സമ്മര്‍ദ്ദം ഗര്‍ഭത്തിന് വില്ലന്‍; അറിഞ്ഞിരിക്കണം ഇതെല്ലാം

സമ്മര്‍ദ്ദം ഗര്‍ഭധാരണത്തെ എങ്ങനെ ബാധിക്കുന്നു?

ഗര്‍ഭധാരണത്തിന് വെല്ലുവിളി ഉയര്‍ത്തുന്ന അവസ്ഥകള്‍ പലപ്പോഴും അറിഞ്ഞിരിക്കേണ്ടതാണ്. ഇതില്‍ സമ്മര്‍ദ്ദത്തിനുള്ള പ്രാധാന്യം വളരെയധികം ശ്രദ്ധിക്കണം. സമ്മര്‍ദ്ദവും വന്ധ്യതയും നേരിട്ട് ബന്ധപ്പെട്ടിട്ടില്ലെങ്കിലും, വിഷാദം, ഉത്കണ്ഠ, സമ്മര്‍ദ്ദം, വന്ധ്യത എന്നിവ തമ്മില്‍ ബന്ധമുണ്ടെന്ന് വിപുലമായ ഗവേഷണങ്ങള്‍ വെളിപ്പെടുത്തുന്നു. ദമ്പതികള്‍ ഗര്‍ഭം ധരിക്കാന്‍ ശ്രമിക്കുമ്പോള്‍ അത് പരാജയപ്പെടുന്നത് പലപ്പോഴും അവരുടെ ശാരീരികവും വൈകാരികവുമായ സമ്മര്‍ദ്ദം വര്‍ദ്ധിപ്പിക്കുന്നു.

സമ്മര്‍ദ്ദവും ഗര്‍ഭധാരണവും

ഈ ഡിജിറ്റല്‍ കാലഘട്ടത്തില്‍, നിങ്ങള്‍ എളുപ്പത്തില്‍ സമ്മര്‍ദ്ദത്തിലാകാന്‍ സാധ്യതയുണ്ട്. പൊതുവേ, സമ്മര്‍ദ്ദം നിങ്ങളുടെ ആരോഗ്യത്തെ അസ്വസ്ഥമാക്കുകയും ഗര്‍ഭധാരണത്തെ ബാധിക്കുകയും ചെയ്യും. സമ്മര്‍ദ്ദം ഗര്‍ഭധാരണത്തെ തടസ്സപ്പെടുത്തുന്ന അവസ്ഥയിലേക്ക് പലപ്പോഴും കാര്യങ്ങള്‍ എത്തുന്നുണ്ട്. കാരണം ഇത് ഹൈപ്പോതലാമസിന്റെ പ്രവര്‍ത്തനത്തെ തടസ്സപ്പെടുത്തുന്നു. തലച്ചോറിന്റെ മധ്യഭാഗത്തുള്ള ഒരു ഗ്രന്ഥിയാണ് ഹൈപ്പോതലാമസ്, അത് നിങ്ങളുടെ വികാരങ്ങളെ നിയന്ത്രിക്കുകയും അണ്ഡാശയത്തില്‍ നിന്ന് അണ്ഡം പുറത്ത് വിടാന്‍ സഹായിക്കുന്ന ഹോര്‍മോണുകളെ നിയന്ത്രിക്കുകയും ചെയ്യുന്നു.

സമ്മര്‍ദ്ദവും ഗര്‍ഭധാരണവും

നിങ്ങളുടെ അണ്ഡോത്പാദനത്തെ അടിസ്ഥാനമാക്കിയുള്ള ദിവസങ്ങളില്‍ നിങ്ങള്‍ ലൈംഗിക ബന്ധത്തില്‍ ഏര്‍പ്പെടാന്‍ പദ്ധതിയിടുകയാണെങ്കില്‍, ഈ കാലയളവില്‍ ഗര്‍ഭം ധരിക്കാനുള്ള സാധ്യത നിങ്ങള്‍ക്ക് നഷ്ടപ്പെട്ടേക്കാം. അതിനാല്‍, സമ്മര്‍ദ്ദം അണ്ഡോത്പാദനത്തെ ബാധിക്കുന്നു, പക്ഷേ ഇത് ഗര്‍ഭിണിയാകുന്നത് തടയുന്നില്ല. അതുകൊണ്ട് തന്നെ ഇത്തരം കാര്യങ്ങള്‍ അല്‍പം ശ്രദ്ധിക്കേതാണ്. ഇത്തരം അവസ്ഥയില്‍ നിങ്ങള്‍ അറിഞ്ഞിരിക്കേണ്ടത് സമ്മര്‍ദ്ദമില്ലാതെ ഇരിക്കുക എന്നുള്ളത് തന്നെയാണ്.

