ബീറ്റ്‌റൂട്ട് നീരും തേനും,രണ്ടാഴ്ച മുഖം കഴുകിയാല്‍

അകാല വാര്‍ദ്ധക്യം

പലരേയും പ്രതിസന്ധിയിലാക്കുന്ന ഒന്നാണ് അകാല വാര്‍ദ്ധക്യം. അകാല വാര്‍ദ്ധക്യത്തെ പ്രതിരോധിയ്ക്കാന്‍ ബീറ്റ്‌റൂട്ട് ജ്യൂസ് ഏറ്റവും നല്ല ഉപാധിയാണ്. ബീറ്റ്‌റൂട്ട് ജ്യൂസില്‍ അല്‍പം തേന്‍ മിക്‌സ് ചെയ്ത് മുഖത്ത് തേച്ച് കിടക്കുക. രാവിലെ എഴുന്നേല്‍ക്കുമ്പോള്‍ ഇത് നല്ല തണുത്ത വെള്ളത്തില്‍ കഴുകിക്കളയാം. രണ്ടാഴ്ച തുടര്‍ച്ചയായി ഇത് ചെയ്യുക.

നിറം വര്‍ദ്ധിപ്പിക്കുന്നു

ശരീരത്തിന്‌റെ നിറം വര്‍ദ്ധിപ്പിക്കാന്‍ ആരോഗ്യത്തോടു കൂടിയുള്ള വഴിയാണ് ബീറ്റ്‌റൂട്ട് ജ്യൂസിന്റേത് എന്ന കാര്യത്തില്‍ സംശയമില്ല. വിറ്റാമിന്‍ സി ധാരാളം അടങ്ങിയിട്ടുണ്ട് ഇതില്‍. ഇത് തന്നെയാണ് ശരീരത്തിന്റെ നിറം വര്‍ദ്ധിപ്പിക്കുന്നതിന് സഹായിക്കുന്നതും.

പിഗ്മെന്റേഷന്‍ കുറയ്ക്കുന്നു

പിഗ്മെന്റേഷന്‍ എന്ന പ്രശ്‌നത്തെ ഇല്ലാതാക്കനും ബീറ്റ്‌റൂട്ട് നീരിന് കഴിയും. മാത്രമല്ല മുഖത്തിന് തിളക്കം നല്‍കാനും ബീറ്റ്‌റൂട്ട് ഉപകരിയ്ക്കുന്നു.

ചര്‍മ്മത്തിന്റെ വരള്‍ച്ച

വരണ്ട ചര്‍മ്മമാണ് പലരുടേയും പ്രശ്‌നം. പ്രത്യേകിച്ച് ഈ കാലാവസ്ഥയില്‍. എന്നാല്‍ ഇതിന് നിമിഷ പരിഹാരം കാണാന്‍ ബീറ്റ്‌റൂട്ട് ജ്യൂസ് മുഖത്ത് തേയ്ക്കുന്നതിലൂടെ കഴിയും. ബീറ്റ്‌റൂട്ട് ജ്യൂസ് കഴിയ്ക്കുന്നതും നല്ലതാണ്.

മുടി കൊഴിച്ചില്‍ തടയും

മുടി കൊഴിച്ചില്‍ എന്ന പ്രശ്‌നത്തെ ഇല്ലാതാക്കുന്നതിനും ബീറ്റ്‌റൂട്ട് ജ്യൂസ് സഹായിക്കുന്നു. ബീറ്റ്‌റൂട്ട് ജ്യൂസ് സ്ഥിരമായി കഴിയ്ക്കുന്നത് മുടി കൊഴിച്ചിലിനെ എന്നന്നേക്കുമായി അകറ്റുന്നു.

മുഖക്കുരു പാട്

മുഖക്കുരു പാടാണ് മറ്റൊരു പ്രശ്‌നം. മുഖക്കുരു പാട് ഉണ്ടാക്കുന്ന മാനസിക സമ്മര്‍ദ്ദം പലരിലും ചില്ലറയല്ല. എന്നാല്‍ മുഖക്കുരുവിന്റെ പാടിനെ പൂര്‍ണമായും ഇല്ലാതാക്കാന്‍ ബീറ്റ്‌റൂട്ട് ജ്യൂസ് മുഖക്കുരുവിന് മുകളില്‍ പുരട്ടുന്നത് നല്ലതാണ്.

ബോഡി ക്ലെന്‍സര്‍

നല്ലൊരു ബോഡി ക്ലെന്‍സര്‍ എന്നാണ് ബീറ്റ്‌റൂട്ടിനെ അറിയപ്പെടുന്നത്. കുക്കുമ്പര്‍ പോലെ തന്നെ ചര്‍മ്മത്തിലെ അഴുക്കിനെ ഇല്ലാതാക്കാന്‍ എപ്പോഴും മുന്നിലാണ് ബീറ്റ്‌റൂട്ട്.