വിവാഹത്തില്‍ കുടുംബം പ്രധാനം

Relationship

oi-Saritha

By Veena

Published: Monday, April 9, 2012, 16:19 [IST]

വിവാഹം രണ്ടു വ്യക്തികള്‍ തമ്മിലുള്ള ഒത്തുചേരല്‍ എന്നതിനേക്കാള്‍, രണ്ടു കുടുംബങ്ങള്‍ തമ്മിലുള്ള ഒത്തു ചേരല്‍ എന്നാണ് പറയുക. വ്യത്യസ്ത സാഹചര്യങ്ങളില്‍ വരുന്നവര്‍ വ്യത്യസ്ത രീതിയിലുള്ള കുടുംബപശ്ചാത്തലമുള്ളവരായിരിക്കും. ഇത് ഒത്തൊരുമിച്ചു കൊണ്ടു പോകാന്‍ സാധിക്കണം. കുടുംബവും രീതികളുമായി തീരെ ഒത്തുപോകാനാവില്ല എന്ന തോന്നലുണ്ടെങ്കില്‍ ഇത്തരം ബന്ധങ്ങളില്‍ നിന്ന് പിന്മാറുന്നതാണ് ബുദ്ധി. അല്ലെങ്കില്‍ രണ്ടു വ്യക്തികള്‍ക്കൊപ്പം രണ്ടു കുടുംബങ്ങള്‍ കൂടി ബുദ്ധിമുട്ടിലാകും.

വിവാഹത്തിനു ശേഷം പുരുഷനെ കുടുംബത്തില്‍ നിന്ന് അടര്‍ത്തിയെടുക്കാം എന്ന തോന്നലും വേണ്ട. എന്തൊക്കെ ബന്ധങ്ങളുണ്ടെങ്കിലും, അത് സൗഹൃദമാണെങ്കിലും വിവാഹമാണെങ്കിലും ഒരാളുടെ അസ്തിത്വം പ്രധാനമായും അച്ഛനമ്മമാരിലും സ്വന്തം വീട്ടിലുമാണെന്ന കാര്യം മറക്കാതിരിക്കുക. മകനെ മാതാപിതാക്കളില്‍ നിന്ന് വേര്‍പെടുത്താനുള്ള ആഗ്രഹം തികഞ്ഞ സ്വാര്‍ത്ഥതയെന്നേ പറയാനാകൂ.

ഒരാളുടെ സ്വഭാവവും രീതികളും പരമപ്രധാനം. നല്ല സ്വഭാവം നല്ല ബന്ധത്തിന്റെ അടിസ്ഥാനമാണെന്നു പറയാം. എന്തൊക്കെയുണ്ടെങ്കിലും സ്വഭാവം നന്നല്ലെങ്കില്‍ കാര്യമില്ലെന്ന അഭിപ്രായവും വാസ്തവം. അതുപോലെ തന്നെയാണ് ഒരാളുടെ പ്രകൃതവും. തീരെ സംസാരിക്കാത്ത പ്രകൃതമുള്ള പുരുഷന്‍ അത്രതന്നെ വായാടിയായ ഒരു സ്ത്രീയെ വിവാഹം കഴിച്ചാലോ. ഇരു കൂട്ടര്‍ക്കും ചിലപ്പോള്‍ ബോറടിച്ചേക്കും. ചേരുന്ന പ്രകൃതവും പ്രധാനം തന്നെ.

ഇതെല്ലാം വിവാഹത്തിന്റെ അടിസ്ഥാന കാര്യങ്ങള്‍ മാത്രമെന്ന് വേണമെങ്കില്‍ പറയാം. ഇതെല്ലാം ശരിയായിട്ടും വിജയിക്കാത്ത ബന്ധങ്ങളുണ്ട്. പൊരുത്തക്കേടിലും വിജയിക്കുന്ന ചില ബന്ധങ്ങളുണ്ട്.

മുന്‍ പേജില്‍