സമ്മര്‍ദ്ദവും ഗര്‍ഭധാരണവും

സ്‌ട്രെസ് സമ്മര്‍ദ്ദവുമായി ബന്ധപ്പെട്ട ഹോര്‍മോണുകളായ അഡ്രിനാലിന്‍, കോര്‍ട്ടിസോള്‍, കാറ്റെകോളമൈന്‍സ് എന്നിവയുടെ അളവ് വര്‍ദ്ധിപ്പിക്കുന്നു. ഈ ഹോര്‍മോണുകള്‍ക്ക് ഹൈപ്പോതലാമസില്‍ GnRH (ഗോണഡോട്രോപിന്‍-റിലീസ് ഹോര്‍മോണ്‍) റിലീസ് ചെയ്യുന്നത് തടയാന്‍ കഴിയും, ഇത് ലൈംഗിക ഹോര്‍മോണുകളെ ബാധിക്കുന്നു. ഇത് പുരുഷന്മാരിലെ ബീജങ്ങളുടെ എണ്ണവും കുറച്ചേക്കാം. ഇതിലൂടെ പലപ്പോഴും ഗര്‍ഭധാരണത്തിന് തടസ്സങ്ങള്‍ നേരിടേണ്ട അവസ്ഥയുണ്ടായേക്കാം.

ശരീരം സമ്മര്‍ദ്ദത്തിലെങ്കില്‍

നിങ്ങളുടെ ശരീരം സമ്മര്‍ദ്ദത്തിലാകുമ്പോള്‍, അത് ഒരു പ്രതിരോധ അവസ്ഥയിലേക്ക് നിങ്ങളുടെ ശരീരത്തെ എത്തിക്കുകയും ശരീരം ഈ സമ്മര്‍ദ്ദത്തോട് പ്രതികരിക്കാന്‍ തുടങ്ങുകയും വര്‍ദ്ധിച്ച അളവിലുള്ള ഹോര്‍മോണുകള്‍ പുറത്തുവിടുകയും ചെയ്യുന്നു. ഈ അവസ്ഥയില്‍ പലപ്പോഴും കഠിനമായ വ്യായാമം പോലുള്ള ശാരീരിക സമ്മര്‍ദ്ദം സ്ത്രീകളിലെ ആര്‍ത്തവചക്രത്തെയും ഗര്‍ഭധാരണത്തെയും ബാധിക്കും. ഇത് പുരുഷന്മാരിലെ ഫെര്‍ട്ടിലിറ്റിയെയും ബാധിക്കും. അതിനാല്‍, സമ്മര്‍ദ്ദത്തിന്റെ അളവ് കൂടുമ്പോള്‍, ഗര്‍ഭിണിയാകുന്നത് വെല്ലുവിളി നിറഞ്ഞതും ബുദ്ധിമുട്ടുള്ളതുമാണ്. അതുകൊണ്ട് ഇത്തരം കാര്യങ്ങളും വളരെയധികം ശ്രദ്ധിക്കണം.

സമ്മര്‍ദ്ദം കുറയ്ക്കുന്നതിന് ശ്രദ്ധിക്കേണ്ടത്

ഗര്‍ഭം ധരിക്കുന്നതില്‍ നിങ്ങള്‍ക്ക് ബുദ്ധിമുട്ടുകള്‍ അനുഭവപ്പെടുകയും ഗര്‍ഭധാരണത്തെ ബാധിക്കുകയും ചെയ്യുന്ന അവസ്ഥയില്‍ നിങ്ങള്‍ അറിഞ്ഞിരിക്കേണ്ട ചിലതുണ്ട്. അതിന് സമ്മര്‍ദ്ദം എങ്ങനെ കുറക്കാം എന്നുള്ളത് തന്നെയാണ് ശ്രദ്ധിക്കേണ്ട കാര്യം. നിങ്ങളുടെ ജീവിതരീതിയും സമ്മര്‍ദ്ദ നിലയും കണക്കാക്കാന്‍ നിങ്ങള്‍ വളരെയധികം ശ്രദ്ധിക്കണം. സമ്മര്‍ദ്ദത്തിന്റെ ഫലങ്ങള്‍ കുറയ്ക്കുന്നതിന് നിങ്ങളെ സഹായിക്കുന്ന ചില കാര്യങ്ങളെക്കുറിച്ച് ഈ ലേഖനം നിങ്ങളെ അറിയിക്കുന്നു.

ശ്രദ്ധിക്കേണ്ട കാര്യങ്ങള്‍

മതിയായ ഉറക്കം, ദിവസവും വ്യായാമം ചെയ്യുക, ധ്യാനം, യോഗ പരിശീലിക്കുന്നു, അക്യുപങ്ചര്‍, പാര്‍ക്കുകള്‍ പോലെയുള്ള ഒരു സ്വാഭാവിക പരിതസ്ഥിതിയില്‍ നടക്കുന്നു, പാര്‍ക്കില്‍ പുസ്തകങ്ങള്‍ വായിക്കുന്നു, ചൂടു വെള്ളത്തിലുള്ള കുളികള്‍, അനാവശ്യ ചിന്തകള്‍ ഉപേക്ഷിക്കുകയും ചെയ്യുക, സ്‌ട്രെസ് മാനേജ്‌മെന്റില്‍ ഗാര്‍ഡനിംങ് സഹായിക്കുന്നു. അവ നാഡീവ്യവസ്ഥയെ പരിപോഷിപ്പിക്കുകയും ഹോര്‍മോണ്‍ വ്യതിയാനം സമന്വയിപ്പിക്കാന്‍ സഹായിക്കുകയും ചെയ്യുന്നു. ഇത്തരം കാര്യങ്ങള്‍ എല്ലാം ശ്രദ്ധിച്ചാല്‍ നമുക്ക് മാനസിക സമ്മര്‍ദ്ദത്തെ പ്രതിരോധിക്കുന്നതിനും ആരോഗ്യമുള്ള ഗര്‍ഭധാരണത്തിനും സാധിക്കുന്നു.