ഗര്‍ഭാവസ്ഥയില്‍ കുഞ്ഞിന്റെ അനക്കം

കുഞ്ഞിന്റെ ആരോഗ്യം

ഗര്‍ഭാവസ്ഥയിലുള്ള കുഞ്ഞിന്റെ ആരോഗ്യകരമായ വളര്‍ച്ചയാണ് ഇതിലൂടെ വെളിവാക്കപ്പെടുന്നത്. കുഞ്ഞിന്റെ ഓരോ ചലനവും ഇതിലൂടെ അമ്മമാര്‍ക്ക് മനസ്സിലാക്കാന്‍ കഴിയും.

ചുറ്റുപാട് മാറുന്നതനുസരിച്ച്

ചുറ്റുപാട് മാറുന്നതിനനുസരിച്ച് കുഞ്ഞിന്റെ ചലനവും വ്യത്യാസപ്പെട്ടിരിയ്ക്കുന്നു. എന്നാല്‍ ഇതിനെക്കുറിച്ച് ഒരിക്കലും ആധി പിടിക്കേണ്ട ആവശ്യം ഇല്ല.

ഇടതു വശം തിരിഞ്ഞ് കിടക്കുമ്പോള്‍

ഇടതുവശം തിരിഞ്ഞ് കിടക്കുമ്പോള്‍ കുഞ്ഞിന്റെ അനക്കം വളരെ കൂടുതലായിരിക്കും. ഗര്‍ഭസ്ഥശിശുവിലേക്കുള്ള രക്തപ്രവാഹം ഇടതു വശം തിരിഞ്ഞ് കിടക്കുമ്പോള്‍ കൂടുന്നതാണ് ഇതിന് കാരണം.

ഭക്ഷണശേഷം കൂടുതല്‍

അതുപോലെ തന്നെ ഭക്ഷണശേഷം കുഞ്ഞിന്റെ അനക്കം വളരെ കൂടുതലായിരിക്കും. ദിവസവും 15-20 തവണയെല്ലാം കുഞ്ഞ് ഗര്‍ഭപാത്രത്തില്‍ ചവിട്ടുന്നതായി തോന്നും.

9 ആഴ്ചകള്‍ക്ക് ശേഷം

ഗര്‍ഭപാത്രത്തിനകത്ത് കുഞ്ഞ് അനക്കം വെയ്ക്കുന്നത് 9 ആഴ്ചകള്‍ക്ക് ശേഷമാണ്. അള്‍ട്രാസൗണ്ട് സ്‌കാന്‍ വഴി ഇത് നേരത്തേ കണ്ട് പിടിയ്ക്കാമെങ്കിലും അമ്മ ഇത് മനസ്സിലാക്കാന്‍ പിന്നേയും സമയമെടുക്കും.

കുഞ്ഞിന് അനക്കമില്ലെങ്കില്‍

കുഞ്ഞിന് അനക്കമില്ലെങ്കില്‍ ഗര്‍ഭധാരണത്തില്‍ എന്തെങ്കിലും പ്രശ്‌നം പറ്റിയതായാണ് പറയുന്നത്. ദിവസവും 10 തവണയെങ്കിലും കുഞ്ഞിന്റെ അനക്കം ഉണ്ടായിരിക്കണം.

36 ആഴ്ചയ്ക്ക് ശേഷം

36 ആഴ്ചയ്ക്ക് ശേഷം കുഞ്ഞിന്റെ അനക്കം കുറയുകയാണെങ്കിലും പേടിയ്‌ക്കേണ്ട ആവശ്യമില്ല. കുഞ്ഞിന്റെ വളര്‍ച്ച പൂര്‍ണമായി എന്നതാണ് അതിന് കാരണം.