ഇതുവരെ വിശേഷമായില്ലേ, യഥാര്‍ത്ഥ കാരണം ഇതാണ്

അമിതവണ്ണം

ഇന്നത്തെ കാലത്ത് അമിത വണ്ണം രോഗങ്ങള്‍ക്ക് മാത്രമല്ല പ്രത്യുത്പാദന ശേഷിയെ വരെ ഇല്ലാതാക്കും. അമിതവണ്ണം മൂലമുണ്ടാകുന്ന ഹോര്‍മോണ്‍ തകരാറുകള്‍ പലപ്പോഴും പ്രശ്‌നങ്ങളെ സങ്കീര്‍ണമാക്കുന്നു. ഇത് ജനിയ്ക്കാനിരിയ്ക്കുന്ന കുട്ടിയ്ക്ക് വരെ ദോഷകരമായി ബാധിയ്ക്കുന്നു.

മാനസിക സമ്മര്‍ദ്ദം

മാനസികസമ്മര്‍ദ്ദം ഇന്നത്തെ തലമുറയുടെ കൂടപ്പിറപ്പാണ്. ജോലി പ്രശ്‌നങ്ങളും കുടുംബപ്രശ്‌നങ്ങളും എല്ലാം മാനസിക സമ്മര്‍ദ്ദം പലരിലും ഉച്ഛസ്ഥായിയില്‍ എത്തിയ്ക്കുന്നു. ഇതും വന്ധ്യത പോലുള്ള പ്രശ്‌നങ്ങളിലേക്ക് നയിക്കുന്നു.

അമിത വ്യായാമം

വ്യായാമം ചെയ്ത് ശരീരം എങ്ങനെയെങ്കിലും ഫിറ്റ് ആക്കിയാല്‍ മതി എന്ന് കരുതുന്നവരാണ് ഇന്നത്തെ തലമുറ. എന്നാല്‍ അമിത വ്യായാമം പലപ്പോഴും സ്ത്രീകളെ വന്ധ്യതയെന്ന് ദുരുതത്തിലേക്ക് തള്ളിവിടുന്നു.

പുകവലി

പുകവലി സ്ത്രീയേയും പുരുഷനേയും പ്രശ്‌നത്തിലാക്കും. ഇത് പുരുഷന്‍മാരില്‍ ബീജത്തിന്റെ എണ്ണവും ആരോഗ്യവും കുറയ്ക്കുന്നു.

കഫീന്‍ പദാര്‍ത്ഥങ്ങള്‍

കഫീന്‍ അടങ്ങിയ പദാര്‍ത്ഥങ്ങള്‍ കഴിയ്ക്കുന്നതാണ് മറ്റൊന്ന്. ചോക്ലേറ്റ്, കാപ്പി തുടങ്ങിയവ കഴിയ്ക്കുന്നതും വന്ധ്യതയുടെ കാരണങ്ങളില്‍ പ്രധാനമാണ്.

പ്രായം

പലരിലും പ്രായം ഗര്‍ഭധാരണത്തിന് തടസ്സം സൃഷ്ടിയ്ക്കുന്ന ഒന്നാണ്. പ്രായം കൂടുന്തോറും ഗര്‍ഭധാരണ സാധ്യത കുറഞ്ഞ് വരുന്ന അവസ്ഥയാണ് ഉള്ളത്. 20നും 30നും ഇടയിലുള്ള പ്രായമാണ് ഗര്‍ഭധാരണത്തിന് ഏറ്റവും പറ്റിയ പ്രായം.

ഗര്‍ഭാശയ മുഴകള്‍

ഗര്‍ഭാശയ മുഴകള്‍ അഥവാ ഫൈബ്രോയ്ഡുകള്‍ ഇന്ന് സാധാരണമായി കാണുന്ന ഒന്നാണ്. 50 ശതമാനം സ്ത്രീകളിലും ഈ പ്രശ്‌നം ഉണ്ടാവാം. ഇതും പലപ്പോഴും ഗര്‍ഭധാരണത്തിന് പ്രശ്‌നം സൃഷ്ടിയ്ക്കുന്ന ഒന്നാണ്.