ബോയ്ഫ്രണ്ടിനോട് പറയരുതാത്ത ചിലത്

Published: Tuesday, April 3, 2012, 13:14 [IST]

എല്ലാ ബന്ധങ്ങൡലും പറയാനാവുന്നതും പറയരുതാത്തതുമായ ധാരാളം കാര്യങ്ങളുണ്ടാകും. ഒരു ബന്ധം നിലനിന്നു പോകാന്‍ പലപ്പോഴും ഇത്തരം അരുതുകള്‍ പ്രധാനമാകുകയും ചെയ്യും.

പ്രണയബന്ധത്തില്‍ ഇത്തരം അരുതുകള്‍ ധാരാളം. ചില കാര്യങ്ങള്‍ പറഞ്ഞാല്‍ അത് അറിയാതെയെങ്കിലും ബന്ധത്തില്‍ വിള്ളലുകള്‍ സൃഷ്ടിക്കും.

ബോയ്ഫ്രണ്ടിന്റെ കാര്യം തന്നെ എടുക്കാം. ഒരു ബോയ്ഫ്രണ്ട് അഥവാ കാമുകനോട് പറയരുതാത്ത ചില കാര്യങ്ങളുണ്ട്. ഇവ അറിഞ്ഞിരിക്കുന്നത് നല്ല ബന്ധത്തിന് നിങ്ങളറിയാതെ തന്നെ ഗുണം ചെയ്യും.

മുന്‍കാമുകനെ പറ്റി ഇപ്പോഴത്തെ ബോയ്ഫ്രണ്ടിനോട് പറയാതിരിക്കുന്നതാണ് ഭംഗി. എത്ര വിശാലമനസ്‌കനെന്ന് ഭാവിച്ചാലും ഒരു പുരുഷനും കേള്‍ക്കാന്‍ ഇഷ്ടപ്പെടാത്ത കാര്യമാണിത്. ഇത്ിന് പുറകില്‍ പ്രത്യേക കാരണമൊന്നും വേണമെന്നില്ല. വെറും മനശാസ്ത്രപരമായ കാര്യം മാത്രം. പ്രണയത്തിന്റെ കാര്യത്തില്‍ സ്ത്രീയാണെങ്കിലും പുരുഷനാണെങ്കിലും സ്വാര്‍ത്ഥത കാണിക്കുന്നത് സ്വാഭാവികം.

മുന്‍ ബോയ്ഫ്രണ്ടുമായി ഇപ്പോഴുള്ള ആളെ താരതമ്യം ചെയ്യരുത്. പ്രത്യേകിച്ച് ഇപ്പോഴത്തെ ബോയ്ഫ്രണ്ടിന് മുന്നില്‍ വച്ച്. ഇത് അയാളെ വെറുപ്പിക്കാന്‍ ഇട വരുത്തും. മാത്രമല്ലാ, നിങ്ങളുടെ മനസില്‍ തന്നെ ഇത് അകാരണമായ അസ്വാസ്ഥ്യത്തിനും വഴി വയ്ക്കും. മുന്‍കാമുകന് ഗുണങ്ങള്‍ കൂടുതലാണെന്ന് തോന്നിയാലോ, മനസ് അസ്വസ്ഥമാവുകയും നഷ്ടബോധം തോന്നുകയും ചെയ്യും. ഇപ്പോഴുള്ള ബന്ധത്തിന് ഇത് ദോഷം ചെയ്യും.

അടുത്ത പേജില്‍