ഗര്‍ഭധാരണശേഷി വര്‍ദ്ധിപ്പിയ്ക്കും ഭക്ഷണങ്ങള്‍

ബീന്‍സ്

ബീന്‍സ് ഗര്‍ഭധാരണശേഷി വര്‍ദ്ധിപ്പിയ്ക്കുവാന്‍ സഹായിക്കുന്ന ഒരു ഭക്ഷണമാണ്. ഇതിലെ പ്രോട്ടീനാണ് ഈ ഗുണം നല്‍കുന്നത്.

തവിടു നീക്കാത്ത ധാന്യങ്ങള്‍

ആന്റിഓക്‌സിഡന്റുകള്‍, വൈറ്റമിനുകള്‍, അയേണ്‍ എന്നിവടങ്ങിയ തവിടു നീക്കാത്ത ധാന്യങ്ങള്‍ ഭക്ഷണത്തില്‍ ഉള്‍പ്പെടുത്തുക. ഇവ ഗര്‍ഭധാരണ ശേഷി വര്‍ദ്ധിപ്പിയ്ക്കും.

മത്സ്യം

കാരി (ക്യാറ്റ് ഫിഷ്), ചൂര (ട്യൂണ), കോര (സാല്‍മണ്‍), ചെമ്മീന്‍ തുടങ്ങിയ മത്സ്യങ്ങളും ഗര്‍ഭധാരണ ശേഷി വര്‍ദ്ധിപ്പിയ്ക്കുവാന്‍ സഹായിക്കുന്ന ഭക്ഷണങ്ങള്‍ തന്നെയാണ്.

ഇലക്കറി

ഫോളിക് ആസിഡ് ഗര്‍ഭിണികള്‍ക്കും ഗര്‍ഭധാരണത്തിനും വളരെ പ്രധാനമാണ്. ഇലക്കറികളില്‍ ഇവ ധാരാളം അടങ്ങിയിട്ടുണ്ട്. പുരുഷന്മാരില്‍ ബീജസംഖ്യ വര്‍ദ്ധിപ്പിയ്ക്കാനും ഇത് സഹായിക്കും.

ഹോള്‍ വീറ്റ് ബ്രെഡ്

ബ്രെഡ് ഭക്ഷണശീലമാക്കിയവര്‍ ഹോള്‍ വീറ്റ് ബ്രെഡ് ഉപയോഗിക്കുക. ഇത് തവിടു കളയാത്ത ഗോതമ്പു കൊണ്ടുണ്ടാക്കിയതാണ്.

ഒലീവ് ഓയില്‍

ഒലീവ് ഓയിലില്‍ ധാരാളം മോണോസാച്വറേറ്റഡ് കൊഴുപ്പടങ്ങിയിട്ടുണ്ട്. ഇത് ശരീരത്തിലുണ്ടാകുന്ന അണുബാധ തടയാന്‍ സഹായിക്കുന്നു. ഇത്തരം അണുബാധകള്‍ ഓവുലേഷനെ ബാധിയ്ക്കുന്നവയാണ്.

പാലുല്‍പന്നങ്ങള്‍

ഫെര്‍ട്ടിലിറ്റി ഹോര്‍മോണുകളായ എഫ്എസ്എച്ച്, എല്‍എച്ച് എന്നിവയുടെ ഉല്‍പാദനത്തിന് പാലുല്‍പന്നങ്ങള്‍ സഹായിക്കും.

ബദാം

ഒമേഗ 3 ഫാറ്റി ആസിഡ് എളുപ്പത്തില്‍ ഗര്‍ഭം ധരിക്കാന്‍ സഹായിക്കുന്ന ഒന്നാണ്. ബദാം, വാള്‍നട്ട്, ആപ്രികോട്ട് എന്നിവ ഭക്ഷണത്തിലുള്‍പ്പെടുത്തുന്നത് നന്നായിരിക്കും.