കുമ്പളങ്ങ ഓലന്‍

Recipes

oi-Saritha

Posted By: Veena

Updated: Monday, August 27, 2012, 12:35 [IST]

ഓലന്‍ ഓണവിഭവങ്ങളില്‍ വളരെ പ്രധാനമാണ്. പലയിടങ്ങളിലും പല തരത്തിലാണ് ഓലനുണ്ടാക്കുന്നത്. മത്തങ്ങയും പയറും കൊണ്ട് ചിലയിടങ്ങളില്‍ ഇതൊരുക്കും. കുമ്പളങ്ങ മാത്രം ഉപയോഗിച്ച് ഓലന്‍ തയ്യാറാക്കുന്ന രീതിയുമുണ്ട്.

കുമ്പളങ്ങയും നാളികേരപ്പാലുമുപയോഗിച്ച് ഓലന്‍ എങ്ങനെ തയ്യാറാക്കാമെന്നു നോക്കൂ.

കുമ്പളങ്ങ-1 കപ്പ്
നാളികേരപ്പാല്‍- 1 കപ്പ് (രണ്ടാംപാലും ഒന്നാംപാലും വേണം)
പച്ചമുളക്-3
കറിവേപ്പില
പച്ചവെളിച്ചെണ്ണ
ഉപ്പ

കുമ്പളങ്ങ കനം കുറച്ച് ഇടത്തരം വലിപ്പത്തില്‍ ചതുരമാക്കി അരിയണം.

ഇതിലേക്ക് അല്‍പം വെള്ളം, ഉപ്പ്, പച്ചമുളക് എന്നിവ ചേര്‍ത്ത് വേവിയ്ക്കുക. വെള്ളം വറ്റുമ്പോള്‍ നാളികേരത്തിന്റെ രണ്ടാംപാല്‍ ചേര്‍ക്കണം. ഇളംതീയില്‍ ഇത് ഒരുവിധം വറ്റിച്ചെടുക്കുക.

പിന്നീട് രണ്ടാംപാല്‍ ചേര്‍ക്കണം. ഇത് ഒന്നുതിളച്ചു കഴിയുമ്പോള്‍ വാങ്ങി വച്ച് കറിവേപ്പിലയും പച്ചവെളിച്ചെണ്ണയും ചേര്‍ക്കണം.

ഓണസദ്യയ്ക്കു വിളമ്പാന്‍ കുമ്പളങ്ങ കൊണ്ടുണ്ടാക്കിയ ഓലന്‍ തയ്യാര്‍.