ഹണിമൂണിലെ ഗര്‍ഭം ഒഴിവാക്കാം

Pre Natal

oi-Saritha

By Veena

Published: Thursday, March 22, 2012, 17:42 [IST]

ഹണിമൂണ്‍ സമയത്തെ ഗര്‍ഭം മിക്കവാറും ദമ്പതികള്‍ ആഗ്രഹിക്കുന്നുണ്ടാവില്ല. ജീവിതം അല്‍പം ആസ്വദിച്ച ശേഷം മതി കുഞ്ഞുങ്ങള്‍ എന്ന തോന്നലുള്ളവര്‍ക്ക് പ്രത്യേകിച്ച് ഇത്തരം ഗര്‍ഭം പൊല്ലാപ്പായേ തോന്നൂ. ഇതൊഴിവാക്കാന്‍ മുന്‍കൂട്ടി പ്ലാന്‍ ചെയ്യേണ്ടതും അത്യാവശ്യം.

ഇത്തരം കാര്യങ്ങള്‍ ദമ്പതികള്‍ തമ്മില്‍ ചര്‍ച്ച ചെയ്ത് നേരത്തെ തീരുമാനിക്കുന്നതായിരിക്കും ഉചിതം. ഇരുകൂട്ടര്‍ക്കും ആശാസ്യമെന്നു തോന്നാവുന്ന ഗര്‍ഭനിരോധന മാര്‍ഗങ്ങള്‍ സ്വീകരിക്കാം.

എമര്‍ജന്‍സി കോണ്‍ട്രാസെപ്റ്റീവ് വഴികള്‍ ലഭ്യമാണെങ്കിലും ഇവ തീര്‍ത്തും ആരോഗ്യകരമാണെന്നു പറയാനാവില്ല. വളരെ അത്യാവശ്യമാണെങ്കില്‍ മാത്രം ഇത്തരം മാര്‍ഗങ്ങള്‍ സ്വീകരിക്കുക.

ആര്‍ത്തവദിനങ്ങള്‍ കൃത്യമായി കണക്കു കൂട്ടാന്‍ കഴിയുന്ന സ്ത്രീകളാണെങ്കില്‍ ഓവുലേഷന്‍ ദിവസവും ഏതാണ്ട് കൃത്യമായിത്തന്നെ കണ്ടെത്താം. ഗര്‍ഭധാരണം ഒഴിവാക്കുന്നതിന് ഇത് വളരെ അത്യാവശ്യമാണ്. ഓവുലേഷന്‍ കലണ്ടറുകളും ഓവുലേഷന്‍ കണക്കു കൂട്ടാന്‍ സഹായിക്കും.

ഓവുലേഷന്‍ നടക്കാന്‍ സാധ്യതയുള്ള ദിവസങ്ങളില്‍ സെക്‌സ് ഒഴിവാക്കുന്നതാണ് പ്രകൃതിദത്തമായ ഗര്‍ഭനിരോധനമാര്‍ഗം. എന്നാല്‍ ഇത് പൂര്‍ണമായും വിജയമാകുമെന്ന് പറയുവാനാകില്ല.

സ്ത്രീകള്‍ക്ക് ഹണിമൂണ്‍ സമയത്ത് ഉപയോഗിക്കാവുന്ന ഗര്‍ഭനിരോധന മാര്‍ഗമാണ് ഗര്‍ഭനിരോധന ഗുളികകള്‍. ഇത്തരം ഗുളികകള്‍ ഡോക്ടറുടെ നിര്‍ദേശ പ്രകാരം മാത്രമെ കഴിയ്ക്കാവൂയെന്നത് പ്രധാനമാണ്. സാധാരണ 28 ഗുളികകളാണ് ഒരു സ്ട്രിപ്പില്‍ ഉണ്ടാവുക. ഇവ മുടങ്ങാതെ കഴിയ്ക്കുകയും വേണം.

സ്ത്രീകള്‍ക്കുള്ള ഹോര്‍മോണ്‍ കുത്തിവയ്പുകളും ലഭ്യമാണ്. ഇവ ഡോക്ടറുടെ നിര്‍ദേശമനുസരിച്ചു മാത്രമെ ഉപയോഗിക്കാവൂ.

പുരുഷന്മാര്‍ക്കുള്ള ഗര്‍ഭനിരോധന മാര്‍ഗങ്ങളില്‍ ഏറ്റവു സ്വീകാര്യമായത് കോണ്ടംസാണ്. ഇവ 98 ശതമാനം വിജയം ഉറപ്പു നല്‍കുന്നു. ഉപയോഗിക്കാനും ലഭിക്കാനും എളുപ്പമെന്നതാണ് ഇവ പ്രചാരം നേടാനുള്ള കാരണം. ലൈംഗികരോഗങ്ങള്‍ ഒഴിവാക്കാനും കോണ്ടംസ് സഹായിക്കും.