കള്ളം പറയുമ്പോഴും പൊതു സ്വഭാവം

Relationship

oi-Saritha

By Veena

Published: Sunday, April 29, 2012, 16:08 [IST]

ഇതുപോലെ തന്നെയാണ് സ്ത്രീയുടെ കാര്യവും. ആണുങ്ങളോട് പറയുന്ന ഇവരുടെ കള്ളങ്ങള്‍ക്കുമുണ്ട് ചില പൊതുസ്വാഭാവങ്ങള്‍.

നിങ്ങള്‍ ഏതു സ്ത്രീയെ നോക്കിയാലും എനിക്ക് പ്രശ്‌നമില്ലെന്നു പറയുന്നവരുണ്ട്. ഇത് പാടെ വിശ്വസിച്ച് സൗന്ദര്യം നോക്കി ആസ്വദിക്കാനൊരുങ്ങിയാല്‍ പെട്ടുപോകും. കാരണം ഇക്കാര്യത്തില്‍ പുരുഷന്മാരേക്കാള്‍ സംശയദൃഷ്ടി വച്ചു പുലര്‍ത്തുന്നത് സ്ത്രീകളാണ്. സ്വന്തം പുരുഷന്‍ മറ്റൊരു പെണ്‍കുട്ടിയെ നോക്കുന്നതോ പ്രകീര്‍ത്തിക്കുന്നതോ അവര്‍ക്ക് പിടിച്ചെന്നു വരില്ല.

പൈസയൊന്നും എനിക്കൊരു പ്രശ്‌നമില്ലെന്നു പറയുന്ന സ്ത്രീകളുണ്ട്. ഇതും കള്ളം. പണത്തിന്റെയും ഇതുവഴിയുള്ള കരുതലിന്റെയും കാര്യത്തില്‍ ഇവര്‍ എപ്പോഴും കുറച്ച് ഉയരത്തിലേ ചിന്തിക്കാറുള്ളൂ. ചിലരെങ്കിലും പണത്തിന്റെ മാനദണ്ഡത്തില്‍ മാത്രം പങ്കാളിയെ തെരഞ്ഞെടുക്കുന്നവരുമുണ്ട്.

ഭര്‍ത്താവിന്റെ അമ്മ സ്വന്തം അമ്മയെ പോലെയാണെന്നു പറയുന്നവരുണ്ട്. ഇത് പലപ്പോഴും പച്ചക്കള്ളമായിരിക്കും. അമ്മായിയമ്മ-മരുമകള്‍ മനോഭാവം പലപ്പോഴും ഒരു സാമൂഹ്യസ്ഥിതി പോലെയാണ്. ഭര്‍ത്താവിന്റെ അമ്മയെ സ്വന്തം പോലെ കരുതുന്നവര്‍ വിരളം.

ഭര്‍ത്താവിന്റെ കൂട്ടൂകൂടലും കൂട്ടുകാര്‍ വീട്ടില്‍ വരുന്നതും പ്രശ്‌നമല്ലെന്നു പറയുന്നവര്‍ ഉണ്ട്. ഇത് പലപ്പോഴും കള്ളമായിരിക്കും. സ്വന്തം വീട്ടില്‍ എപ്പോഴും ഇത്തരം കൂട്ടുചേരലുകള്‍ ഒരു ഭാര്യയും ക്ഷമിച്ചെന്നു വരില്ല.

ഇതെല്ലാം പൊതുകാര്യങ്ങള്‍ മാത്രം. വ്യക്തികളില്‍ നിന്നും വ്യക്തികളിലേക്ക് ഇത്തരം സ്വഭാവങ്ങളും മാറാം.