മൂരിശൃംഗാരം കൊണ്ടു നടന്നാല്‍...

Relationship

oi-Saritha

By Veena

Published: Friday, April 6, 2012, 10:42 [IST]

ഫ്ളര്‍ട്ടിംഗ്, പച്ചമലയാളത്തില്‍ പറഞ്ഞാല്‍ മൂരിശൃംഗാരം, പല ബന്ധങ്ങളുടേയും ചീട്ടു കീറും. ഇത് പ്രണയമാണെങ്കിലും വിവാഹമാണെങ്കിലും. ശൃംഗാരികളെ ആര്‍ക്കും വലിയ താല്‍പര്യമൊന്നുമുണ്ടാകില്ല. തികച്ചും നിരുപദ്രവമാണല്ലോ, ആര്‍ക്കും പ്രശ്‌നമില്ലല്ലോ എന്ന രീതിയിലായിരിക്കും പലരും ഇതിലേക്കു തിരിയുന്നത്. ഇത് അവസാനം വലിയ ഉപദ്രവമായിത്തീരാന്‍ താമസമുണ്ടാകില്ല.

ക്ഷമ ഏതു ബന്ധത്തിന്റേയും നട്ടെല്ലാണ്. അക്ഷമ എവിടെയാണെങ്കിലും നല്ല വഴിയിലൂടെ പോവുകയുമില്ല. ഒരാള്‍ പറയുന്നത് കേള്‍ക്കാന്‍ ക്ഷമ കാണിക്കാതിരിക്കുക, ചെറിയ തെറ്റാണെങ്കിലും ക്ഷമിക്കാതിരിക്കുക തുടങ്ങിയവ ബന്ധങ്ങള്‍ക്ക് എപ്പോഴും വിലങ്ങുതടിയാകും.

ദേഷ്യം മറ്റൊരു പ്രശ്‌നം. എപ്പോഴും ദേഷ്യപ്പെട്ട് പ്രശ്‌നം സൃഷ്ടിക്കുന്ന പങ്കാളിയെ സഹിക്കാന്‍ അധികകാലം ആര്‍ക്കും പറ്റിയെന്നു വരില്ല. ഒരാള്‍ക്ക് ദേഷ്യവും മറ്റൊരാള്‍ക്ക് ക്ഷമയുമുണ്ടെങ്കില്‍ ഒരു പരിധി വരെ പ്രശ്‌ന പരിഹാരമാകും. എന്നാല്‍ പഴമക്കാര്‍ പറയുന്നതു പോലെ ക്ഷമയ്ക്കും ഒരു നെല്ലിപ്പടിയുണ്ടെന്നോര്‍ക്കുക.

ബന്ധങ്ങള്‍ ബന്ധനങ്ങളാകാതിരിക്കാന്‍ ഇത്തരം കാര്യങ്ങള്‍ മനസില്‍ വയ്ക്കുന്നത് നന്നായിരിക്കും.

മുന്‍ പേജില്‍