പ്രണയത്തെ തിരിച്ചു വിളിക്കാം

Relationship

oi-Saritha

By Veena

Published: Wednesday, April 4, 2012, 16:53 [IST]

പ്രണയം അവസാനിച്ചുവെന്ന് ഓര്‍ത്ത് തകര്‍ന്നുപോകേണ്ട. ആത്മാര്‍ത്ഥമായി ആഗ്രഹിക്കുന്നുവെങ്കില്‍ നിങ്ങളുടെ ഗേള്‍ഫ്രണ്ടിന്റെ സ്‌നേഹം തിരിച്ചു നേടാവുന്നതേയുള്ളൂ.

ആദ്യമായി അകല്‍ച്ചക്കുള്ള കാരണം കണ്ടുപിടിക്കണം. ഇതറിഞ്ഞാല്‍ കാര്യങ്ങള്‍ എളുപ്പം. നിങ്ങളുടെ ഭാഗത്തു നിന്നുള്ള തെറ്റാണ് ഇതിന് കാരണമെങ്കില്‍ ഈ തെറ്റു പരിഹരിച്ച് മുന്നോട്ടു പോകാവുന്നതേയുള്ളൂ. വലിയ തെറ്റാണെങ്കില്‍ ഗേള്‍ഫ്രണ്ടിനോട് ക്ഷമ പറയാനും മടിക്കേണ്ട.

ഗേള്‍ഫ്രണ്ട് തനിക്ക് എത്രത്തോളം പ്രധാനിയാണെന്ന് പറഞ്ഞു മനസിലാക്കുക. അവളില്ലാതെ ജീവിക്കാനാവില്ലെന്ന ആത്മാര്‍ത്ഥമായ ഓര്‍മപ്പെടുത്തല്‍ ഉണ്ടാകണം.

കാമുകിയോട് ദേഷ്യപ്പെടുന്നത് ഒരിക്കലും ഒരു പരിഹാര മാര്‍ഗമല്ല. ഇത് അവളെ കൂടുതല്‍ അകറ്റാനേ ഉപകരിക്കൂ. ക്ഷമയോടെ കാര്യങ്ങള്‍ പറഞ്ഞു മനസിലാക്കാന്‍ ശ്രമിക്കണം. സ്വന്തം ഭാഗത്താണ് തെറ്റെങ്കില്‍ സ്വയം തിരുത്തുക. ഗേള്‍ഫ്രണ്ടിന്റെ ഭാഗത്താണ് തെറ്റെങ്കില്‍ പറഞ്ഞു മനസിലാക്കാന്‍ ശ്രമിക്കുക. കേള്‍ക്കാന്‍ അവള്‍ തയ്യാറല്ലെങ്കില്‍ വീണ്ടും അതാവര്‍ത്തിച്ച് രംഗം വഷളാക്കേണ്ട.

നിങ്ങളുടെ സ്‌നേഹം ഗേള്‍ഫ്രണ്ടിനെ ബോധ്യപ്പെടുത്തിക്കൊടുക്കാന്‍ ആത്മാര്‍ത്ഥമായ ശ്രമം നടത്തണം. ഈ സ്‌നേഹം നഷ്ടപ്പെടുത്തുന്നത് വലിയ നഷ്ടമാകുമെന്ന തോന്നല്‍ അവള്‍ക്കുണ്ടാവുകയും വേണം.

എന്തു കൊണ്ടാണ് ഗേള്‍ഫ്രണ്ട് നിങ്ങളില്‍ നിന്ന് അകന്നു പോകാനുള്ള കാരണമെന്നു കണ്ടെത്തിയാല്‍ കാര്യങ്ങള്‍ കുറച്ചു കൂടി എളുപ്പമാകും. തെറ്റ് ആരുടെ ഭാഗത്താണെന്ന് തിരിച്ചറിയാനും സാധിക്കും. കാമുകിയുടെ ഭാഗത്താണ് തെറ്റെങ്കില്‍ ഇത് ക്ഷമിച്ചു കൊടുക്കുക. പ്രശ്‌നത്തിന് ക്ഷമയിലൂടെ പരിഹാരം കണ്ടെത്താനും സഹായിക്കും.

മുന്‍ പേജില്‍