സോറി പറയാന്‍ സ്ത്രീ മടിയ്ക്കും!!

തെറ്റുകള്‍ പറ്റുക മനുഷ്യ സഹജം, ഇവ തിരുത്തുന്നതാണ് മഹത്തരം എന്നു പൊതുവെ പറയും. സ്ത്രീയ്ക്കാണെങ്കിലും പുരുഷനാണെങ്കിലും തെറ്റുകള്‍ പറ്റുന്നത് സ്വാഭാവികവുമാണ്. എന്നാല്‍ ഇത് തുറന്നു സമ്മതിക്കുന്നതിലും സോറി പറയുന്നതിനും പുരുഷനെ അപേക്ഷിച്ച് സ്ത്രീകള്‍ അല്‍പം പുറകിലാണെന്നു വേണമെങ്കില്‍ പറയാം.

ആദ്യം സോറി പറയാന്‍ സ്ത്രീകള്‍ മടിയ്ക്കുന്നതിന്റെ കാരണങ്ങള്‍ പലതാണെന്നു വേണമെങ്കില്‍ പറയാം.

മിക്കവാറും സ്ത്രീ-പുരുഷബന്ധങ്ങളില്‍ പുരുഷനെ കൊണ്ട് തോല്‍വി സമ്മതിപ്പിക്കാന്‍ പറ്റുമെന്ന ചിന്തയായിരിക്കും പല സ്ത്രീകളേയും ക്ഷമ പറയുന്നതില്‍ നിന്നും വിലക്കുന്നത്. കണ്ണീരിലൂടെയെങ്കിലും കാര്യം സാധിക്കാമെന്ന ചിന്തയും ചില സ്ത്രീകള്‍ക്കെങ്കിലുമുണ്ടാകാം.

തെറ്റു സമ്മതിച്ചാല്‍ ഇത് പിന്നീട് എപ്പോഴും പുരുഷന്റെ മുന്നില്‍ തോല്‍വിയിലേക്കു നയിക്കുമെന്ന ഭയവും ചിലര്‍ക്കെങ്കിലുമുണ്ടാകും. ഇതും സ്ത്രീകളെ ക്ഷണ പറയുന്നതില്‍ നിന്നും വിലക്കുന്ന ഒന്നു തന്നെ.

തര്‍ക്കിക്കുന്ന കാര്യത്തില്‍ മിക്കവാറും മുന്‍പന്തിയില്‍ സ്ത്രീകള്‍ തന്നെയാണെന്നു പറയാം. പുരുഷനെ തര്‍ക്കിച്ചു തോല്‍പ്പിക്കാം. ഇത്തരത്തില്‍ തന്നെ കുറ്റക്കാരിയാക്കാതിരിക്കാം തുടങ്ങിയ ചിന്തകളും ഇത്തരം പ്രവൃത്തികള്‍ക്കു കുട പിടിയ്ക്കും.

പുരുഷന്‍ തന്റെ മുന്നില്‍ ക്ഷമ പറഞ്ഞു കാണാനുള്ള സ്വാര്‍ത്ഥമായ ആഗ്രഹവും ചിലപ്പോഴെങ്കിലും സ്ത്രീകളെ സ്വന്തം തെറ്റു മറച്ചു പിടിയ്ക്കുന്നിതില്‍ നിന്നും ക്ഷമ പറയുന്നതില്‍ നിന്നും വിലക്കാറുമുണ്ട്.

തെറ്റു സമ്മതിക്കാനും ക്ഷമ പറയാനും മടിയ്ക്കുന്നതു വേണമെങ്കില്‍ സ്ത്രീ സഹജമായ ഒരു സ്വഭാവഗണത്തില്‍ പെടുത്തുകയും ചെയ്യാം.