നടന്നാലും ഗര്‍ഭിണിയാകും!

ഗര്‍ഭധാരണത്തിന് ശരീരഭാരവും പ്രധാനമാണ്. ഇവിടെയാണ് വ്യായാമത്തിന്റെ പ്രസക്തി. അമിതഭാരവും കുറഞ്ഞ ശരീരഭാരവും ഗര്‍ഭധാരണത്തിന് തടസം നില്‍ക്കുന്ന കാര്യങ്ങളാണ്.

ഇവിടെ ശ്രദ്ധിക്കേണ്ട കാര്യമുണ്ട്. ആയാസമേറിയ വ്യായാമങ്ങളല്ലാ ഗര്‍ഭം ധരിക്കാന്‍ ചെയ്യേണ്ടത്. മാത്രമല്ലാ, ബുദ്ധിമുട്ടേറിയ വ്യായാമങ്ങള്‍ ചെയ്യുന്നത് ഗര്‍ഭിണികളില്‍ ഗര്‍ഭം അലസുന്നതിനും കാരണമാകും.

ഗര്‍ഭധാരണത്തിന് ചേര്‍ന്ന ഏറ്റവും നല്ല വ്യായാമമാണ് നടക്കുന്നത്. ഇത് ശരീരഭാരം കൃത്യമായി നിര്‍ത്താന്‍ നല്ലതാണ്. ഗര്‍ഭിണികള്‍ക്കും ചെയ്യാവുന്ന ഏറ്റവും ലളിതമായ വ്യയാമമാണിത്.

സൈക്കിള്‍ ചവിട്ടുന്നതും നല്ലൊരു വ്യായാമം തന്നെ. രക്തപ്രവാഹം വേഗത്തിലാക്കാനും കാലുകളിലെ മസിലുകള്‍ക്ക് ശക്തി ലഭിക്കാനും പെല്‍വിക് മസിലുകളുടെ ശക്തി വര്‍ദ്ധിപ്പിക്കാനും ഇത് സഹായിക്കും. സൈക്കില്‍ ചവിട്ടുമ്പോള്‍ വണ്ണവും കുറയും.

നീന്തുന്നത് മറ്റൊരു നല്ല വ്യായാമമാണ്. ഗര്‍ഭം ധരിക്കാനുദ്ദേശിക്കുന്നവര്‍ക്ക് മാത്രമല്ലാ, ഗര്‍ഭിണികള്‍ക്കും ചെയ്യാവുന്ന നല്ലൊരു വ്യായാമമാണിത്. എന്നാല്‍ ആരോഗ്യപ്രശ്‌നങ്ങളുള്ള ഗര്‍ഭിണികള്‍ ഡോക്ടറുടെ നിര്‍ദേശപ്രകാരം മാത്രമെ നീന്താവൂ.