പൊങ്കല്‍ ആഘോഷത്തിന് കാര പൊങ്കല്‍

തമിഴ്‌നാട്ടിലെ പൊങ്കല്‍ ആഘോഷത്തിന് കാര പൊങ്കല്‍ ഒരു പ്രധാന വിഭവമാണ്.

ചെറുപയര്‍ പരിപ്പും അരിയും ഉപയോഗിച്ചുണ്ടാക്കുന്ന ഈ വിഭവം എങ്ങനെ തയ്യാറാക്കാമെന്നു നോക്കൂ.

ചെറുപയര്‍ പരിപ്പ്-1 കപ്പ്
അരി-1 കപ്പ്
കശുവണ്ടിപ്പരിപ്പ്-10
ജീരകം -1 ടീസ്പൂണ്‍
കുരുമുളകുപൊടി-1 ടീസ്പൂണ്‍
മഞ്ഞള്‍പ്പൊടി-അര ടീസ്പൂണ്‍
പച്ചമുളക്-4
നാളികേരം ചിരകിയത്-1 ടീസ്പൂണ്‍
ഉപ്പ്-
വെള്ളം

അരിയും ചെറുപയര്‍ പരിപ്പും വെവ്വേറെ കഴുകി വയ്ക്കുക. ഒരു കുക്കറില്‍ എണ്ണ ചൂടാക്കി കശുവണ്ടിപ്പരിപ്പ് വറുത്തെടുക്കുക. ഇത് മാറ്റി വയ്ക്കണം. എണ്ണയില്‍ കടുക്, ജീരകം എന്നിവ പൊട്ടിയ്ക്കണം. ഇതിലേക്ക് പച്ചമുളകിട്ട് നല്ലപോലെ വഴറ്റുക.

ഈ കൂട്ടിലേക്ക് ചെറുപയര്‍ പരിപ്പും ചേര്‍ക്കണം. ഇത് നല്ലപോലെ ഇളക്കി അരിയും പാകത്തിന് വെള്ളവും ചേര്‍ക്കുക. ഇതിലേക്ക് തേങ്ങ ചിരകിയത്, മഞ്ഞള്‍പ്പൊടി എന്നിവ ചേര്‍ത്തിളക്കുക. കുക്കറില്‍ ഇത് വേവിച്ചെടുക്കണം.

വേവിച്ച പൊങ്കലിലേക്ക് കുരുമുളകുപൊടി, വറുത്ത കശുവണ്ടിപ്പരിപ്പ് എന്നിവ ചേര്‍ക്കാം.