടൊപ്പം അല്‍പം തേന്‍ കൂടി ചേര്‍ത്താല്‍ ഇത് മുഖത്തിന് തിളക്കവും നല്‍കുന്നു. എങ്ങനെ ഈ മിശ്രിതം തയ്യാറാക്കാം എന്ന് നോക്കാം.

താടി രോമം നീക്കം ചെയ്യാം

പഞ്ചസാരയും നാരങ്ങ നീരും നല്ലതു പോലെ ലയിപ്പിക്കുക. ഇതിലേക്ക് അല്‍പം തേന്‍ മിക്‌സ് ചെയ്യാം. പേസ്റ്റ് പരുവത്തിലാകുമ്പോള്‍ മുഖത്ത് തേച്ച് പിടിപ്പിക്കാം. ഇത് മൂന്ന് മിനിട്ടിനു ശേഷം കഴുകിക്കളയാവുന്നതാണ്.

മുട്ടയുടെ വെള്ളയും തേനും

മറ്റൊരു അത്ഭുതപ്പെടുത്തുന്ന കൂട്ടാണ് മുട്ടയുടെ വെള്ളയും തേനും. മുട്ടയുടെ വെള്ളയും തേനും മിക്‌സ് ചെയ്ത് മുഖത്ത് തേച്ച് പിടിപ്പിക്കാം. അരമണിക്കൂര്‍ കഴിയുമ്പോള്‍ ഇത് നല്ലതു പോലെ ഉണങ്ങിയ ശേഷം കഴുകിക്കളയാവുന്നതാണ്.