ഭര്‍ത്താവിന്‌ അവഗണന തോന്നുന്നുവെങ്കില്‍

വിവാഹത്തിന്റെ അല്‍പനാളുകള്‍ ഭാര്യയും ഭര്‍ത്താവും തങ്ങളുടേതായ ലോകത്തായിരിയ്‌ക്കുമെന്നു പറയാം. ഭാര്യ ഭര്‍ത്താവിനെയും ഭര്‍ത്താവ്‌ ഭാര്യയേയും കൂടുതല്‍ പരിഗണിയ്‌ക്കുന്ന, കരുതല്‍ കാണിയ്‌ക്കുന്ന സമയം,

എന്നാല്‍ ജീവിതത്തിന്റെ തിരക്കുകളും ഉത്തരവാദിത്വങ്ങളുമെല്ലാം ഇതു പതുക്കെ പിന്നോട്ടാക്കും. ഇത്തരം കരുതലുകള്‍ ഉള്ളിലുണ്ടെങ്കില്‍ പോലും പുറകെ പ്രകടിപ്പിയ്‌ക്കാന്‍ സാധിയ്‌ക്കാതെ വരും.

കുടുംബത്തിന്റെയും കുട്ടികളുടേയും ഉത്തരവാദിത്വങ്ങള്‍ കൂടുമ്പോള്‍ ഭാര്യ തന്നെ വേണ്ട രീതിയില്‍ ശ്രദ്ധിയ്‌ക്കുന്നില്ലെന്ന തോന്നല്‍ ഭര്‍ത്താക്കന്മാര്‍ക്കുണ്ടാകാന്‍ സാധ്യതയുണ്ട്‌. ഇതൊഴിവാക്കാന്‍ ചെയ്യാവുന്ന ചില കാര്യങ്ങളെക്കുറിച്ചറിയൂ,

ഭര്‍ത്താവിനൊപ്പം സമയം ചെലവഴിയ്‌ക്കാന്‍ സമയം കണ്ടുപിടിയ്‌ക്കുക. പ്രത്യേകിച്ചു രണ്ടുപേരും മാത്രമായി ആശയവിനിമയം നടത്തുക.

ഭര്‍ത്താവിന്റെ ചെറിയ കാര്യങ്ങളില്‍ പോലും ശ്രദ്ധ വയ്‌ക്കുക. ഇത്‌ അദ്ദേഹത്തെ സന്തോഷിപ്പിയ്‌ക്കും.

സ്‌നേഹപ്രകടനങ്ങള്‍ ഇഷ്ടം പ്രകടിപ്പിയ്‌ക്കാനുള്ള ഒരു വഴിയാണ്‌. ഇതും തന്റെ ഭാര്യ തന്നെ സ്‌നേഹിയ്‌ക്കുന്നുവെന്ന തോന്നല്‍ നല്‍കും.

ശാരീരിക അടുപ്പം ഭാര്യാഭര്‍ത്താക്കന്മാര്‍ തമ്മിലുള്ള സ്‌നേഹത്തിന്റെ മറ്റൊരു ഭാഷയാണ്‌. ഇതും പരീക്ഷിയ്‌ക്കാം. താര വിവാഹമോചനങ്ങള്‍ കൂടുന്നുവോ?