രോഗപ്രതിരോധ ശേഷിയുണ്ടെങ്കിലും ഷിംഗിള്‍സ് ഗര്‍ഭിണികളെ ബാധിക്കും: ശ്രദ്ധിക്കണം

ഗര്‍ഭകാലത്ത് ഇല്ലാത്ത പല രോഗങ്ങളും നമ്മളെ ബാധിക്കുന്നുണ്ട്. എന്നാല്‍ ഇത് എപ്രകാരമാണ് ലക്ഷണങ്ങള്‍ പ്രകടമാക്കുന്നത് എന്ന കാര്യത്തില്‍ പലപ്പോഴും നമ്മള്‍ ശ്രദ്ധിക്കുന്നില്ല. എന്നാല്‍ ഷിംഗിള്‍സ് എന്ന വാക്ക് നമ്മളില്‍ പലരും കേട്ടിട്ടുണ്ടെങ്കിലും ഇത് എപ്രകാരം നിങ്ങളുടെ ആരോഗ്യത്തെ ബാധിക്കുന്നു എന്നതിനെക്കുറിച്ച് പലര്‍ക്കും അറിയില്ല. നിങ്ങളില്‍ രോഗപ്രതിരോധ ശേഷി ഉണ്ടെങ്കിലും പലപ്പോഴും ഷിംഗിള്‍സ് എന്ന രോഗാവസ്ഥ ബാധിക്കുന്നു. ഗര്‍ഭകാലത്ത് പല സ്ത്രീകളിലും ഇത്തരം ഒരു രോഗാവസ്ഥ വര്‍ദ്ധിപ്പിക്കും. ഷിംഗിള്‍സ് ലക്ഷണങ്ങളെക്കുറിച്ചും ഇത് എപ്രകാരം ഗര്‍ഭകാലത്ത് നിങ്ങളുടെ ആരോഗ്യത്തെ ബാധിക്കുന്നുവെന്നും നമുക്ക് നോക്കാം.

ഷിംഗിള്‍സ് ലക്ഷണങ്ങള്‍
ഒരു ചുവന്ന ചുണങ്ങ് ആണ് ആദ്യത്തെ ലക്ഷണമായി കണക്കാക്കുന്നത്. ഷിംഗിള്‍സ് എന്നത് നിങ്ങളെ ബാധിക്കുന്ന അണുബാധയായി കണക്കാക്കുന്ന ഒരു രോഗാവസ്ഥയാണ്. ഇത് ശരീരത്തില്‍ പലപ്പോഴും മുഖത്തോ പുറകിലോ ശരീരത്തിലോ ഒരു ചെറിയ ഭാഗത്തോ ആണ് പ്രത്യക്ഷപ്പെടുന്നത്. ചുണങ്ങു നിറത്തിലുള്ള ഈ കുമിളകള്‍ക്കുള്ളില്‍ ദ്രാവകം നിറഞ്ഞിരിക്കുന്നു. ഇത് നിങ്ങളുടെ ശരീരത്തില്‍ ചൊറിച്ചില്‍, പൊള്ളല്‍, അല്ലെങ്കില്‍ വേദന എന്നിവ ഉണ്ടാക്കുന്നു. രോഗാവസ്ഥ പ്രത്യക്ഷപ്പെടുന്നതിന് മുന്‍പ് ശരീരത്തില്‍ മരവിപ്പ്, ഇക്കിളി, ചൊറിച്ചില്‍ എന്നിവ കൂടുതലാവുന്നു.

മറ്റ് ലക്ഷണങ്ങള്‍
എന്നാല്‍ മുകളില്‍ പറഞ്ഞ ലക്ഷണങ്ങള്‍ കൂടാതെ നിങ്ങള്‍ക്ക് നാഡി വേദന, പ്രകാശത്തോടുള്ള സംവേദനക്ഷമത, ക്ഷീണം, തലവേദന, തണുപ്പ്, വയറുവേദന, പനി എന്നിവയുണ്ടാവുന്നു. പൊതുവേ ഈ ലക്ഷണങ്ങളെ കൈകാര്യം ചെയ്യുന്നത് അസുഖകരമാണെങ്കിലും അല്‍പം ശ്രദ്ധ വേണം. എന്നാല്‍ ഒരിക്കലും കുഞ്ഞിന് ഷിംഗിള്‍സ് അണുബാധ ഗര്‍ഭാവസ്ഥയില്‍ ബാധിക്കുന്നില്ല. നിങ്ങള്‍ വാക്‌സിനേഷന്‍ എടുക്കാത്തവരും വൈറസിനെതിരെ പ്രതിരോധശേഷി ഇല്ലാത്തവരുമാണെങ്കില്‍ ഗര്‍ഭാവസ്ഥയില്‍ ഇത്തരം അവസ്ഥകള്‍ കുഞ്ഞിനേയും ബാധിക്കുന്നു.

