ആര്‍ത്തവം നോക്കാതെ ഗര്‍ഭം തിരിച്ചറിയാം

യോനീസ്രവം

യോനീസ്രവം കൂടുതല്‍ കട്ടിയുള്ളതും വഴുവഴുപ്പുള്ളതുമാകും. വെളുത്ത നിറത്തിലെ ഈ ഡിസാചാര്‍ജ് ഗര്‍ഭകാലത്തു മുഴുവന്‍ നീണ്ടു നില്‍ക്കും.

മാറിടങ്ങള്‍

മാമ്മറി ഗ്ലാന്റില്‍ വ്യത്യാസങ്ങള്‍ വരുന്നതു കൊണ്ടുതന്നെ മാറിടങ്ങള്‍ കൂടുതല്‍ മൃദുവായതായി അനുഭവപ്പെടും. ചിലപ്പോള്‍ തടിപ്പുള്ളതുപോലുള്ള തോന്നലുമുണ്ടാകും. വലിപ്പം കൂടിയായും അനുഭവപ്പെടും.

പെല്‍വിക് പ്രദേശത്തു വേദന

ആര്‍ത്തവസമയത്തുണ്ടാകുന്ന വേദന പോലെ പെല്‍വിക് പ്രദേശത്തു വേദനയനുഭവപ്പെടും.

മൂത്രശങ്ക

യൂട്രസ് ഭിത്തി വികസിയക്കുന്നതു കൊണ്ടുതന്നെ മൂത്രശങ്ക വര്‍ദ്ധിയ്ക്കുന്നതും സ്വാഭാവികം.

മനംപിരട്ടല്‍

മനംപിരട്ടല്‍, പ്രത്യേകിച്ചു മോണിംഗ് സിക്‌നസ്, രാവിലെയുള്ള മനംപിരട്ടല്‍ സാധാരണമാണ്. ചില പ്രത്യേക ഗന്ധങ്ങളും ഭക്ഷണങ്ങളുമെല്ലാം കാരണങ്ങളുമാകും.

ക്ഷീണം

ശരീരതതിലെ പ്രൊജസ്‌ട്രോണ്‍ ഹോര്‍മോണ്‍ തോത് വര്‍ദ്ധിയ്ക്കുന്നതു കൊണ്ടുതന്നെ എപ്പോഴും പ്രത്യേക കാരണങ്ങളില്ലാതെ ക്ഷീണം തോന്നുന്നതും സാധാരണമാണ്.

മലബന്ധം

പല സ്ത്രീകള്‍ക്കും ഗര്‍ഭധാരണസമയത്തും ഗര്‍ഭകാലത്തുമെല്ലാം മലബന്ധം അനുഭവപ്പെടുന്നത് സാധാരണയാണ്.

ആര്‍ത്തി, വിരക്തി

ചില ഭക്ഷണങ്ങളോടു വിരക്തി, ചിലതിനോട് ആര്‍ത്തി എന്നിവയും സാധാരണം. ഇഷ്ടമുള്ള ഭക്ഷണങ്ങളോടാകാം ചിലപ്പോള്‍ താല്‍പര്യക്കുറവു തോന്നുന്നത്.