ദാമ്പത്യത്തില്‍ കുട്ടികളുടെ സ്ഥാനം

ഭാര്യയും ഭര്‍ത്താവുമായാല്‍ ദാമ്പത്യമാകുമെങ്കിലു ഇത് പൂര്‍ണതയിലെത്താന്‍ കുട്ടികള്‍ അത്യാവശ്യമാണ്. കുടുംബം പൂര്‍ണമാകുന്നതും കുട്ടികള്‍ കൂടിയുണ്ടാകുമ്പോഴാണ്. വിവാഹത്തിലൂടെ ലഭിയ്ക്കുന്ന ഏറ്റവും വലിയ വരദാനമാണ് കുഞ്ഞുങ്ങളെന്നു പറയാം.

കുട്ടികള്‍ കുടുംബത്തിലും ഭാര്യാഭര്‍ത്താക്കന്മാരുടെ ജീവിതത്തിലും വലിയ വ്യത്യാസങ്ങള്‍ വരുത്തുന്നുണ്ട്. കുട്ടികള്‍ എപ്പോള്‍ വേണമെന്നും എത്ര വേണമെന്നുമെല്ലാം തീരുമാനിയ്‌ക്കേണ്ടത് ദമ്പതിമാരാണ്. കുട്ടികള്‍ വേണോയെന്നും ദമ്പതിമാര്‍ക്കു തീരുമാനിയ്ക്കാം.

തീരുമാനം എന്താണെങ്കിലും കുട്ടികള്‍ വിവാഹജീവിതത്തില്‍ ചെലുത്തുന്ന ചില സ്വാധീനങ്ങളുണ്ട്. ഇവയെന്തൊക്കെയെന്നു നോക്കൂ,

ഭാര്യാഭര്‍ത്താക്കന്മാര്‍ തമ്മിലുള്ള ബന്ധം ഊട്ടിയുറപ്പിയ്ക്കാനുള്ള പ്രധാന കണ്ണികളാണ് കുട്ടികള്‍. ദാമ്പത്യത്തില്‍ എന്തെല്ലാം പ്രശ്‌നങ്ങളുണ്ടെങ്കിലും കുട്ടികളെ ഓര്‍ത്തു പരിഹാരം കണ്ടുപിടിയ്ക്കുന്നവരുണ്ട്. ദമ്പതികള്‍ തമ്മിലുള്ള അടുപ്പം വര്‍ദ്ധിപ്പിയ്ക്കുന്ന ഘടകമാണ് കുട്ടികള്‍.

കുട്ടികള്‍ക്കു വേണ്ടിയായിരിയ്ക്കും ദമ്പതിമാരുടെ കൂടുതല്‍ കരുതലുകളും. ജീവിയ്ക്കാന്‍ പ്രേരണ നല്‍കുന്ന ഘടകമെന്നു വേണമെങ്കില്‍ പറയാം.

ജീവിതത്തിലെ സ്‌ട്രെസും മാനസിക പിരിമുറുക്കവുമെല്ലാം കുറയ്ക്കാന്‍ സഹായിക്കുന്ന പ്രധാന ഘടമാണ് കുട്ടികള്‍. ഇവര്‍ക്കൊപ്പം സംസാരിയ്ക്കുന്നതും സമയം ചെലവഴിയ്ക്കുന്നതുമെല്ലാം മനസിന് സന്തോഷം നല്‍കും.

കുട്ടികള്‍ പല പുതിയ കാര്യങ്ങളും പഠിപ്പിയ്ക്കും. കുട്ടികളില്‍ നിന്നും മുതിര്‍ന്നവര്‍ക്കു പലതും പഠിയ്ക്കാനുണ്ട്.

കുട്ടികള്‍ പലരിലും നല്ല മാറ്റങ്ങള്‍ വരുത്തും. ഉത്തരവാദിത്വം വര്‍ദ്ധിയ്ക്കും. കുടുംബബന്ധങ്ങളില്‍ കൂടുതല്‍ അടുപ്പം നല്‍കും. ജീവിയ്ക്കാനുള്ള ലക്ഷ്യബോധമുണ്ടാകും. മാതാപിതാക്കളെ ഒരു പരിധി വരെ സ്വാര്‍ത്ഥതയില്‍ നിന്നും പുറത്തെത്തിയ്ക്കാനും കുട്ടികള്‍ക്കു കഴിയും. ഏതു മാതാപിതാക്കളും തങ്ങളേക്കാള്‍ കൂടുതല്‍ കുട്ടികള്‍ക്കു പരിഗണന നല്‍കുന്നവരായിരിയ്ക്കും. ആണിനെ പ്രണയത്തില്‍ വീഴ്ത്താന്‍...