കാരണങ്ങള്‍
ചിക്കന്‍പോക്സിന് കാരണമാകുന്ന അതേ വൈറസായ വാരിസെല്ല-സോസ്റ്റര്‍ വൈറസ് (VZV) മൂലമുണ്ടാകുന്ന അണുബാധയാണ് ഷിംഗിള്‍സ്. മുന്‍പ് ചിക്കന്‍പോക്‌സ് വന്നവരില്‍ ഇത്തരം വൈറസുകള്‍ ഉറങ്ങിക്കിടക്കുന്നു. എന്നാല്‍ പുറമേ നിങ്ങള്‍ക്ക് ഇനി ചിക്കന്‍പോക്സിന്റെ ലക്ഷണങ്ങളൊന്നും കാണിക്കുകയില്ല. പക്ഷേ പിന്നീട് ഈ അവസ്ഥ നിങ്ങളില്‍ പ്രശ്‌നമുണ്ടാക്കുന്നു. കാരണം പിന്നീട് ഇത്തരം ഷിംഗിള്‍സ് സജീവമായി മാറുന്നു. ഇത് നിങ്ങളുടെ ഗര്‍ഭകാലത്ത് രോഗാവസ്ഥ പ്രത്യക്ഷപ്പെടുന്നതിന് കാരണമാകുന്നു. എന്നാല്‍ ചിക്കന്‍പോക്‌സ് ഇല്ലാത്ത ഒരു വ്യക്തിക്ക് ഷിംഗിള്‍സ് രൂപപ്പെടാന്‍ സാധ്യത കുറവാണ്.

രോഗനിര്‍ണയം
നിങ്ങളുടെ ഡോക്ടര്‍ക്ക് ഷിംഗിള്‍സിന്റെ ഒരു കേസ് തിരിച്ചറിയാന്‍ വളരെ പെട്ടെന്ന് സാധിക്കുന്നു. പലപ്പോഴും നിങ്ങള്‍ക്ക് മുമ്പ് ചിക്കന്‍പോക്സ് ബാധിച്ചിട്ടുണ്ടെങ്കില്‍ പലപ്പോഴും രോഗനിര്‍ണയം വളരെ പെട്ടെന്ന് സാധിക്കുന്നു. ഇത് കൂടാതെ ചില ലക്ഷണങ്ങള്‍ അല്‍പം കൂടുതല്‍ ശ്രദ്ധിക്കേണ്ടതാണ്. ഷിംഗിള്‍സിന്റെ മിക്ക കേസുകളും രണ്ടോ നാലോ ആഴ്ചകള്‍ക്കുള്ളില്‍ പരിഹരിക്കപ്പെടും. പലപ്പോഴും ആദ്യത്തെ ദിവസങ്ങള്‍ രോഗാവസ്ഥ ആരംഭിച്ച് കഴിഞ്ഞാല്‍ പിന്നീട് ഇത് ഓരോ ദിവസം ചെല്ലുന്തോറും വളരെയധികം ശ്രദ്ധിക്കണം. സാധാരണയായി 7 മുതല്‍ 10 ദിവസം വരെ രോഗാവസ്ഥക്ക് പരിഹാരം കാണാന്‍ എടുക്കുന്നു.

ശ്രദ്ധിക്കേണ്ടത്
നിങ്ങള്‍ക്ക് രോഗാവസ്ഥ ബാധിച്ച് കഴിഞ്ഞാല്‍ പലപ്പോഴും മുകളില്‍ പറഞ്ഞ സമയം എടുക്കുന്നു. അണുബാധ പരിഹരിച്ചതിന് ശേഷവും നിങ്ങള്‍ക്ക് ചുണങ്ങു ഉണ്ടായ സ്ഥലത്ത് ചെറിയ രീതിയില്‍ നാഡി വേദന അനുഭവപ്പെടാം. നിങ്ങള്‍ക്ക് സെന്‍സിറ്റീവ് ചര്‍മ്മമുണ്ടെങ്കില്‍ പലപ്പോഴും അത് നിങ്ങളുടെ ആരോഗ്യത്തെയും ചര്‍മ്മത്തേയും ബാധിക്കാം. ഒരു കാരണവശാലും ഡോക്ടറെ കാണുന്നതിന് മടിക്കേണ്ടതില്ല. കാരണം ഇത് പെട്ടെന്ന് മറ്റൊരാളിലേക്ക് പകരുന്നതിനുള്ള സാധ്യത വളരെ കൂടുതലാണ്. അതുകൊണ്ട് തന്നെ ഓരോ ഘട്ടവും വളരെയധികം ശ്രദ്ധിക്കണം. ഇതില്‍ തന്നെ നിങ്ങളുടെ കണ്ണുകള്‍ക്കും ചെവിക്കും സമീപമുള്ള കുമിളകള്‍ നിങ്ങളുടെ കാഴ്ചയ്ക്കും കേള്‍വിക്കും ചിലപ്പോള്‍ കേടുപാടുകള്‍ വരുത്തുന്നു.