സച്ചിന്റെ സെഞ്ച്വറിക്കെന്തു വില?

Relationship

oi-Saritha

By Veena

Updated: Friday, September 12, 2014, 16:01 [IST]

സംസാരിക്കുമ്പോള്‍ മുന്നിലിരിക്കുന്ന പെണ്‍കുട്ടിക്കു കൂടി താല്‍പര്യമുള്ള വിഷയങ്ങള്‍ തെരഞ്ഞെടുക്കാന്‍ ശ്രദ്ധിക്കണം. ക്രിക്കറ്റിന്റെ എബിസിഡി അറിയാത്ത പെണ്‍കുട്ടിയോട് സച്ചിന്റെ 100-ാം സെഞ്ച്വറിയെക്കുറിച്ചും ധോണിയടിച്ച സിക്‌സറിന്റെ ഉയരത്തെ കുറിച്ചും സംസാരിച്ചിട്ട് എന്തു ഗുണം?

പെണ്‍കുട്ടികള്‍ പൊതുവെ പ്രശംസ ഇഷ്ടപ്പെടുന്നവരാണ്. ഇങ്ങനെയാണെങ്കില്‍ അനാവശ്യമായ പ്രശംസ സംസാരത്തില്‍ വേണ്ട. നല്ല കാര്യങ്ങളെ വേണ്ട രീതിയില്‍ പ്രശംസിക്കുക. അമിതപ്രശംസ അവരില്‍ നിങ്ങളുടെ ആത്മാര്‍ത്ഥയെ പറ്റിയുള്ള സംശയങ്ങള്‍ വളര്‍ത്തും.

സംസാരത്തില്‍ മാത്രമല്ലാ, സംസാരരീതിയിലും കാര്യമുണ്ട്. മുഖത്തു നോക്കി സംസാരിക്കുക. നല്ലൊരു വ്യക്തിത്വത്തില്‍ ഇത് പ്രധാനം. പറയുന്ന കാര്യങ്ങള്‍ ഉറച്ചു പറയുക. ഇത് ആത്മവിശ്വാസത്തിന്റെ ലക്ഷണം. ആത്മവിശ്വാസമില്ലാത്ത ആണിനോട് ഒരു പെണ്‍കുട്ടിയ്ക്കും മതിപ്പു തോന്നില്ല.

പെണ്‍കുട്ടികളോട് സംസാരിക്കുമ്പോള്‍ ഇത്തരം ചെറിയ 'വലിയ' കാര്യങ്ങളില്‍ ശ്രദ്ധ വയ്ക്കൂ. നല്ല അഭിപ്രായം ആര്‍ക്കും നേടാം.

പെണ്‍കുട്ടികളോട് സംസാരിക്കാന്‍ പഠിക്കൂ