മാതൃത്വം ആയുധമാക്കരുത്

Relationship

oi-Saritha

By Veena

Published: Wednesday, May 23, 2012, 13:21 [IST]

മാതൃത്വം എന്ന അവകാശം വച്ച് ഭര്‍ത്താവിനെ മൂലക്കൊതുക്കുന്നവരും ഉണ്ട്. പിതൃത്വത്തിനെക്കാള്‍ കൂടുതല്‍ മാതൃത്വത്തിനെ കുറിച്ച് ചര്‍ച്ച ചെയ്യാനാണ് ഏവര്‍ക്കും താല്‍പര്യവും.

പ്രസവമെന്ന മഹത്തായ കര്‍മം സ്ത്രീക്ക് അവകാശപ്പെട്ടതാണ്. എന്നുവച്ച് പിത്വത്വത്തിനും അതിന്റേതായ പ്രാധാന്യമുണ്ടെന്ന് മനസിലാക്കുക. എന്റെ കുഞ്ഞ് എന്ന അവകാശത്തോടെ കുഞ്ഞിനെ ചേര്‍ത്തുപിടിക്കാന്‍ പുരുഷനുള്ള അവകാശത്തേയും അംഗീകരിക്കുക. കുഞ്ഞിന്റെ കാര്യത്തില്‍ അമ്മയോളം തന്നെ അവകാശം അച്ഛനുമുണ്ട് എന്ന് എപ്പോഴും ഒാര്‍ക്കുകയും വേണം.

പുരുഷത്വത്തെ ചോദ്യം ചെയ്യുന്നത് ഒരാണും സഹിക്കില്ല. നിങ്ങളെക്കൊണ്ട് ഇതേ ആവൂ എന്നൊരു പ്രസ്താവന പലപ്പോഴും പുരുഷന്മാരെ കുത്തിനോവിക്കും. ഇത് അപകര്‍ഷതാബോധത്തിന് വഴിയൊരുക്കും. സ്വന്തം ആത്മവിശ്വാസം നഷ്ടപ്പെടുവാനും കാരണമായേക്കും.

ഇതിന് പകരം ഭര്‍ത്താവിനെ കഴിവുകളെ അംഗീകരിക്കുകയും ഇത് തുറന്നു സമ്മതിക്കുകയും ചെയ്തു നോക്കൂ. കൂടുതല്‍ ആത്മവിശ്വാസത്തോടെ, ഉത്സാഹത്തോടെ കാര്യങ്ങള്‍ ഏറ്റെടുക്കാന്‍ പുരുഷനാകും.

സ്വന്തം ഇഷ്ടങ്ങള്‍ക്കൊപ്പം മറുഭാഗത്തെ ഇഷ്ടങ്ങളും അറിയാനും അംഗീകരിക്കാനും ഭാര്യ തയ്യാറാകണം. എനിക്കിഷ്ടമുള്ള ഭക്ഷണം, എനിക്കിഷ്ടമുള്ള സീരിയില്‍ എന്നിങ്ങനെയുള്ള കാര്യങ്ങള്‍ മാത്രമാകാതെ ഭര്‍ത്താവിന്റെ ഇഷ്ടവും കണക്കിലെടുക്കാന്‍ സാധിക്കണം.

ഭാര്യാ ഭര്‍തൃ സൗഹൃദമാണ് കുടുംബാന്തരീക്ഷം ഊഷ്മളമാക്കുന്നത്. ഇത് വരും തലമുറയുടെ മാനസിക ആരോഗ്യത്തെയും ബാധിക്കുമെന്ന കാര്യം ഇരുവരും എപ്പോഴും ഓര്‍ക്കുകയും വേണം.