വൈകാരിക ക്ഷോഭം അടക്കുക

Relationship

oi-Saritha

By Veena

Published: Monday, March 26, 2012, 15:58 [IST]

പ്രണയിക്കുന്നവര്‍ തമ്മില്‍ ഇടയ്ക്കിടെ വഴക്കുകളുണ്ടാകുന്നതും സാധാരണം. നിയന്ത്രണം പാലിച്ചില്ലെങ്കില്‍ പരസ്പരം അകലാനും ഇത് ഇടയാക്കും. അതുകൊണ്ടു തന്നെ വൈകാരികക്ഷോഭങ്ങള്‍ നിയന്ത്രിക്കുന്നതും പ്രധാനം.

ഇരുവരും തമ്മില്‍ വഴക്കുണ്ടാകുമ്പോള്‍ ആരെങ്കിലും ഒരു കൂട്ടര്‍ നിശബ്ദമായിരിക്കുന്നതായിരിക്കും നല്ലത്. മറ്റേയാളുടെ കോപവും താനെ ശമിച്ചോളും. പരസ്പരം തര്‍ക്കിച്ചുകൊണ്ടിരുന്നാല്‍ രംഗവും ബന്ധവും കൂടുതല്‍ വഷളാവുകയേയുള്ളൂ.

നിങ്ങള്‍ക്ക് കോപം നിയന്ത്രിക്കാനാകുന്നില്ലെങ്കില്‍ അവിടെ നിന്നും പോയി തനിച്ചിരിക്കുകയോ നടക്കുകയോ ചെയ്യുക. അല്‍പനേരം ഒറ്റയ്ക്കിരുന്നാലോ അല്ലെങ്കില്‍ ഏതെങ്കിലും തിരക്കുകള്‍ക്കുള്ളില്‍ നടന്നാലോ മനസ് ശാന്തമാകും.

പാട്ടു കേള്‍ക്കുകയോ അല്‍പനേരം കണ്ണടച്ചിരിക്കുകയോ ചെയ്യാം. ഒറ്റയ്ക്കിരിക്കുന്നതായിരിക്കും ചിലര്‍ക്ക് വൈകാരികക്ഷോഭം അടക്കാനുള്ള വഴി. മറ്റു ചിലര്‍ക്കാവട്ടെ, തിരക്കുകകളില്‍ പെടുന്നതും. ഇതിന് അനുയോജ്യമായ സാഹചര്യങ്ങള്‍ ഉണ്ടാക്കാം. ദേഷ്യമടങ്ങാതെ പങ്കാളിയ്ക്കടുത്തേക്കു പോകരുത്.

നിങ്ങളുടെ ഗേള്‍ഫ്രണ്ടില്‍ നിന്നും അനാവശ്യമായ ദേഷ്യവും പ്രതികരണവുമുണ്ടായാല്‍ അല്‍പനേരം അവളെ തനിയെ വിടുക. പിന്നീട് ചെന്നുകണ്ട് കാര്യങ്ങള്‍ പറഞ്ഞ് മനസിലാക്കിക്കൊടുക്കാം.

ദേഷ്യത്തിലും കോപത്തിനുമല്ലാ, മറിച്ച് ക്ഷമയ്ക്കാണ് കൂടുതല്‍ വിലയെന്ന് മനസിനെ പറഞ്ഞ് മനസിലാക്കുക. മറുഭാഗത്തു നിന്ന് എന്തൊക്കെ മോശമായ പ്രതികരണമുണ്ടായാലും തന്റെ മാന്യത കാത്തു സൂക്ഷിക്കുമെന്ന് ഉറപ്പിക്കുക.

ക്ഷമയും കാര്യങ്ങള്‍ മനസിലാക്കാനുള്ള മനസും മറ്റെന്തിനേക്കാളും ഒരു ബന്ധം കാത്തുസൂക്ഷിക്കാന്‍ ഗുണം ചെയ്യുമെന്ന് അറിയുക.