വാവേ, അമ്മയുണ്ടിവിടെ....

പാട്ട് -

ആദ്യ മൂന്നുമാസത്തിന്‍റെ അവസാനത്തോടെ കുഞ്ഞിന് നിങ്ങളുടെ ഹൃദയമിടിപ്പും, സ്വരവുമൊക്കെ കേള്‍ക്കാനാവും. കുഞ്ഞിന് നിങ്ങളുടെ സ്വരം തിരിച്ചറിയാനും, റിലാക്സ് ചെയ്യാനും സഹായിക്കുന്ന വിധത്തില്‍ പാട്ടുകള്‍ പാടുക.

മസാജ്

സുരക്ഷിതവും, സുഗന്ധമുള്ളതുമായ ഓയിലുകള്‍ ഉപയോഗിച്ച് വയര്‍ മസാജ് ചെയ്യുന്നത് നിങ്ങളെ മാത്രമല്ല കുട്ടിയെയും റിലാക്സ് ചെയ്യുമെന്നാണ് പല ഗവേഷണങ്ങളും കാണിക്കുന്നത്. വയറില്‍ മസാജ് ചെയ്യുമ്പോഴുള്ള ചലനങ്ങള്‍ കുഞ്ഞിന് മനസിലാക്കാനാവും,

സംസാരം

നിങ്ങളുടെ ശബ്ദം കേള്‍ക്കാനാവുമെന്നതിനാല്‍ കുഞ്ഞിനോട് പോസിറ്റീവായ കാര്യങ്ങള്‍ സംസാരിക്കാം. സംസാരം വഴി കുഞ്ഞിന് നിങ്ങളുടെ ശബ്ദം കാലക്രമേണ പരിചിതമാകുമെന്നാണ് പഠനങ്ങള്‍ പറയുന്നത്.

പ്രതികരിക്കുക

കുഞ്ഞ് നിങ്ങളുടെ വയറ്റില്‍ കിടന്ന് തൊഴിക്കുകയും, തട്ടുകയും ചെയ്യുന്നത് ആശയവിനിമയത്തിനായാണ്. നിങ്ങളുടെ വയര്‍ തടവിയോ, സംസാരിച്ചോ അതിനോട് പ്രതികരിച്ചാല്‍ നിങ്ങള്‍ ശ്രദ്ധിക്കുണ്ടെന്ന് അവന് മനസ്സിലാകും.

പോസിറ്റീവായി ചിന്തിക്കുക

അമ്മയുടെ ചിന്തകള്‍ കുട്ടിയുടെ വൈകാരികമായ വികാസത്തില്‍ പ്രതിഫലിക്കുമെന്നാണ് നിരവധി വിദഗ്ദരുടെ അഭിപ്രായം. അതിനാല്‍ തന്നെ ഗര്‍ഭകാലത്ത് സമ്മദ്ദം ഒഴിവാക്കി പോസിറ്റീവായ ചിന്തകള്‍ പിന്തുടരുക.

അച്ഛനെ പരിചയപ്പെടുത്തുക

കുഞ്ഞിന്‍റെ പിതാവുമായും ബന്ധം സ്ഥാപിക്കേണ്ടത് പ്രധാനമാണ്. നിങ്ങളുടെ ഭര്‍ത്താവിനോട് കുഞ്ഞിനോട് സംസാരിക്കാനോ വയര്‍ മസാജ് ചെയ്യാനോ ആവശ്യപ്പെടുക.

യോഗ

ഗര്‍ഭിണിയായിരിക്കുമ്പോള്‍ യോഗ ചെയ്യുന്നത് അമ്മയും കുഞ്ഞും തമ്മിലുള്ള ബന്ധം ദൃഡമാക്കാന്‍ സഹായിക്കുമെന്നത് തെളിയിക്കപ്പെട്ട കാര്യമാണ്. ചില യോഗ മുറകളും, ധ്യാനവും അമ്മയും കുഞ്ഞും തമ്മിലുള്ള ആശയവിനിമയം സാധ്യമാക്കും.

ആല്‍ബം തയ്യാറാക്കല്‍

ഗര്‍ഭത്തിന്‍റെ പുരോഗതിയുടെയും ഈ കാലയളവിലുള്ള സന്തോഷകരമായ പരിപാടികളുടെയും ചിത്രങ്ങളെടുക്കുക. ഇവ കാണുമ്പോള്‍ നിങ്ങള്‍ക്ക് കുഞ്ഞിനോടുള്ള സ്നേഹം വര്‍ദ്ധിക്കുകയും ഇത് ഉദരത്തിലുള്ള കുഞ്ഞിന് അനുഭവവേദ്യമാകുകയും ചെയ്യും. അത് വഴി അമ്മയും കുഞ്ഞും തമ്മിലുള്ള ബന്ധം ദൃഡമാകും.