നാവില്‍ നിന്ന് രുചി മായില്ല: അത്ര ടേസ്റ്റില്‍ മത്തി മസാല

മത്തി ആരോഗ്യത്തിന് വളരെയധികം സഹായിക്കുന്നതാണ് എന്ന് നമുക്കറിയാം. അതുപോലെ തന്നെ ആരോഗ്യ പ്രശ്‌നങ്ങളില്‍ പലതിനേയും നിസ്സാരമായി ഇല്ലാതാക്കുന്നതാണ് മത്തി മസാല എന്നും നമുക്കറിയാം. പലപ്പോഴും കൊളസ്‌ട്രോള്‍ പോലുള്ള പ്രശ്‌നങ്ങള്‍ക്ക് പരിഹാരം കാണുന്നതിന് മത്തി മികച്ചതാണ്. എന്നാല്‍ മത്തി ഉപയോഗിക്കുമ്പോള്‍ അതെപ്പോഴും വെറൈറ്റി ടേസ്റ്റില്‍ എങ്ങനെ ഉപയോഗിക്കാം എന്നതിനെക്കുറിച്ച് പലര്‍ക്കും അറിയില്ല. നല്ലൊരു മത്തി മസാല നമുക്ക് തയ്യാറാക്കാം, എങ്ങനെയെന്ന് നോക്കാം.

ആവശ്യമുള്ള ചേരുവകള്‍:
മത്തി- അരക്കിലോ
മുളക് പൊടി- ഒരു ടേബിള്‍ സ്പൂണ്‍
മല്ലിപ്പൊടി - രണ്ട് ടേബിള്‍ സ്പൂണ്‍
മഞ്ഞള്‍പ്പൊടി- അര ടേബിള്‍ സ്പൂണ്‍
ഉപ്പ് - ആവശ്യത്തിന്
ചെറിയ ഉള്ളി - ഒരു പിടി(ചെറുതായി അരിഞ്ഞത്)
വെളുത്തുള്ളി - ഒരു തുടം (ചെറുതായി അരിഞ്ഞത്)
വെളിച്ചെണ്ണ- വറുക്കാന്‍ പാകത്തിന്

തയ്യാറാക്കുന്ന വിധം:
മത്തി മുളക് പൊടിയും, മല്ലിപ്പൊടിയും മഞ്ഞള്‍പ്പൊടിയും പാകത്തിന് ഉപ്പും മിക്‌സ് ചെയ്ത് പുരട്ടി വെക്കണം. അല്‍പം മസാല ബാക്കി വെക്കുന്നതിന് ശ്രദ്ധിക്കണം. അല്‍പം നേരം കഴിഞ്ഞ് മത്തി അല്‍പം വെളിച്ചെണ്ണയില്‍ വറുത്തെടുക്കണം. പിന്നീട് ബാക്കി വന്ന എണ്ണയില്‍ ചെറിയ ഉള്ളി അരിഞ്ഞതും വെളുത്തുള്ളിയും കറിവേപ്പിലയും വഴറ്റിയെടുക്കണം. ശേഷം ഇതിലേക്ക് ബാക്കി വെച്ച മസാലക്കൂട്ട് കൂടി ചേര്‍ത്ത് നല്ലതുപോലെ ഇളക്കണം. പിന്നീട് മത്തി വറുത്തതും ചേര്‍ത്ത് ഇളക്ക് വാങ്ങി വെക്കാവുന്നതാണ്. നല്ല ികിടിലന്‍ ടേസ്റ്റില്‍ മത്തി മസാല റെഡി.