ആര്‍ത്തവം തടസപ്പെടുത്തും ഘടകങ്ങള്‍

കഠിനമായ വ്യായാമങ്ങള്‍

കഠിനമായ വ്യായാമങ്ങള്‍ ആര്‍ത്തവം വൈകുന്നതിന്റെയും ഇല്ലാതിരിയ്ക്കുന്നതിന്റേയും ഒരു കാരണമാണ്. ഇത് ശരീരത്തിലെ സ്വാഭാവികമായ ഹോര്‍മോണ്‍ മാറ്റങ്ങളെ സ്വാധീനിയ്ക്കുന്നു.

ചിലതരം മരുന്നുകള്‍

ചിലതരം മരുന്നുകള്‍ കഴിയ്ക്കുന്നത് മാസമുറ വൈകാന്‍ ഇട വരുത്തുന്നു. ഇതിലെ പല ഘടകങ്ങളും ഹോര്‍മോണ്‍ വ്യതിയാനങ്ങള്‍ക്ക് ഇട വരുത്തുന്നു.

സ്‌ട്രെസ്

സ്‌ട്രെസ് മാസമുറ വൈകിക്കുന്ന മറ്റൊരു ഘടകമാണ്. ഇതും ഹോര്‍മോണ്‍ അസന്തുലിതാവസ്ഥയുണ്ടാക്കുന്നു.

ഉറക്കത്തിന്റെ അഭാവം

ശരിയായ ഉറക്കത്തിന്റെ അഭാവം മാസമുറ തടസപ്പെടുത്തുന്ന മറ്റൊരു ഘടകമാണ്. ഇതും ഹോര്‍മോണ്‍ പ്രവര്‍ത്തനങ്ങള്‍ തടസപ്പെടുത്തും.

അമിത വണ്ണം

അമിത വണ്ണം മാസമുറയെ തടസപ്പെടുത്തും. ഇത് ശരീരത്തില്‍ കൂടുതല്‍ ഈസ്ട്രജന്‍ ഉല്‍പാദിപ്പിയ്ക്കാന്‍ ഇടയാക്കും. ഇത് ഓവറികളില്‍ നിന്നും അണ്ഡം പുറത്തു വരുന്നത് തടസപ്പെടുത്തും.

ശരീരഭാരം വല്ലാതെ കുറയുന്നത്

ശരീരഭാരം വല്ലാതെ കുറയുന്നത് ഈസ്ട്രജന്‍ അളവ് വേണ്ടതിലും കുറയ്ക്കും. ഇത് മാസമുറ വൈകിപ്പിയ്ക്കും.

ഗര്‍ഭനിരോധന ഗുളികകള്‍

ഗര്‍ഭനിരോധന ഗുളികകള്‍ ആര്‍ത്തവചക്രം തടസപ്പെടുത്തുന്ന മറ്റൊന്നാണ്. ഇവയിലെ ഹോര്‍മോണുകളാണ് കാരണം. ഓവുലേഷന്‍ ലക്ഷണങ്ങള്‍ തിരിച്ചറിയൂ